هذا اللي اسويه صح؟ (بدون هجوم لو سمحتو)

[mouzza]

السلام عليكم بنات الله يخليكم انا عارفه اسلوبكم مع اللي توهم مسجلين بس انا اعرفكم من زمان وصادقه بكل كلمه بقولها

بنات انا امي تعرضت لمشكله تقريبا وانا عمري سنه والحين عمري 23 صارت مشكله بينها وبين اهلها وليلحين اثرت ع نفسيتها صارت شكاكه عصبيه ماتبينا نعرف شتقول بالتلفون واذا قعدت معاها تتكلم بطلاسم عشان مافهم وبعدين تزعل تقول تاركيني بروحي طيب انا شسوي؟؟؟؟؟؟؟ انا 24ساعه بغرفتي ع النت حتى الاكل الخدامه تطق الباب علي وتحطه عند الباب صار لي ع هالحال سنتين انا لاني تعبت من المشاكل والصراخ انا مو انا انانيه اذا تدخلت بدافع عن احد يقولون لاتدخلين طيب شسوي انا عشان جذي فكرت اني اكون بهالوضع مايبوني اعرف عن شي ابدا كل شي لاتقولون لها او لاتعلمون فلان تالي تزعل وتقول مانشوفج عطوني حل !

 

[* ليــــدي *]

امج تعرضت لمشاكل تلقين اعصآبها مشدوده ومتوتره ..
ماعليه كلميها باسلوب حلو حاولي تهدينها مو تتركينها وتقعدين عالنت ..
كوني معاها كلميها باسلوب حلووو حاولي تسولفين وياها طلعينها ونسيها هذي جنتج ونارج ..
ماعليه تحملي حبيبتي ..

حتى لو تعصب اسكتي خليها تفضفض تطلع حرتها

وتقولين اذا تكلمت بالفون تتكلم بالطلاسم خو انتي ماتتسلطين عليها الا لامسكت الفون لووووووووول
اذا شفتيها تتكلم بالفون اتركيها وروحي لها لاكانت بروحها ..

 

[mouzza]

مشكوره ليدي

صدقيييييييني سويت كل شي وكل اللي قلتيه مايفيد معاها حتى بعيد الام مانساها ودايم هوشه معانا ونكد وبعدين انا ماتسلط عليها بالتلفون بس هي الله يهديها تحسبني اتسمع انا شدخلني اكبر همي ؟؟ اهيا اللي خلتني اصير بهالوضع

 

[* ليــــدي *]

الله يكون بعونج و يهديها ويريح اعصابها ي رب ..

 

[....وبس]

عاادي حبيبتي هذا اختباار من رب العالمين

حاولي قد ما تقدرين ما تقاطعينها وما تزعلينها والله يهديها ويصلح الحال بينكم

 

[L . A]

مهما تسوي تظل أم لوتطقج او عصبت عليج ياماتحملت وسهرت عليج وانتي قعدي معاها طلعي عزميها بره لا تبتعدين عنها فهميها انج خايفه عليها وانج كبرتي وتبينها يمج وتفهمين شدور وشصير لها صدقيني بتتغير عطيها حل لمشكله تمر عليها خليها تحس ان وراج حلول وادعي لها الدعاء يهدي النفس انشالله والله يخليكم لبعض

 

[Aloolah]

الله يعينج حبيبتي و طولي باااالج مهما كانت هذي جنتج و ناااارج

 

[ޢޢޢإيمانޢޢޢะۣۨ>]

حبيبتي لما تقعدين طول الوقت بروحج راح تكبر الحواجز بينج وبينها أكثر
قعدي معاها و كوني قريبه منها
مو شرط تسولفين وايد
حاولي تفتحين معاها مواضيع
واذا شفتيها عصبت لا تردين عليها كلش
وأول ما تقعدين من النوم وتشوفينها على طول بوسي راسها
خلّيها تحس إنج تبين رضاها
​

 

[Angel-Lady]

مشكلة الاهالي في الكويت ما يعززون الثقه بينهم و بين عيالهم و لما يكبرون يقولون ليش يصير جذي... و المفروض اتكون الام اول صديق في حياة اي طفل لها بس الله يكون بالعون

فتحي صفحه يديده مع امج و كوني صداقه معاها و حتى ما رضت حاولي فيها

طلعي معاها سوق و لا بحر و شربو عصير و سولفي اشياء غير همومها و حاولي تلهون و تستانسون مع بعض

حجزي لها سبا و تريح اعصابها بالمساج، غيري جو البيت مثلا اتسوين حفله اصغيره تستانسون مع بعض

غيري روتينج اليومي و حاولي اتغيرين روتين امج و تسعدينها

الله يوفقج ان شالله *

 

[Tulips]

اهي رغبتها انكم ماتعرفون بالمشكله اللي صايره وخلاص مدام هذا اللي تبيه نفذوه لها

ولازم تقعدين مع امج وتشوفين شنو تبي وشنو محتاجه .. برو فيها

بعد عمر طويل انشاءالله اهي مو دايمتلج .. وباجر بتتحسرين على كل يوم ضيعتيه بدون ماتقعدين معاها

بغض النظر عن كل المشاكل اهي لها حق عليج

 

[دلع العتبان]

عسى الله يفرج عليج حياتي

 

[زوجة عزيز]

الله يفرجها عليكم

 

[FeShinGoOo]

ماتقعدين مع امج عشان عندها اسرار وماتبيج تعرفينها هاذا مو عذر بالعكس قعدي معاها سولفي وظحكي وقوليلها سوالفج بالدوام او بالدراسه او مواقفج مع ارفيجاتج شسويتي وشماسويتي شنو شريتي من السوق شنو قاعده تفكرين وشنو تخططين حق مستقبلج شنو ودج والسوالف الي ماتبي تسمعها اتجنبيها عادي هاذي امج مو لازم ولاهي مجبوره تعلمكم كلشي خليها على راحتها وهم سوي الي خاطرها فيه حتى لو تقعدين يمها ولاب توبج معاج قعدي ووريها السوالف بالنت بطليلها مواقع طبخ ولا ديكور ولا مكياج وريها اي شي

 

[طموحه بزياده]

الله يهديها يارب ويجمعكم على محبه بس لا تقعدين بدارج

 

[جواهر35]

لاحلو ولاقوة الا بالله