هديه لخالتي ؟؟

[Ooاحلى عروسoO]

السلام عليكم ورحمة الله وبركاته

شلونكم بنات شخباركم



بنات بمناسبه رمضان ودي اشتري لخالتي ام زوجي شي شنو تنصحوني فيه على فكرة هذا اول رمضان يمر علي من تزوجت لاني ماصارلي سنه من تزوجت

اانا حاليا فبيت اهلي لمده طويله شوي لاني تعبانه من الحمل والدكتورة ناصحتني انام على ظهري وشقتي بالدور الثالث ومافي اصنصير فبيت اهلي اريح لي

مادري شسوي هل اول يوم لازم اروح اتفطر عندهم بس فشله اهم من الظهر يشتغلون بالفطور وانا ادش بس حزة الفطور احس مو حلوة بحقي

او اروح لهم بعد صلاة التراويح واخذ معاي حلا ؟



ابي رايكم لاعدمناكم

 

[قمه النعومه و الأنوثه]

هلا فيج إختي والله يتمم عليج إنشاء الله وتولدين بالسلامه..اللهم آمين

شوفي زوجج شنو ايقول بتتفطرون عندهم ولا بتزورونهم بعد الفطور اتباركون ..انا بالنسبه اللي اذا اول يوم يمكن ايكون زحمه عليهم وجو رمضان في ناس ايخبون عمرهم زياده فأخلي الفطور بعدين ..والناس اطباع..

انتي شوفي شور زوجج اذا فطور ودي معاج أكله بإيدج وهديه حق خالتج وعمج
واذا بعد الفطور ودي معاج حلو قهوه زلابيا تشكيله من الحلويات الكويتيه مع الهديه..

بالنسبه حق الهديه ياحلو افكار خواتنا بالمنتدى منهم:

كوبون إفطار صائم بإسم الخاله من لجنه إسلاميه بقيمه 15 دينار مع أشرطه قرآن
وتقدرين اتحطين لها دهن عود واشرطه قرآن مع تغليف ذرب امرتب..عندج الزهور الشرقيه مقابل دار الشفاء للتغليف في سوالف حلوه وايد حتى سوالف لتجهيز كاكاو البيبي إن شاء الله.

وفي بنات بقسم الموول امسوين علب اللي فيها غراش للزعفران وماي اللقاح امغلفين وابعلبه هم حلوه هديه ..تنفعها لضيوفها...

وتقدرين تاخذين لها جم ماعون كشخه بمناسبه رمضان بعد..

وكل عام وإنتي بخير والله يعوده علينا بالخير إن شاء الله