هل السونار يغلط في تحديد جنس البيبي

[عربا]

سويت سونار قي نص الثالث قالت لي الدكتورة من 60 الى 70 ولد وسويت اخر يوم في الشهر الثالث وقالت لي نفس البدكتورة لا بنوته من صار معها كذا

 

[00اوركيد00]

عربا انا مثلك بالضبط
انا سويته بالثالث قالت لي 85 % ولد بعدين قالت لا اصلا اكييييييييييييد ولد
وبالرابع رحت لها نفسها قالت 90 % بنت
ويارب انا وياك نجيب اولاد صالحين بارين تقيين نقيين تامين الخلقه

 

[@سيدة نفسي@]

انا .. بالضبط نفس اللي صار وياي

وجبت بنتي الصغيرة فدييييييييييتها

 

[رنيم الروح]

حبيبتي يغلط كثير احيانا انحددنوع الجنين ونكون متاكدين بعد الولاده يصير العكس
لانه سبحان الله البيبي بنت او ولد يكون شكلهم واحد نفس الجنس التغير يصير في ارتفاع هرمون معين مسؤل عن نوع الجنس وراح انزل لكم موضوع معلومه طبيه عن هالشي

 

[كشوخية]

انا صار معاي جذي لي الشهر السادس يقولون لي ولد عقبها قالولي بنت والحمدلله يبت بنوته السونار يغلط

 

[الجوهرا]

انا بنتي قالولي وولد وبالسادس قالتلي بنت وبولدي من الشهر الثالث حتى تجهيزي بنت لما وولدت قالتلي الدكتوره جبتي ولد انصدمت وبالنفاس لابس ووردي

 

[kuwaitiya_84]

بالثالث مو اكيد بالخامس والسادس المضبوط الصح احسن لكم

 

[sunshine22]

عادي

اذا خايفين تجيبون بنات

ودوهم دور الايتام يستقبلون بناتكم ترا




ياكرهي لهالمواضيع وكره جنس البنات

 

[! بــدويه وآآيــد !]

عادي

اذا خايفين تجيبون بنات

ودوهم دور الايتام يستقبلون بناتكم ترا




ياكرهي لهالمواضيع وكره جنس البنات

ههههههه

صح لسانح احلى رد

 

[ghadeeeer]

اللي خايفه تولد بنت إنتي أنثى ليش ما انتحرتي لأنج مو صبي ؟؟؟!!!!!!!!
حمدوا ربكم عالصحة والعافية غيركم يتمنى ضفر ياهل وفارين العالم فر يدورون علاج وانتوا قلوبكم تقرقع لا تولدون بنت

 

[00اوركيد00]

من قال لكم احنا خايفين نجيب بنات استغفر الله وربي الي خلقني عساني اموت لو كنت مابغى البنت

بس شي طبيعي انتي عندك بنت واول سونار عشموووك بالولد فاكيد بتنبسطي بتنوعي بجنس الجنين

وتقعدي تتخيلي لما تجيبيه وش بتلبسيه وشنو بتسميه وكيف بيكون معاك ولد تربيه

بعدين يقولو لك بنت

احنا مو نسال عشان مانبي البنت استغفر الله

وقسم انو طلع الي ببطني بنت لجهز لها كانها بكري

ويكون بعلمكم اني سميت البنت قبل الولد

لو قايلين لي بنت من الاول والله ما اسال اذا بتقلب ولد

بس هم قايلين لنا اول ولد بعدين بنت

استغفرو ربكم

 

[ام ساره 4]

ولا مره غلط معاي السونار بعدين أعضاء الجنين بالشهر الثالث متشابهه البنت والولد فا الدكتوره اشتبهت إنه ولد بالثالث بس لمن كبر شوي بين معاها إن النوع بنت بعدين خلاص تأقلموا مع الوضع بنت بنت والا ولد ولد ولاحقين على رزقكم هذا أنا عندي أربع بنات والحين حامل وقالولي ولد والعلم عند الله سبحانه

 

[الذوق والرقه]

عادي

اذا خايفين تجيبون بنات

ودوهم دور الايتام يستقبلون بناتكم ترا




ياكرهي لهالمواضيع وكره جنس البنات

المنتدى مفتوح للكل يسأل اللي يبي اذا مو عاجبج الموضوع المفروض مارديتي
والبنت ماغلطت كيفها اكتبت موضوع شاغلها مثل ما انتي في يوم من الايام حطيتي
مواضيع عن الحمل في ذكر ومحد ضايقج وجرحج فيها

 

[تحبني ولا ...]

عادي يغلط وااجد السونار

بس يبين البنت ولا والولد من شكل البطن اذا كانت بارزه قدام ولد


واذا كان الحمل عالجوانب بنت


والولد بسرعه تبرز البطن عكس البنت


تقبلووو مروووري

 

[طيف2006]

الحمدالله ع العافيه مافي وحدة ماتمنئ ولد واهي عندها بنت والحمدوالشكر من عمرنا نحمد ربنا بس اقص ايدي وحدة تقول مابي ولد الكل يتمنئ البنت والولد بشكل عااام اما اللي تجي وتقول ناس تمنا ظفر جاهل بنات غلط مو لهدرجه المرة حامل والله رزقهااا وودها ع الولد مثل ماغيرنا يتمنئ البنت يعني وحدة اذا تمنت بنت عادي وتكسر خاطركم لاااحظت بالمنتدى واذا تمنت ولد كلن رد عليها احمدي ربج وشوفي قسم تاخر الانجاااب دااايمن جذي وناس تمنئ ظفرجاهل امااا اللي تمنا بنت تدعولهاااا والله هاذا اللي لاااحظته اهني ولا بعط يحبطون استغفري بعدين يجيج ولد معاق شهالكلام وليه اللي تمنت البنت ماتقولون لها تجيج بنت معاقه ليش مافي موازنه بهالامور وكلنا حامدين ربنا وكل وحدة تعرف ربها واخر كلاامي ترى شي طبيعي اللي عندها بنات تمنا ولد واللي عندها عيال تمنا بنت وعسئ ربي يرزق كل وحدة اللي تمناه بس حبيت افضفض لانه العضوه سن شاين كلامها جااارح وانا اذكر مواضيعها بس الظاهر نست

 

[@سيدة نفسي@]

سن شاين وبدوية وايد

حيييييييييييييييل مشتطين وجايين من أقصاكم

توكم ماجربتوا شعور أم البنات ونظرة الحريم

لهاا .. قولوا الله لايحطنا بهذاك الموقف اللي

يخلي كل من هب ودب يتفلسف على روسنا

ويعلمنا أصول ديننا فيه ..

 

[hneen2]

والله انا وجهه نظري عادي ان الوحده تتمني يعني شي طبيعي عندها بنات تتمني ولد والعكس مثلي عندها صبيان وتمنيت بنات وربي بعد عيني ماقصر رزقني بنتين


يعني ليش تتعرضون علي اللي تكون ملهوفه علي بنت او ولد يعني اهي مابتقطهم بس اهي قاعد تعبر عن رغبتها الفطريه بالحياه

عندها بنت ودها ولد عندها ولد نفسها ببنت.


اما مثلا في منتدي ثاني قرييت موضوع انها سوت سونار وتتمني انها ماحملت وان مالها اي رغبه بهالبنت ولا لها خلق تجهزلهت ولاهي فرحانه وتعترض وتقول شتبون بالبنات حق الكشيش والاذيه !!!!!!!


هاذي عاد مو ضعها شي ثاني ومن حق البنات يردون عليها لانها معترضه علي عطايا الله




وجهه نظري وان شالله تتقبلونها

 

[@سيدة نفسي@]

^
^
^
:ggdw::ggdw::ggdw::ggdw::ggdw:

 

[يارب احفظ عيالي]

عادي

اذا خايفين تجيبون بنات

ودوهم دور الايتام يستقبلون بناتكم ترا




ياكرهي لهالمواضيع وكره جنس البنات

عادي اختي الموضوع مايزعل ترى في النهايه احنا بشر واهي من حقها تسأل


اوقات الوحده كل ماتحمل تييب بنت والحمدلله على النعمه بس الريل وكلكم تدرون يبي صبي فتتمنى انها تييب هالصبي عشان تسكت زوجها وترتاح من الحمل وفي الاخير كلها ارزاق من الله

 

[You FOR Me Only]

حبيبتي جهزي الوان محايده والله قمت اخاف من هالسونار احسن عشان ماتقطين فلوسج على ازرق او وردي وتالي تتوهقين