هلتون المنقف او غيره ؟؟؟

[حنانك سر حبي]

بنات بليز محتاجه مساعدتكم ابي اسوي مفاجئة عائلية بحجز شاليه او غرفه او اي شي المهم يكون عالبحر وسباحه بالبحر

سمعت عن هلتون المنقف صراحة ماعرف نظامهم بس اللي عرفته ان عندهم شاليه عالحديقه مو عالبحر مادري اذا يصير احجزه واقدر انزل البحر ولا مايصير
وعندهم فيلا هذي عالبحر بس مادري انا سمعت ان في مبنى داخلي ومبنى خارجي عالفندق
منو اللي جربت تعطيني معلومات صحيحه وتقولي شنو اللي اسويه
واذا بحجز شلون لازم اروحلهم ولا شنو
وقالو لازم عقد زواج انزين اذا انا مو متزوجه شلون شسوي

واذا عندكم او مجربين اماكن ثانيه مطلع عالبحر وفيها بحر وجذي تفيدني جزاكم الله خير

وبانتظاركم

 

[حنانك سر حبي]

اب اب اب

 

[انيقه الملامح]

شاليهات هيلتون المنقف رووووعه والبوفية ريوق مجاني لكل العائلة الي مأجرة الشاليه وتقدرين هم تتعشين بالفندق بس بفلوسج وفيه قعدات عربيه عند المطعم وشاليهاتهم نظيفة وراقية واكيد تقدرين تنزلين عالبحر وعندهم تأجير قواري روعه تصلح لعائلة او اكثر من شخص نصيحة اجريها وانتي مغمضة لا تروحين لشاليهات ثانية وادعيلي بالشفاء

 

[noor salam]

هي لتكون الموقف من الشاليهات الرائعة أنصحك فيه وبشده وتقديرين تحجزين عن طريق النت
شاليهات البحر كبيرة و حلوة والريوق مع الغرف وتقدرين تتفاهمين معاهم عن طريق التلفون بالنسبة عليً عقد الزواج

 

[حنانك سر حبي]

مشكورين بنات انتو احسن ناس

بس الشاليهات مالهم عيبها انه بس محدوده باربع اشخاص واحنا عائله اقل شي سته
وغير جذي الفلل مالهم غاليه وايد شدعوه
والشاليهات اللي تقولون عنهم تطل عالحشيش ههه مو عالبحر الفلل اللي عالبحر

 

[حنانك سر حبي]

شاليهاتهم بالويك اند ب 354
والفلل بالويك اند ب 632 دبل الشاليه

والشاليه بس حق اربع اشخاص !!

 

[حنانك سر حبي]

خل اقولكم تجربتي فيه للي تبي تستفيد

الشاليه والمكان كان عجيب حبيته والريوق ماكو شي ماتحصلينه كل شي عندهم من ما الذ وطاب

بس ماتسبحنا لان الجو وقتها كان براد كان بايام عيد الام. شهر ٣ بس وايد حبيته يعني بالصيف بيكون وناسه للسباحه

بس مطاعمهم مو شي يعني وقت العشا او الغدا كنت اروح الكوت اتغدا وشكراا

والله يشافيج يا انيقة الملامح