هكذا إنتصرت المستقلة للكويت !

[baby johnson]

واااااااااااي الاهداااء اينننننننننن مشكووووره اختي ماي سيلف

 

[CASABLANCA]

^^^

يا قلبي انا عارفه اسلوب الادب والحوار ومافيها شي الكلمه اذا مو عاجبتج ماتشوفين شر مولازم تعلقين على كل كلمه من ردييي

بدال لا تعلقين على كلمه كلمه علقي على الكلام والفكره بشكل عام

ولا ماكو شغل بس تبون تتهاوشون

كلمة لاتهايطين عادية ومافيها شي.. لا والله مو عادية

دلوعة لاتحطين فبالج اني اكرهج واتصيد عليج الكلمة ...انا رديت لاني مثل ماارضى على نفسي احد يقولي هالكلمة ماارضها لغيري

ياليت قريتي ردي بالاخير كاتبه راي شنو

 

[L a w y e R]

كبيرة يالمستقلة

وعيالج دوووم كبار

عيل قلتولي غنوا حق ميامي ؟ لووول ونعم المستوى الصراحة

ماراح اطول بردي ..

بس بقول :

كافي اللي صار بالاجتماعية وربعها بعد بيان المستقلة ، وهذا ان دل فبيدل على قوة حجة المستقلة وانها داااااايما على حق

حتى لو ماعجب البعض

.
.

الا تعالوا سمعتوا آخر خبر ؟

يقول لكم الائتلافية مو اخونجية لوول

ريض على جذبة ابريل يبه

.
.

عقبال الاكتساح المستقل بالجامعة قريييييييبا

 

[EviL^^GirL]

عقبال الاكتساح المستقل بالجامعة قريييييييبا

من بوئك لباب السما

وبالتوفيق حبوبه

 

[SaD FaCe]

متى يلغون القوائم كلها وتصير قائمه وحده وبس باسم الكويت...!!

متى :0bee2e8d89:

ملينا

انا مسقله

انا وسط

انا ائتلافيه

انا اسلاميه ..!!

لي متى قطيعه نفس الهواش ونفس المنظر كل سنه ..!!

 

[Miss.6Mo7]

<< للحين مو فاهمه شسالفه !!

 

[SaD FaCe]

سارونه هذا كله عن هوشه صارت يكليتنا بين المستقله والاجتماعيه حجي ياهال والله فشلونا ..

 

[L a w y e R]

الكويت خط احمر

محد يتجاوزه

والمفروض من ادارة الجامعة المتخاذلة بقيادة الفهيد انها تتخذ قرار عاجل بشان مهزلة الائتلافية واتحادها الفاشل

اذا الكويت وحب الكويت والولاء للكويت سوالف يهال ، فـ مصيبة الصراحة !

 

[SaD FaCe]

انزين وبعدين احنا شعلينا من حدس وحماس ومادري شنو

خل نجابل مشاكلنا بالاول عشان نشوف مشاكل غيرنا

 

[L a w y e R]

حبيبتي انتي ،،

تدرين شنهي المشكلة ؟

المشكلة ان حدس وحماس .. الائتلافية من أشد أشد أشد مؤيدينهم

لما نزلوا النشرة ال..... حزة الغزو ، نزلت باسم اتحاد الطلبة

كارثة الصراحة !

ومايرضون احد يحَجي عن حدس وحماس ، ليش منزهين والا ملائكة ؟

اهم ساس الفنتة بالكويت والكل يدري

لازم يوقفون عند حدهم ولازم كل الطلبة يدرون ويوعون باللي يدور حولهم

بالجذب والنفاق .. والولاء لاحزاب وناس بره الديرة

هدفها الاول والاخير .. خلق الفتنة بالكويت

حسبي الله عليهم

مابي احَجي عن الاعضاء المتاسلمين واللي سووه بالديرة

حرمونا لذة الديمقراطية ,, مجالسنا قاعدة تنحل بسبة عقولهم الصغيرة وانجرافهم لاحزابهم وربعهم بره الديرة

الله يحفظج ياكويت ويحميج من شر بعض اهلج :*

 

[SaD FaCe]

بس حبيبتي هذا مو معناته ان المستقله وغيرها ملائكه

انا ولا شي منهم ولا راح اصوت خلاص لاني انقرصت من بنات كليتي من جم قائمه ..

المفروض الجامعه نفسها تحط حق القائمه حد ان مالهم شغل بالسياسه سواء سياسه الدوله ولا سياسيه دوله ثانيه بالطقاق هذا مو مجلس الامه !!

عليهم من مشاكل الطلبه ويحلونها لنا بس هذا المفروض يكون شغلهم فقط لا غييييييييير !!!

الردى من الجامعه نفسها مو منهم والله ان تسمح لها يتمادون ولازم يكون في شروط وقوانين على القوائم ان اهدافهم ما تتعدى الجامعه !

والله خرطي هههههه

والله انقردت ودشيت جامعه الكويت ومشاكلها اللي ما تخلص لا من القوائم ولا من الدكاتره ولا من الشعب والكلاسات

 

[L a w y e R]

مو طلبة الجامعة اهم مرشحي وناخبي المستقبل

اذا بيتمون على هالحال ، لا بالله كدينا خير

واذا بنحَجي عن إدارة الجامعة ماراح نخلص لوول

موفقة حبيبتي :*

 

[SaD FaCe]

اذا رشحو نفسهم حق مجلس الامه خل يتحجون عن السياسه على كيفهم

اخ بس اخ ما يخلوني عميدة جامعه الكويت يوم واحد لووووووووووووول

ويسلمووو حبيبتي وبالتوفيق لج بعد

وترى هذا سر بيني وبينج >> يعني محد راح يشوف ههه

انا كلش ماحب المستقله لاني خذيت منهم موقف بالكليه اللي كنت فيها والبنات حطيت عليهم اكس مو كلهم لان في بنات رفيجاتي احبهم .. بس اللي في بالي كرهوني بالقائمه والله

هم لما حولت حق كليتي نفس السالفه من نفس القائمه لوووول .. !

شلون تبين بنات يصوتون لج وانتي لسانج (...) مع احترامي للجميع

طبعا مو الكل عشان لا يقومون علي p: لان في منهم رفيجاتي عشان مو تقولون هذي ضدنا .. بس فئه منهم يعني

 

[L a w y e R]

لووول حبيبتي حبج ربج انشالله ..

كل إنسانة تمثل بيئتها اللي يت منها

مو بالضرورة تمثل القائمة التمثيل الصح

مع الاسف وهالحجي موجود بكل القوائم مو بس بالمستقلة

لكن بحكم إني مستقلاوية وحشى ماهو تحيز ..

هالفئة قليلة حيل حيل حيل

والباجي المستقلاويات فيهم الخير والبركة

حرام تحاسبين الكل بجرم البعض ..

شدي حيلج وموفقة انشالله :*

 

[SaD FaCe]

صح كلامج بس اهمه يدرون انهم يمثلون هالقائمه ليش يسوون جذي والمشكله كانو داشين علينا بالكلاس قامت تتكلم عن المستقله وجذي اخر شي قالت انا لساني طويل لو احد يرد علي بكلمه ارد عليه بعشر ومن هالحجي !!! شدعوه !!

من عقبها ولا وحده فينا قامت تصوت حق المستقله .. وحتى رفيجاتي قمت اشيشهم ان محد يصوت ههههههههههههههههههههههه

قمنا ما نصوت حق احد محايدين

 

[برشلونيه]

انا ماراح اقول انا مستقله او ائئتلافيه
بس بقول شي واحد
قمة قلة الادب والوقاحه انه لما ينشدون النشيد الوطني فيه ناس ماتحترم و تغني اغاني ميامي شالمستوى الواطي ؟؟؟
هذول المفروض يعاقبونهم مثل ماقالت الاخت لو بدوله ثانيه يدشون فيهم اعدام
وين قاعدين النشيد الوطني صار ماله احترام خوش والله كدينا خير !!!!

 

[Babystyle]

اولا انا لا من تبع المستقلة ولا الائتلافية :0bee2e8d89:

بس كلمة الحق تنقال :ggdw:

الصراحه انا كرهت القائمة الائتلافيه تحت شعار الاسلام قاعدين ايفوزون ..!!!

صج اني مستجده وثاني كوري لي بس والله مايستاهلون الفوز ..!!!!

مااقول الا الله يهديهم ..

ولا تعليق على الي صار بالاجتماعية :gathering:

 

[Betty]

الكويت خط احمر

محد يتجاوزه

والمفروض من ادارة الجامعة المتخاذلة بقيادة الفهيد انها تتخذ قرار عاجل بشان مهزلة الائتلافية واتحادها الفاشل

اذا الكويت وحب الكويت والولاء للكويت سوالف يهال ، فـ مصيبة الصراحة !

كلامج على راسي محاميتنا تسلمين يا قمر
اي و الله مصيبة و اكبر مصيبة حبيت أضيف أن الدفاع عن الوطن واجب على كل كويتي يحمل الجنسية الكويتية

من الدستور
الباب الثالث

الحقوق والواجبات العامة

مادة 47
الدفاع عن الوطن واجب مقدس ، واداء الخدمة العسكرية شرف للمواطنين ، ينظمه القانون .

 

[Betty]

SaD FaCe تدرين متى راح يلغون القوائم و تتكون قائمة وحده باسم الكويت ؟
لما تختفي الاحزاب الدينية و الطائفية البغيضة في المجتمع ذيج الساع راح ترد كويتنا عروس الخليج
ما الومج صراحة لأنج تحسفتي على دخول جامعة الكويت بس حبيت اذكر ان القائمة المستقلة موجودة بالجامعات الخاصة و لا مرة سمعنا أن صارت هوشات او طق عندهم بالعكس كل القوائم تنشد و تحشد براحتها و محد يتعرض لهم و تعاملهم جدا راقي تحسين صج طلبة جامعة شنو السبب يا ترى ؟
حبيبتي لا تحكمين على القائمة من خلال تصرفات بعض الاشخاص اللي ينتمون لها اهما ما يمثلون القائمة كلها
و موفقة خيتو و عسى الله يسمع منج و نشوف الادارة الجامعية حازمة شوي

 

[Betty]

هذا كلام شخص مؤيد للائتلافية سابقا شوفوا شنو يقول

مع الاسف انا واحد كنت ارفع رآيت الائتلافيه وبعد المظهر المخزي يوم الاربعاء

ومنعهم من دخول العلم في بهو الكليه , بالاضافه لهذا كله وقت النشيد الوطني

يغنون اغاني ولا احترموا رمز الدوله , شي مخزي الصراحه وانا اشوف المنظر من فوق

حسيت بالروح الوطنيه مع شباب المستقله وكان ودي امسك العلم مكانهم وارفعه فوق

وصدمني موقف شباب الائتلافيه يوم منعوا العلم من الدخول وانا جالس فوق اسمع الكل

مشمأز من من تصرف أطفال الائتلافيه , فهذا شي بسيط يبين مستقبلهم مع الدوله !!

يعني اليوم منعوا علم الكويت ولا احترموا النشيد الوطني بكره يمسكون منصب بالدوله

شنو تتوقعون منهم ؟! الصراحه انا منصدم وياليتني ما وقفت معاهم ولا فكرة اصوتلهم =)

واليوم انا مستقل الفكر واقولها بكل فخر ,,