هـديه لعيـد ميـلآد زوجي

[بيـآض الثلـج]

السلآم عليكم


بنآت بغيت مسآعدتكم

أنا زوجي عيد ميلآده بعد جم يوم

أبي أشتريله هديه حلوه و ذربه و أبيها تكون وفق ميزآنيتي

ميزانيتي مو أكثر من 60 دينآر

أبي شي حلو و بهالميزانيه ,, شنو تنصحوني أشتري

و شكرا مقدما حبآيبي

​

 

[*مطبخ الذواقة*]

اذا يلبس بزمات اخذي له بزمات ..

او قلم ...

او بوك ماركة


اوساعة ...


الله يعييييييييييييينج هدايا الرياييل متعبه اختيارتهم محدوده




وكل عام وهو بخير وانت معاه

​

 

[صبآح]

كل عام واهوا بخير
اممم اذا يلبس سبور اخذيله تي شيرتات ماركة بولو لاكوست او شوز سبور
و اذا يلبس رسمي اخذيله بوك او قلم او بزمات
والله يخليكم حق بعض

 

[بيـآض الثلـج]

بعد عمري

تسلموون ماقصرتوا فديتكم

لكن من وين أشتري , أبي الامآكن بلييييز​

 

[!! شوق !!]

مسباح عليه الاسم او العايله جبته لخوي حيل حيل عجبه

او روحي الالماسه بالفروانيه مسوين تنزيلات على اقلام اقنر تهبل

 

[جذابه بنت ذيابه]

حبوبه اخذي له بوك او ساعه او نظاره او عطر ..

او خامة دشداشه للعيد .. او جوتي للعيد

والاماكن عندج الفروانيه حلو ورخيص او سنتر بوينت
ساعاته حلوه ..

 

[فالقه أسد]

انصحك مادام شهر رمضان قرب وكل عام وانتم بخير
واكيد تكثر الزيارات العائلية
اشتري له مسباح كهرمان بولندي مشخط
من اسواق المباركيه
هناك في محلات مخصصصه لبيع المسابيح واسألي عنه أصحاب الذهب
او في ليلى غاليري او بالفنار محلات الاحجار الكريمه​

ويحطونه لك في علبة خشب فاخرة تجنننن ​

بس اسالي عن نوعيه المسابيح لايغشونك​

 

[غـلآوي ّ ~]

نظـآره شــمسـيْه إممممم عندج روائع جنيف ساعاته الرجآليه روععععه بس غاااااااااالي هعع

شوفي اون تآيم تلقينّ اسعآر حلوه

بـ تويتر في وآحد يسويّ مسبآح علئ الإسِمّ أو العآيـله

 

[نسمه الامواج]