هلا لبنان

[nadoya]

شلونكم بنات وشخباركم ؟

في صالون اسمه هلا لبنان حاطين اعلانهم بجريدة الوطن عندهم أحدث جهاز ليمفو لشد الجسم وأحدث أجهزة التخسيس والنحف خلال 10 أيام 100 % .

في احد منكم جربه أو يعرف احد مجربه ؟

وعندهم كريم تبييض الوجه وجميع مناطق الجسم وإزالة السواد والكلف وتوحيد اللون بدون أي مواد كيماوية أو كورتيزون شرط الفحص وعند التوقف عن الاستعمال يبقى لون الجلد مثل ما اهو ما يتغير .

وهذا رقمهم للي تبي 25643942 - 99614379 وعندهم خدمة منازل .

واللي يعافيكم بنات اللي مجربه الشد عندهم تفيدني ومشكورين :tek:

 

[الشيهانة]

هلا فيج حبيبتى انا جربته شهر 6 كان عندى مناسبه انا وحمواتى يعور يعور التدليك ... وماكملت حمواتى فرقت وحده منهم بس انحفر الخصر وصارت ماشاء الله عليها وجربت التبييض صارت ثلجه والحين خلته رجعت لما كانت عليه يعنى عندج فلوس تتابعين عنده استمرى لانه مؤقت المساج والتبييض

 

[nadoya]

تسلمين يا قلبي ما قصرتي

 

[كويتيه وفيه]

انا شريت كريمهم ب80 دينار وستعملته بنتظام بس مافادني وكاتبه بالفاتوره المباع لا يرد

 

[عنيّد]

لحد يزعل من كلامي ،،


صراحه ما أدري اشلون تصدقون هالخرابيط !!

والله انها تجاره ، وللأسف تقطون فلوسكم وتربحونهم ، وهالفلوس انتوا واهلهكم أولى فيها

الي يبي يضعف يصك حلجه ويقلل أكله ، والي يبي يشد جسمه يلتزم بالرياضه ، اذا بنوصل لشي لازم نتعب ، مايصير غمض فتح يصير الي تبيه بدون أي تعب !


صارلي عشر سنين آكل كل شي ، ويمعت هاللحوم والشحوم ، والحين ابيهم يختفون بشهر!!
اشمعنى تاكلون بعشر سنين ، وماتبون تصكون الحلج بسنه وتضعفون طبيعي
:eh_s(4):



ايييييه وارد واقول لحد يزعل من كلامي :denya:

 

[nadoya]

تسلمون حبايبي
وبالعكس حبيبتي عنّيد كلامج صج ومايزعل

 

[مرمرالكويت]

مرحبا اختي حبيت افيدج لاني جربت وانقص علي واهي عيوز لبنانيه بس همهم الفلوووووووس نصيحه لاتروحين وانتي وكيفج

 

[nadoya]

مشكورة مرمر حياتي لا بس هونت ماني رايحه

 

[mz_alfailakawi]

للرفع

انا رحت هل صالون وجربته وبعطيكم خبرتي فيه صاحبت الصالون عيوز لبنانيه اسمها هلا

للعلم انا ضعيفه وزني 52 بس انه ماعندي خصر وابي بطن الولاده يروح معن بطني صغير فقلت اني ما احتاج وايد جلسات
سويت 4 جلسات شد ونحت يعور يذذذذبح من العوار وتقولي هل عيوز المسؤوله انا اعطيج حبوب مسكن مادري شسمتهم خفت منها صراحه

اولا كمعامله :

سيئه جدا بس تبي فلوس - حته قررت اني ما اكمل عندها جان تقولي "تسطفلي مابنرجع مصاري مابتعرفي تأري انتي الفاتوره"
حته اني طلبت اني اخذ شي ثاني بدال مال النحت قالت "ما عنا شي بدك تكملي كملي" يعني اشكره روحي وماراح نرجعلج باجي فلوسج وغير النفس

كأجهزه :
أجهزتها وصخه اشكره يشيلون الجهاز من وحده وايبولج ياه من غير لا ينظفونه والفوطه الي يحطونها عليج يعني فيها ريحه

ذابحتني تقول جهاز ليفو وجهاز ليفو خذيت اسامي الاجهزه وسويت عليها سيرج
جهاز الليفو على قولتها مال النحت اسمه RMT
وصناعته صينيه هذه موقعه حق الي حاب يقره عنه
http://beautyrmt.en.alibaba.com/product/50173288-50038228/Slimming_Down_Machine_beauty_salon_equipment_.html

الثاني الي تقول انه يشد اسمه air vaibration massage بالله فايبريشن مساج شدخله بالشد!!
وهذي معلومات عنه
http://yalobeauty.en.alibaba.com/product/240941285-209302189/Air_Pressure_vibration_massage_Machine_YL_6800_.html

ومن ناحية السعر:
على جهاز النحت الجلسه بعشره ساعه
وجهاز الشد الي شكو شد مادري نص ساعه بعشره


: ) وسلامتكم

 

[بسكوتة82]

انا اشم صوتي للاخت لاني جربته والعيوز اللبنانية حنت علي لمن دفعتني كل المبلغ النصابه عقبها جربت شغلهم طلع خربووووووطه ولمن قلتلها ابي فلوسي قالت ماعطيج قلتلها نصهم او اي مبلغ جان تقول ولا شي
ماراح اسامحها ليوم الدين وحرام ابطنها فلوسي
ديروا بالكم

 

[hnooy]

انا اجربتة بسرعة بين علي الضعف وبس اتركة ارد بسرعة
بس صراحة الضليمة شينة بنات ترى اللي الداوم على الشي تلاقي النتيجة
واحنا نبي الشي كن فيكون وبسرعةوجسم عن جسم ترى يفرق