هل التقويم العادي يحل مشكلة البروز البسيط للفك؟

[أناناسة]

مرحبا يا قمورات(:

السؤال زي العنوان...
فياليت ألقى عندكم إجابات وتجاوب ويا ليت أي وحدة تخلصت من بروز الفك سواء العلوي أو السفلي بالتقويم العادي تتفضل بذكر تجربتها وذكر اسم الدكتور اللي سوت التقويم عنده........

الهمة يا حلوات:ggdw:

وشكرا مقدما لكل وحدة تشارك

 

[أناناسة]

وينكم حبوبات؟

 

[سـديم]

بنت خالتي فكها العلوي للاسف بارز وخلي شكلها موحلو وامها خاطرها تسوي لها شي الي عندها شي يفيد ياليت تدلنا

 

[هتانة الغيمة]

والله ياحبيبتي الجواب مو بالسهوله الي انتي متوقعتها

لازم الدكتور يسوي اشعه ودراسه للحاله وبعدين يقرر

بس بشكل عام التقويم يحرك الاسنان فقط

بس اذا مشكلتك بالفك التقويم ما يحرك الفك يحرك بس الاسنان لازم عمليه

والي يقرر بالاول والاخير هو الدكتور

 

[لعبة ايام]

اب اب لعيونك

 

[قطعة حلا2]

السلام عليكم شلونج اختي انا ناسه...اسمعي حبوبه وافهمي كلامي عدل مدل..طال عمرج انا عندي بروز خفيف في الفك واللثه واما اسناني فالله الحمد مرتبه بس شوي يارزه بسبب الفك...المهم احترت شنو اسوي بعدين قررت اروح لنيو ابها المهبوله ودخلت عالدكتور وليد العلي اختصاصي فك وللثه..شافني وقال انتي عندج بروز بس خل انادي دكتوره الفك ودكتور تجميل الاسنان اسمه طوني واجتمعوا 3 عالراسي وقعدوا يتكلمون ويطالعون فمي المفتووح علا اخره هههههههههه...المهم قالي الدكتور اخر شي انه عندج بروز ولثه واسنان فانتي قدامج خيارين اما تركبين تقويم اسنان وعقب ماتشيلنه تقصين اللثه ولا تركبين تقويم للاسنان ويعده ب3 شهور تركبين تقويم للفك<<<بصراحه انا تعجبت شنو تقويم فك المهم قال وبعد ماتفكينهم اتقصين لثتج..وانا بعد ماشرحت لي الدكتوره تقويم الفك ارتحت وان شالله لا ركبته علمتج المهم حبوبه انتي روحي لهم وهم بيعلمونج...واتمنى افدتج قلبي للعلم ترى توني مركبه التقويم قبل 2 شهرين وسلامتج​

 

[قطعة حلا2]

اقصد دكتوره التقويم اللي جت عندي مع الدكتاره

 

[أناناسة]

سديم...
مشكورة حبيبتي لتفاعلك

 

[أناناسة]

والله ياحبيبتي الجواب مو بالسهوله الي انتي متوقعتها

لازم الدكتور يسوي اشعه ودراسه للحاله وبعدين يقرر

بس بشكل عام التقويم يحرك الاسنان فقط

بس اذا مشكلتك بالفك التقويم ما يحرك الفك يحرك بس الاسنان لازم عمليه

والي يقرر بالاول والاخير هو الدكتور

مشكورة حبيبتي للتفاعل والنصيحة
زرت أكثر من طبيب قالوا لي ان عندي مشكلة بس ما تستدعي التدخل الجراحي لأن العملية صعبة وللحالات اللي تحتاج مرة
بس البروز البسيط مأثر بشكلي شوي ومزعجني

 

[أناناسة]

السلام عليكم شلونج اختي انا ناسه...اسمعي حبوبه وافهمي كلامي عدل مدل..طال عمرج انا عندي بروز خفيف في الفك واللثه واما اسناني فالله الحمد مرتبه بس شوي يارزه بسبب الفك...المهم احترت شنو اسوي بعدين قررت اروح لنيو ابها المهبوله ودخلت عالدكتور وليد العلي اختصاصي فك وللثه..شافني وقال انتي عندج بروز بس خل انادي دكتوره الفك ودكتور تجميل الاسنان اسمه طوني واجتمعوا 3 عالراسي وقعدوا يتكلمون ويطالعون فمي المفتووح علا اخره هههههههههه...المهم قالي الدكتور اخر شي انه عندج بروز ولثه واسنان فانتي قدامج خيارين اما تركبين تقويم اسنان وعقب ماتشيلنه تقصين اللثه ولا تركبين تقويم للاسنان ويعده ب3 شهور تركبين تقويم للفك<<<بصراحه انا تعجبت شنو تقويم فك المهم قال وبعد ماتفكينهم اتقصين لثتج..وانا بعد ماشرحت لي الدكتوره تقويم الفك ارتحت وان شالله لا ركبته علمتج المهم حبوبه انتي روحي لهم وهم بيعلمونج...واتمنى افدتج قلبي للعلم ترى توني مركبه التقويم قبل 2 شهرين وسلامتج​

أنت مو قطعة حلى بس أنت الحلى كله
ألف ألف شكر لك حبيبتي انك ذكرت تجربتك اللي فادتني شخصيا
وأتمنى تزوديننا بالمستجدات

محبتي:eh_s(7):

 

[أناناسة]

حبيبتي لعبة أيام
الله يرفع قدرك
مشكوووورة

 

[فانيلا]

للرفع

 

[أناناسة]

مشكورة حبيبتي فانيلا
الله يرفع قدرك

 

[أناناسة]

هالأسبوع رحت لجراح فكين ممتاز قال لي ان البروز البسيط بالفك ينفع معه التقويم وهو ما يأيد العملية الجراحية بس مو مرة واثقة بهالكلام لأن سبق سويت تقويم عشان هالمشكلة وفعلا تعدل فكي شوي بس لما فكيت التقويم رجع بارز وخربت أسناني وطلع لي ابتسامة لثوية.... يعني مو بس ما استفدت تشوهت ابتسامتي واسنوني

 

[BeNt PaRiS]

اب لعيونج

 

[يــاغربـــالي]

اهيء- انا جذي الفك اللي فوق متقدم شوي

ورحت وسوالي الاخصائي اشعه ودراسه وسالفه طويله بعدين قالي المشكله ان الفك اللي تحت راجع ورا انا اللي فوق مكانه طبيعي

وقالي لو رجعنا الفك اللي فوق ورا بيطلع منظر الخشم مشوه ويكبر والحلج يدش داخل وان اخنا نهتم بشكل الاسنان بالنسبه للوجه مانعدلهم وننسا ملامح الوجه

فالمفروض ان اللي تحت يتقدم وهالشي لازم جراحة فك- ونصحني انه مومشوهني بالعكس شكله حلو

مع اني موحابه شكله بس استحاله اسوي جراحه واعرض نفسي لتخدير كامل ومشكله ثانيه

فاا سويت تقويم عشان صفت اسناني لانهم متخربطين شويه يبيلهم تعديل-٨ شهور واشيله والدكتور ماعشمني بسالفة الفك وقالي التقويم ماايحل المشكله