هذا اللي شفته باالغربه؟؟؟

[مشتاقه للكويت]

السلا عليكم ورحمة الله وبركاته​

حياكم الله ..حبيت يكون اول موضوع لي كلمة وفا للوطن الغالي ..اذاحسيتي ودج تعرفين مكانت الكويت في قلبج ؟جربي الغربه ..كتبلي ربي اعيش بره الكويت اول الايام تحسين عاادي تمشي ووناسه بس كعيشه اتحده اي كويتي يقول عاادي ..الكويت دللتنا ودلعتنا وعطتنا حنان ماشفت مثل ..تذبحني الغيره اذا احد تكلم فيها ..يحقلي ماقصرت معانا بشي ..حسيت انا بالكويت نعيش حيات كريمه بكل تقدير للام والاب من الدوله طبعا ..تتخيلين في واحد عايش عمره كله في ديرته ومولود فيها وعياله على وجه زواج مو لقيله بيت يضمه ؟؟؟مصرف لعياله ماتمشيله الحكومه شي؟؟؟نزين بدل اجار مافي ؟؟؟كد ودبر عمرك وفوق هذا كله ماتحصلهم الجامعات الى باالموت ؟؟؟ووظايف مافي اغسل ايدك:krkrkr:
بصراحه حالتهم ماتبجي ...هذا كله شفته باالغربه ؟؟وعلى ذالك نشوف اكويتين مو عاجبهم العجب ومو على السانهم الى حقوقنا ؟..هذولي ربي بعاقبهم ..ياعااااااااااالم الكويت ماقصرت

وهذا مو قصور باالديره اللي انا فيها لا والله والنعم فيهم ..بس حبيت ابين نعم الله علينا ..

 

[Q8_QT]

صاجة أختي
وعسى الله يحفظ هالديرة الطيبة وأهلها من كل شر
والله يرجعج لديرتج وأهـــــلــــج بالســــــلامـــــة يـــارب

 

[مشتاقه للكويت]

تسلمين يا قلبي على مرورج ..والله يحفض ديرتنا..

 

[ScarletteO'Hara]

الله يعينج على غربتج حبوبة
انا جربت الغربة 3 سنين و نص و ما رحت بعيد, رحت الامارات, انا حييل احب الامارات, بس غربتي علمتني اني احب الكويت و احلى شي بحياتي رجعتي النهائية لها, محد مرتاح مثلنا و بظل ابونا صباح الله يطول بعمره

تقبلي مروري حبوبة

 

[الاميره ياقوت]

ما اقدر اقول الا :

الكويت تستاهل

عسى الله يهون غربت المغتربين

و يردهم لاهلهم سالمين

 

[لميــاء]

ياحــــــــــــــــــلو ديرتنـــــــــــــــا اللـــــــــــه لا يغيـــــــــــــر علينــــــــــــــــــــــا

 

[مشتاقه للكويت]

عقربا احسج حاسه فيني لانج جربتي الغربه والله محمد مرتاح مثلنا...الاميره ياقوته صح كلامي الكويت تستاهل مشكورين على الطله

 

[^^نـــواره^^]

صاجة صاجة صاجة والدليل ان الوافدين عندنا اكثر من المواطنين ،، حتى الوافدين حاسين بالخير اللي ربي حاطه فيها

 

[local]

مهما رحنا وسافرنا واستانسنا .. مردنا نرد ونحب ترابها الغالي

 

[سنا الفضه]

حب الوطن غالي والعيشه فيه جنه

انتي بتقولين لي سأليني انا جربتها وعشتها بكل مراحلهااااااا وبانتظار تكمله المشوار خلال هالجم شهر مره ثانيه ان شاء الله بس المستقبل يتطلب والكويت تستااااااهل ضروري انضحي علشانها وعلشان مستقبلنا احنا وعيالنا

ربي يهوون عليج وعلينا وعلى كل مغتربه صج طعمها مر لكن فيها علاج لواااااااايد اموور مثل الدوا عديه دواء وتجرعيه

وترى خلال غربتج بتعرفين شغلات واااايد وبتكتشفين امور كانت غايبه عنج سأليني اناااااا اقولها بكل صراحه تكشفت لي امووووور كنت مغيبه عنهااا ومو مجالها هنيه والا جان قلت وقلت

مهووونه باذن الرحمن يالمشتااقه بالتوفيق ان شاء الله

 

[مشتاقه للكويت]

مشكوووورين على مروركم ...سنا الفضه والله انج صااجه بكل كلمه تعلمنا اشياء ماكنا نفكر نجربها الغربه ذبااااااحه ...

 

[ii DareeN ii]

في اي ديرة طبيتها اشوف حال الناس صج اشوف تطور وعمران بس ارجع واقول عمار ياكويت انتي مامثلج بهالدنيا بلد عسى ربي يحفظها لنا ويخليها ونشوفها احسن يارب والله يرجعج ديرتج سالمة غانمة

 

[سحيله_الحلوه]

اي والله وانتي صاجه
الله يدوم علينا الخير والامان
وان شالله تردين بالسلامه

 

[روح البنفسج]

مهما رحنا وردينا غير الكويت مانلقي الله يخلي الكويت ويحفظها من كل شر يارب

 

[jojo]

وهذي الكويت صلو على النبي
الله يحفظها و ويخليها لنا ويخلينا لها ياارب
والمثل يقول ماتعرف قديري لما تجرب غيري

 

[جاي الضحى]

يوم قريت موضوعج وهالرد

في اي ديرة طبيتها اشوف حال الناس صج اشوف تطور وعمران بس ارجع واقول عمار ياكويت انتي مامثلج بهالدنيا بلد عسى ربي يحفظها لنا ويخليها ونشوفها احسن يارب والله يرجعج ديرتج سالمة غانمة

طريت على إغنييه بلادكم حلوه مسرحية السندباد البحري تقول

بلادكم حلوه حلوه بس للوطن ماكو مثيل...لو إنا سافرنا الشوق يرجعنا ...حب الوطن غالي..والعيشه فيه جنه


الف الحمد الله والشكر على النعم إلي احنا حاسين فيها وإلي مو حاسين فيها.

بس مثل ما قالت سنا الفضه من الغربة فايدة من علوم وإكتساب خبره وأفكار وأيضاً تأكيد لحبنا لديرتنا.

الله يحفظ ديرتنا.

مشكوره عزيزتي.​

 

[*peace*]

فدييييتج ياكويت يالله ياربي تحفظها من كل مكروه ياارب

ياربي لك الحمد ماكو ديره مثل كويتنا الغاليه ربي يحفظها

والله حتى رفيج زوجي من جنسيه ثانيه يقول يحب الكويت اكثر من ديرته يقول ديرتي شعطتني؟

الكويت عطته اكثر من ديرته وواحد ثاني يوم توفى بابا جابر لله يرحمه ويوسع قبره يدعيله كل يووووووم

كل يوووووووووم

الف حمد وشكر اني كويتيه

مشتاقه للكويت الله يحفظج ياحوووبي وتردين الكويت سالمه ياااااااااااااااااارب ​

 

[katko0ota]

ايييي حبيبتي الغربه و ما ادركما الغربه

كل الي يتحلطمووون على الديره ما جربو الغربه و لا فراق الكويت

انا اتكلم من واقع تجربه الغربه

لو عنها سافرنا الشوق يرجعنا و حب الوطن غالي و العيشه فيه جنه

 

[ملح بدويه]

هاذي الكويت صل على النبي

 

[مشتاقه للكويت]

مشكورررررررين على طلتكم الحلوه ويارب لا تحرمنا من هاالديره الحلوه وتزيد خيرها ...وتسلمون على كلامكم الحلو وهذا اول موضوع عطيتوني دافع من مشاركاتكم ...