هكذا إنتصرت المستقلة للكويت !

[L a w y e R]

حبيبتي ساد فيس

حامد العلي انسان مثير للجدل

وبرايي حاله من حال البذالي

يدور الاكشن باي طريقة عشان يكون تحت الاضواء

سو مهما كتب مستحيل يمس صلب الحقيقة ، لانه يدور عالظهور فقط لاغير

واذا على الغزو فـ مادري حبيبتي على اي اساس ربطتيه بـ نعمة النسيان !

مستحيل اي كويتي ينسى الغزو وكل كويتي شريف مادامه حي يشم الهوا بيتم يحَجي بالغزو

وعن وسواد ويوه العراقيين وعن اللي سووه بديرتنا واهلها

الغزو ماهوو حدث عابر والسلام

بالعكس مثل ماقلتي بين ان في خونة متكوتين اخونجية

باختصار موجز وشديد :

حماس اول من وقف ضد الكويت بالغزو ، على قولتهم خلاف !!

واول من وقف مع حماس من الكويت اهم الاخونجية ، ومنهم الائتلافية

خل كل الناس يعرفون تفكير الائتلافية ونفاقها .. وتقولين ننسى ؟

المضي قدما شي لابد منه

ومواكبة كل ماهو يديد هم شي مطلوب

شور لازم تكون لنا نظرة مستقبلية

بس هم مستحيل ننسى الغزو ، ناس يعتبرونه ماضي

الماضي مفهومه غير عن مفهوم وايد ناس ، وغير عن المفهوم اللي انا اؤمن فيه

واللي اهو :

ماضي .. نعتبر منه ومن دروسه !

ماضي مالنا بد منه

ماضي نفخر ان الكويتيين سجلوا فيه البطولات والملاحم

سو مهما كبرنا ومهما وصلنا بالتطور .. مالنا بد عن ذكر الغزو !

.
.

انصحج تقرين بالمواقع المتخصصة عن معنى الليبرالية

وياحبذا لو كان الموقع اجنبي

عشان يكون خالي من شوائب التأليف والتحريف كما هو الحال في المواقع العربية

وكما هو أيضا في فتوى الاخ حامد .. كل من هب ودب صار مفتي

عجبي !

 

[SaD FaCe]

اوكي راح اقرا حبيبتي بس مو الحين حدي دايخه ان شاءالله باجر

ربطته بنعمه النسيان عشان نكمل حياتنا مو كل شوي يابو طاري الغزو ^.^ احنا عشنا بالغزو وندري شصار وماصار مالاداعي كل شوي يذكرونا الله لا يعودها من ايام !

انا قلت الغزو صار وخلص .. وعبره لمن لا يعتبر حق كل واحد طامع فينا وبديرتنا .. يعني خالتي الله يرحمها توفت اقول خلاص لازم انساها وما افكر فيها كلللللللش وجذي ..؟ اكيد لا ماقدر .. بس الواحد يتناسا الشي اللي يجرحه ويعتبر من هالشي


لو صج بنوقف ضد اي واحد وقف ضدنا بالغزو جان ماراحت مساعدات حق العراق واهمه اساس الغزو و فلسطين وتبرعات ...!

انا مو مع هالمساعدات لان في ناس بديرتنا يحتاجونها اكثر بس في فئه هناك مالهم ذنب باللي صار

صح مو كل الشعب يكرهنا بس الاغلبيه والكل يشهد ..وكا المساعدات تروح لهم عادي ..

المهم ما علينا

ومشكله المستقله والائتلافيه عمرها ماراح تنحل كل واحد فيهم يبي يثبت انه الصح .. والانسان له عقل يقرر منو يختار يا هذا يا هذاك او يكون محايد وهذا الافضل ^.^

ولي عودهـ باجر ان شاءالله او بعد شوي اذا ما يتلي النومه ههههههههههههه

 

[~*~الملكة~*~]

واااااااي ياحلات المستقله

ان شاءالله السنه اليايه يمسكون الحقوق

وتبقى الكويت عاليه وعلم الكويت

يجب ان يحترم والنشيد الوطني

لازم الواحد يوقف ويقوله عيل وين الوطنيه

وتبقى الكويت مستقله

مشكوره:q8:

 

[Betty]

تسلم ايدج بيتي :*

عاشت الكويت حرة مستقلة

الله يسلمج يا عسل
و عاشت الكويت حرة مستقلة

 

[Betty]

بتي ليش ماتردين علي ان اهل الديره ومن اهلها خانوها ...؟؟ ويتو على ناس غرب مثل حماس واذا ائتلافيه اتأيدهم انا بعرف اوكي ايدتهم بس شنو عطتهم مساعدات ..؟؟ واذا عطتهم مساعدات مثل شنو ...؟

و لا ما رديت بكلامي حبيبتي الغزو ما ينسي وقاعد يدرس بالمدارس بعد .. انا قلت نبي ننسى اللي صار بينا وبين بعض مو بينا وبين اعدائنا

وانتي قلتيها اليابان انقرصت من امريكا وقامو ينافسوهم ... بذمتج احنا تطورنا ؟ كل مالا ونرجع لي ورا


في دوله المجلس ينحل كل جم شهر ...!!!

لا تقارنينا باليابان وامريكا ^.^

والحين ايبلج شنو يعني الليبراليه من مصدر موثوق ..

ومن شيخ كان يدرس ابوي قبل ..شيخ فتوى =)

اي صح انا ادري ان في ناس خانوا القضية الكويتية وقت الغزو اولهم الاخوان المسلمين
شوفي شنو يقول الشيخ سعود الناصر عنهم و شنو سووا بالاخص اسماعيل الشطي و طارق السويدان
الغزو يتدرس بالمدارس
لا حبيبتي ما يتدرس الحين انا كنت آخر دفعة درسوا فيها عن الغزو
ننسى الخيانه قصدج
اوكي يمكن نقدر نتغاضى عنها بس ما ننساها هذا اذا اعتذروا و تابوا بس الحين عقب 19 سنة من الغزو ايون و يبرؤون حماس هذا شي لا يغتفر خصوصا انها مو الخيانة الاولى في حق الكويت
ليش ما نقارن ؟ عادي يعني الحين اذا نسينا هالخلافات راح تتطور الديرة ؟
اوكي تذكرين قضية الداو و المصفاة الرابعة ؟ منو كان وراها و كان يبي يمشيها على حساب الديرة و اهيا صفقة خاسرة و منو اللي وقف بويهم و منعهم ؟
يعني حتى لما يبون يعقدون صفقات يعقدون صفقات خاسرة كان من الممكن انها تدمر اقتصاد البلد عجبي
امبيه من صجج ؟ يايبتلي فتوى حامد العلي ؟ الارهابي اللي يحرض على الجهاد ؟ هذا ناخذ منه فتوى ؟
شنو ما عندنى وزارة اوقاف احنا ؟ و بعدين اهوا حاطينه على قائمة الارهاب الدولي شوفي الخبر

كتب أحمد زكريا:ثلاثة الكويتيين حامد العلي وجابر الجلاهمة ومبارك مشخص البذالي، ضمهم مجلس الأمن إلى قائمة أسماها «القائمة الدولية للإرهاب»، قوامها 480 شخصا من دول مختلفة، وهو قرار رآه العلي: «جائراً وانصياعاً للولايات المتحدة الأمريكية وحتما سنعارضه بالوسائل المتاحة».ونقلت وكالة أنباء الاسوشيتد برس ان «القرار يستند إلى دلائل تثبت علاقة من شملتهم القائمة ومنهم ثلاثة الكويتيين بتنظيم القاعدة».وقال الأمين العام السابق للحركة السلفية حامد العلي في اتصال هاتفي مع «الوطن»: لم يصلنا شيء رسمي ولكن إذا صح فهو ليس جديداً.. هو نسخة من قرار وزارة الخزانة الأمريكية السابق»، مضيفاً «سبق أن رفعنا دعوى ضده» وتابع: «نرفض هذا القرار الجائر لأنه مبني على انصياع أعمى لأمريكا» موضحا أن «القائمة تضم كثيراً من المفكرين منهم اليمني الشيخ الزنداني الذي رفضت اليمن اتهامه، وطالبت برفع اسمه من قائمة مجلس الأمن». وتابع العلي: «سنسعى بدورنا إلى معارضة هذا القرار الظالم بالوسائل المتاحة».


تاريخ النشر: الجمعة 18/1/2008

 

[Betty]

ولو كانت الليبراليه مثل ما تقولين جان انا اول وحده اوقف معاكم ^.^

وتاريخ دولتنا ما يقتصر على الغزو ترى

في اشياء صارت بديرتنا يشهد لها التاريخ

وهم ارد واقول لو ما الفكر جان انا اول وحده مع المستقله ..

اوكي كاهو تعريف الليبرالية

الليبرالية (liberalism) اشتقت كلمة ليبرالية من ليبر liber وهي كلمة لاتينية تعني الحر .الليبرالية حاليا مذهب أو حركة وعي اجتماعي سياسي داخل المجتمع، تهدف لتحرير الانسان كفرد وكجماعة من القيود السلطوية الثلاثة (السياسية والاقتصادية والثقافية)، وقد تتحرك وفق أخلاق وقيم المجتمع الذي يتبناها تتكيف الليبرالية حسب ظروف كل مجتمع، وتختلف من مجتمع غربي متحرر إلى مجتمع شرقي محافظ. الليبرالية أيضا مذهب سياسي واقتصادي معاً ففي السياسة تعني تلك الفلسفة التي تقوم على استقلال الفرد والتزام الحريات الشخصية وحماية الحريات السياسية والمدنية وتأييد النظم الديمقراطية البرلمانية والإصلاحات الاجتماعية.المنطلق الرئيسى في الفلسفة الليبرالية هو أن الفرد هو الأساس، بصفته الكائن الملموس للإنسان، بعيداً عن التجريدات والتنظيرات، ومن هذا الفرد وحوله تدور فلسفة الحياة برمتها، وتنبع القيم التي تحدد الفكر والسلوك معاً. فالإنسان يخرج إلى هذه الحياة فرداً حراً له الحق في الحياة أولاً.ومن حق الحياة والحرية هذا تنبع بقية الحقوق المرتبطة: حق الاختيار، بمعنى حق الحياة كما يشاء الفرد، لا كما يُشاء له، وحق التعبير عن الذات بمختلف الوسائل، وحق البحث عن معنى الحياة وفق قناعاته لا وفق ما يُملى أو يُفرض عليه. بإيجاز العبارة، الليبرالية لا تعني أكثر من حق الفرد ـ الإنسان أن يحيا حراً كامل الاختيار في عالم الشهادة، أما عالم الغيب فأمره متروك في النهاية إلى عالِم الغيب والشهادة.

مبادئ الليبرالية
تقوم الليبرالية على الإيمان بالنزعة الفردية القائمة على حرية الفكر و التسامح و إحترام كرامة الإنسان و ضمان حقه بالحياة و إعتبار المساواة أساسا للتعاون و منطلقا لإحترام الأفراد وضمان حريتهم و لا يكون هناك أي دور للدولة في العلاقات الإجتماعية أو الأنشطة الإقتصادية إلا في حالة الإخلال بمصالح الفرد و المجتمع.

و تقوم الليبرالية أيضا على تكريس سيادة الشعب عن طريق الإقتراع العام و ذلك لتعبير عن إرادة الشعب و التخلص من الفساد في المجتمع و إحترام مبدأ الفصل بين السلطات التشريعية و القضائية و التنفيذية و أن تخضع هذه السلطات للتعديل من أجل ضمان الحريات الفردية و للحد من الإمتيازات الخاصة و رفض ممارسة السيادة خارج المؤسسات لكي تكون هذه المؤسسات معبرة عن إرادة الشعب.

المصدر : ويكيبيديا الموسوعة الحرة

انزين تقولين لو ما الفكر جان انتي مع المستقلة الحين شدخل الليبرالية يالمستقلة ؟ المستقلة قائمة طلابية وطنية مو ليبرالية انتي يبتي طاري الليبرالية و غلطتي على الليبراليين و انا رديت عليج و قلت لج ان الليبراليين اهما اللي اسسوا الحياة الديمقراطية في الكويت دفاعي كان عن الليبراليين الكويتين مؤسسين الديمقراطية و رموز البلد اللي نفتخر فيهم مو المستقلة فبليز لا تخلطين الامور

 

[Betty]

اذا المستقله فكرها ليبرالي الوسط شتطلع؟

المستقلة مو ليبرالية الاخت ساد فيس ابخصت حق اليبراليين فقلت لها عن تاريخهم المشرف و شلون اهما اللي اسسوا الحياة الديمقراطية في الكويت

ممم
لا
مرزوق الغانم شكو مو ليبرالي !

لا مرزوق الغانم مو ليبرالي
و حتى لو كان ليبرالي هذا شأنه الخاص و سياسته

 

[Betty]

الملكة اي و الله يا حلاتها
عسى الله يوفقهم يارب تسلمين ع المرور الروعه
بنوت مو قلت لج احتليت الموضوع

 

[Artya 【ツ】●]

لوووووووووووول بتي كله لج

أخذوا راحتكم

وفديت المستقله :$

 

[LoOLoO-17]

عاشـــــــــــــــــــــت الكويت ((مستقلــه)) ابيــــه:q8:



:stars: عــــــــــاشت عــــــاشت عــــــاشت:stars:



<<< انا ((مستقله ))وكلي فخــــــــــــــ:hjy5jewf:ـــــــــــــــــــر

 

[Fatma_A.m]

مو ذنب المستقلة اذا محمد عبالجادر كان من مؤسسي القائمة المستقله وبعدين غير توجهه !! كل واحد لكا يكبر ممكن يتغير فكره !! ومرزوق الغانم مو ليبرالي منو قال !! وبعدين اذا المستقله والوسط بيشتركون بشي راح يشتركون بحبهم للكويت ووحاطين الكويت فوق راسهم وما يمشون مصالحهم على مصالح ديرتهم وحاطين الكويت فوق كل اعتبار ..

 

[Babystyle]

اب اب

 

[Asrarie]

حبيبتي اللي تقول المستقله ليبراليه جان ماصار في قائمتين وسط ومستقله ياليت تفرقووون!!!

المستقله قائمه طلابيه معتدله هدفها خدمه الطالب وماتتبع اي توجهه سياسي مثل الائتلافيه اللي تتبع حركه حدس واللي ولائهم مو للكويت واللي تبي تعرف حقيقه الاخوان عدل خل تقرا كتبهم ومنهجهم ومؤسسهم حسن البنا وبتعرف كل شي ,, اهدافهم وولائهم ومبايعتهم ,, عبالكم مبايعتهم حق اميرنا لا بابا مباعتهم حق الاخوان المسلمين بمصر الي وقفت ضدنا بالغزو واخوان الكويت غيروا اسمهم حق حدس عشان هالسالفه واللي بتقول شكوا كلامي بانتخابات الجامعه اقولها ان القائمه الائتلافيه تبع هالحزب ومن الجامعه ياسسونهم حق مناصب مهمه بالدوله مثل نواب مجلس الامه وغيرها وغيرها يعني هالقائمه هدفها سياسي بحت!!

تكفوون 30 سنه شنو الانجازات اللي تذكر سوتها!! انا مااقول ماسوو شي كللش بس الاشياء اللي سوتها ماتذكر..

وشغلهم هالمستجدات حزه الانتخابات وبعدها مايعرفونج!!

طيب اهم مو ماسكين الاتحاد هذا واجبهم انهم يساعدون المستجدات مو يتمننون ويقولون انجاز!!

انا من دشيت الكليه ماساعدوني الا بنات المستقله وحتى بعد ماخسروا بالانتخابات ظلوا يساعدوني واسالهم ويجاوبوني مو بنات التالف حزه الانتخابات وبعدها ادق ماترد!! >>> طبعا مااعمم كل قائمه فيها الزين وفيها الشين واحنا لما نتكلم نتكلم عن فكر القائمه مالنا اي عداوات شخصيه مع احد

 

[..بسمة..أمل..]

اي والله يا مريووووم صااجه بكل كللمه

بنات الائتلافييييه حتى يوم التسجيل كل وحده تتهرب

صج صج مصلحجيات

ويوم الانتخابات يلصقوون فينا ويصيرون نشبه

والله محد يقولي على الاخبار ويوم التسجيل والباي فورس غييييير بنااااااااااااااات المستقله فدييتهم


عسااكم على القوة وياا جبل ما يهزك ررريح يا المستقله

 

[cherry kisses]

انا ماراح ادخل بتفاصيل الناقاش لانه بختصار مبين انه في ناس غاسلين مخهم لول يعني النقاش معاهم تضيعة وقت

بس في كلام استفزني حيييييييييييييييييييييييييييييييييييييييييييييل

ساد فيس

تربطين الغزو بنعمة النسيان

حبيبتي انسي بروحج اوكي

لو كان ابوج ولا اخوج اسير و لا احد من اهلج جان ماقلتي هالكلام

لو داشين عليج و ساحبين امج ولا اختج من شعرهم ومغتصيبينها جان ماقلتي هالكلام

انا مو قاعده افاول عليج والله يحفظ لج اهلج كلهم

بس وايد استفزني كلامج

ولاعت جبدي و ماراح ادخل الموضوع مره ثانيه فلا تعبيين نفسج وتردين

 

[الكويت مني وفيني]

الانصاف يا اخوات

مو انا نقول احنا ضد فلان ولا ضد علان

المنطق يقول داوا الاساءه بالاحسان

بغض النظر عن الفكره او المشكله

اللي صار بالكليه مسخره بمسخره

رياييل طول بعرض يتهاوشون ..

اوكي كل شخص مقتنع بتفكيره لا يفرض رايه

على الشخص الثاني .. وين الديمقراطيه اللي ينادون

فيها مثل المستقله تنشر افكارها الائتلافيه لها حق تنشر

افكارها وهم الوسط لهم حق ينشرون افكارهم ..

بس مو ملزومين انا نقتنع بولا فكر ..

يعني بالعقل انت مقتنع بفكرتك مالك حق انك

تفرضها على الرأي الاخر ..

واللي صار مو سالفة وطنيه .. السالفه ان تصير مشكله وبس

وبعدين شكو تدخلون الطلبه بالمشاكل السياسيه ..

احنا يايين ندرس ولا نتهاوش ونتناقش بالمشاكل السياسيه ..

وفي حركات صارت من بعض البنات الله يهديهم

ماكان المفروض انها تصير ..

...

بالمختصر كل اللي صار

بغض النظر عن الفكره الاساسيه

كان مصخره ..

مع احترامي للكل




مو تقولون تنادون بالديمقراطيه

من الديمقراطيه اني اقول رايي

 

[نور الكويت$$]

الانصاف يا اخوات

مو انا نقول احنا ضد فلان ولا ضد علان

المنطق يقول داوا الاساءه بالاحسان

بغض النظر عن الفكره او المشكله

اللي صار بالكليه مسخره بمسخره

رياييل طول بعرض يتهاوشون ..

اوكي كل شخص مقتنع بتفكيره لا يفرض رايه

على الشخص الثاني .. وين الديمقراطيه اللي ينادون

فيها مثل المستقله تنشر افكارها الائتلافيه لها حق تنشر

افكارها وهم الوسط لهم حق ينشرون افكارهم ..

بس مو ملزومين انا نقتنع بولا فكر ..

يعني بالعقل انت مقتنع بفكرتك مالك حق انك

تفرضها على الرأي الاخر ..

واللي صار مو سالفة وطنيه .. السالفه ان تصير مشكله وبس

وبعدين شكو تدخلون الطلبه بالمشاكل السياسيه ..

احنا يايين ندرس ولا نتهاوش ونتناقش بالمشاكل السياسيه ..

وفي حركات صارت من بعض البنات الله يهديهم

ماكان المفروض انها تصير ..

...

بالمختصر كل اللي صار

بغض النظر عن الفكره الاساسيه

كان مصخره ..

مع احترامي للكل




مو تقولون تنادون بالديمقراطيه

من الديمقراطيه اني اقول رايي

اسمحلي احيييييييييج خووووووش رد..
فعلا اللي صار بقمه المصخره..
واللي تقول بنات الاجتماعيه يتهربون..
بصراحه بنات المستقله بكليتنا ينعدون على الاصابع..
وماشفنا منهم اي خدمه من دشيت كليتي..
وانا ما ابي خدمه من احد بس الحق ينقال بنات الاجتماعيه ما قصروا معانا..
وكفوا ووفوا..
ونبي نشوف اكثر من المستقله عشان نقدر نحكم..
وشووكرن..
اللي ردوا علي ليش كل هالهجوم كلمه الحق تنقااااااااااااااااال
ما قلت شي غلط ..
علم الكويت بغى يطيح اكثر من مره بالهوشه
العلم له احترامه
مفرووض ما يمسكونه بالهووشه..

 

[SaD FaCe]

باكـ

دلوعه ضحكتيني لووووووووووووووول

حبيبتي لو انا مو من اهلي كاانو اسرى جان ما تكلمت

لو انا ما انطقيت منهم بالغزو جان ما تكلمت وسكرت حلجي شفتي ياهل يمسكونه من هدومه ويحذفونه هذي كانت انا

حبيبتي لا تقولين شي انتي ما تدرين عنه ^.^

و اي بربطه بالنسيان لان لي متى بنييب سيره الغزو ...؟ امركم عجيب والله بس تبون الفتنه والزله =)

و اي غاسلين مخي شسوي بعد ؟

وتعبت نفسي ورديت عليج :cxxxp::tek:

بتي مشكوره حبيبتي على الرد على الليبراليه :tek:

واذا نسينا هالخلافات اي راح تتطور الديره =) محد يرد الديره ورا غير الخلافات

 

[Betty]

الكويت مني وفيني هلا و غلا
حبوبه صح الكل له الحق بأنه يعبر عن رايه و لكن هل للاتحاد الحق بأنه يبرأ حركة سياسية خائنة للقضية الكويتية على حساب الكويت و على حساب الطلبة ؟ ابي رايج بكل صراحه
مثل ما الاتحاد راح و نزل بيان يبرأ فيه حركة حماس سيئة الذكر قائمة المستقلة لها الحق بأنها تنشر منشورات تبين امتعاضها لهذا الفعل المشين و اهيا ذكرت حقائق و مايابت كلام من عندها و السالفة وطنية بحته
و على طاري السياسة تسألين ليش ايبون طاري السياسة سألي اتحاد الإخوان المسلمين ليش وااايد شاطين عمرهم بالسياسة و ناسين هموم و مشاكل الطلبة تدرين ان رئيس الاتحاد يصرح بالجرايد بصفته ناشط سياسي ؟
بالعكس القائمة المستقلة اهيا قائمة طلابية 100% لا تتبع سياسات او احزاب خارجية و لا تتدخل بسياسة الدولة
انزين ليش صار الوضع مصخره ؟ مو الائتلافيه اهيا اللي منعت المستقلة من ان ينزلون و يحشدون و لما شافوهم ينشدون النشيد الوطني قعدوا يغنون ميامي بالله عليج منو الغلطان ؟ اللي نشد نشيد ديرته و لا اللي قعد يغني ميامي و ما احترم العلم
اتمنى ان يكون عندكم حياديه شوي

 

[Betty]

هلا نور الكويت الحين ما علقتي ع الموضوع الاساسي و ما علقتي على سالفه احترام العلم و النشيد الوطني لكن على طووول طبيتي بالمستقلة و قلتي انهم ما يشتغلون شياب هالموضوع لي موضوعنا مادري
عموما المستقلة بكل الكليات لها تحركات واضحة و هدفها الاول و الاخير خدمة الطلبة عكس القوائم الثانية اللي اهدافها سياسية حزبية و موقاعده تتحرك للقضايا الطلابية
انزين ليش صارت الهوشه من الاساس ؟ مو لأن الائتلافية تهجموا على المستقلة
اي نعم العلم له هيبته و احترامه و المستقلة ما توقعوا انه زملاؤهم بالكلية راح يمنعونهم انهم يحشدون و انهم راح يتهجمون عليهم بهالشكل الهمجي بس لأنهم من قائمة منافسة
و ترا النشيد الوطني له احترامه بعد
عيل ليش الائتلافية قعدوا يغنون ميامي وين الاحترام لرمز الدولة ؟
ارد و اقول خل يكون عندكم حياديه شوي