هل الطيبه هي ضعف في الشخصيه ؟؟

[Escada <3]

الســلآم عليكم



عندي سؤال ومحييرني !!






هل طيبه القلب هي ضعف في الشخصيه ؟؟؟!!


دايما اسمع فلانه تقول لي فلانه لعبت فيها طيبتها الزايده..... و آفكر هل الطيبه لها حدود ؟

او اسمع فلانه طيبه وينضحك عليها... هل الطيبه اصبحت غباء بزمننا؟

او فلانه طيبه وماتزعل........هل الطيبه تجر على صاحبها من يستغلها ؟

هل الطيبه وتسامح اصبحت ضعف شخصيه وعيب لصاحبها ؟


>> و آنا وحداا منهم داايما يقولولي .. خلي عندج شخصيه لاتصيرين ضعييفه خلي الطيبه عنج !!؟ <<

 

[قدساويه شيطونة]

أحلى قدساويه مو بس انتي حتى انا

راي الشخصي انا الكل يستغل طيبتي بكل شئ والمشكله اسامح واقول اول مره عادي يمكن تتعلم من الخطا بس للاسف تستغل الطيبه وتعيد تسوي نفس الغلط وبعدين تقول عادي انتي طيبه وتسامحين لمتى بقعد اسامح بس الله المستعان ..

يسلمو حياتي ع الموضوع


آختج : قدساويه شيطونة

 

[فجر الغلا]

بالعكس والله مو ضعف بس مع الوقت اذا زاد الشي عن حده يقلب الواحد بعد الطيبه إلي قساوه مو طبيعيه

 

[أمي غلاها غير]

حبيبتي للاسف هاليومين الطيب ايقولون عنه شخصيته ضعيفه واللي شخصيته قويه خبيث الناس مايعجبها العجب بس نصيحه الزمن هذا الطيب ينداس كل وحده تقوى شخصيتها مو معني هذا الخباثه لا لي حق وعلي حقوق ويسلمو علي الموضوع الرائع

 

[روعـهـ ربانيـهـ]

اي الطيبه لها حدود
طبيه بس ماينوخذ حقي؟ لاني بكذا اكون ضعييفه مو طيبه في فرق فرررق كبير

 

[MiSs SaLsA]

حبيبتي كل شي في هاذاا العالم
(( إا زاد عن حده ينقلب ضده ))
فكري فيها عدل مو لازم
اشرحلج رح تفهمين شنو أقصد

 

[Escada <3]

حبيبتي للاسف هاليومين الطيب ايقولون عنه شخصيته ضعيفه واللي شخصيته قويه خبيث الناس مايعجبها العجب بس نصيحه الزمن هذا الطيب ينداس كل وحده تقوى شخصيتها مو معني هذا الخباثه لا لي حق وعلي حقوق ويسلمو علي الموضوع الرائع

:0bee2e8d89: لأسف


تسلمين ع المروور...:eh_s(6):



قدساويه + فجر + روعه ..<< تسلموون ع المروور :eh_s(6):

 

[Escada <3]

حبيبتي كل شي في هاذاا العالم
(( إا زاد عن حده ينقلب ضده ))
فكري فيها عدل مو لازم
اشرحلج رح تفهمين شنو أقصد

فهمتج حبيبتي ..... مشكووره

 

[*ع’ــسـل آلمطـيـري*]

كوني طيبه بالعكس هذي موضعف بالشخصية لكن لطيبه حدود يعني ماتسكتين عن حقج

نصيحتي لطيبات لازم تتعلمين شلون تأخذين حقج وماترضين بسهوله:tomato2:​

 

[لـيلـى]

اللي يقهر ان الطيب بهالزمن ماله كلمه و الكل يستضعفه حلو ان الواحد يكون صافي النيه و يحب الخير و يساعد
غيره بس بنفس الوقت لا يعرض خدماته لغيره بشكل اوفر عشان لا يستغلونه و على فكره مو كل الناس ينعطون ويه

 

[حكاية شهرزاد]

الطيبه من الاخلاق .. ومن الاحساس الرفيع .. ومن قوة التحمل النفسية ..

لاحظي هالكلمة قوة ..(( التحمل )) وبالمواقف ..

يعني الطيبه مو ضعف ..

ولكن الطيبة اذا جات بسلبية .. اهني تصير من ضعف الشخصية ..

 

[هدولى]

الطيبه من الاخلاق .. ومن الاحساس الرفيع .. ومن قوة التحمل النفسية ..

لاحظي هالكلمة قوة ..(( التحمل )) وبالمواقف ..

يعني الطيبه مو ضعف ..

ولكن الطيبة اذا جات بسلبية .. اهني تصير من ضعف الشخصية ..

نفس كلمى ..:tek:

 

[CUTE ENGINEER]

لا والله أبد بالعكس هذي قوة
إن الواحد مايستسلم حق مشاعر الشر ولا الغضب اللي داخله
بس للأسف الناس يستغلون هالصفة وهي ن كرم الأخلاق في الشخص
وحسبون الواحد غبي ومو مستوعب انهم قاعدين يستغلونه
صج مجربة ومنقرصة واااايد ههههههه

 

[happy&single]

في الطيب
وفي الساذج
وفي الغبي
فاذا كنت طيب مو بالضرورة تكون ساذج او غبي!!

 

[Rawo0onah]

انا نفسج طيبتي زايده والصراحه الناس مايقدْرون والطيبه موضعف بالعكس... اهي ضعف اذا كانت بالاشياء
السلبيه يعني مثلا تقولج وحده امشي نسوي (.......)اي شي مثلا ويكون غلط تروحين مع رفيجتج عشان
طيبتج وماتبين تزعلينها لاااا مايصير اهني في حد انا طيبه بس مااروح طريج الغلط ويتحكمون فيني عشان طيبتي
خلي شخصيتج قويه وطيبه .....ومثلا وحده تييي تقط عليج كلام وتهزئج وتفشلج جدام البنات وماتسوين شي
عشان طيبتج طبعا مو بقلة ادب راح تردين عليها بس حطيلها حد

​

او اسمع فلانه طيبه وينضحك عليها...هل الطيبه اصبحت غباء بزمنا؟​

الصراحه انا كنت اتوقع انها غباء بس اهي موغباء انتي طيبه عبالج كل الناس نفسج تقولين معقوله بتسوي فيني (فلانه)
جذي لا مومعقوله شنو اهي طيبه وعندها احساس ..!!بس للاسف ان في ناس ماعندهم ضمير تكلمج بدايه بطيبه
وادب انتي اشدراج عبالج اهي طيبه نفسج.!!وبعدين تقلب عليج وتطلع على حقيقتها......وطبعا من تجاربج بالحياة
يمكن مامريتي بتجارب وايد انا عن نفسي جربت وعرفت الناس..!! يعني مو اصير غبيه اعطي رفيجتي صورتي
يعني واثقه فيها وبعدين تفضحني والاتنشر صوري<<مثلا ترى ماصارت فيني ايبلج امثله عشان تفهمين
والا اي شي مثلا تثقين فيها يكون شكلها بريء ماعندها هالسوالف وتقص علييج ....خلاص اتوقعي كل شي
بهالزمن اهني انتي طيبه بس موغبيه عرفتي تتصرفين
او فلانه ماتزعل..........هل الطيبه تجر على صاحبها من يستغلها؟

لاطبعا الواحد مو لازم يزعل على اي شي وحتى لو مره جرحتني وحده اطوف طبعا اذا تعدت حدودها لا اهني اوقفها
بس حلو ان الواحد مايزعل بسرعه حتى لو من داخلج انجرحتي بس طوفي انتي لج اجر ......
وساعات تزعلين من وحده وتسامحينها واهي مسويه فيج شي كبير ولو وحده ثانيه ماسامحتها..! بس المسامح كريم..
وصح في بنات يستغلون طيبتج ومايخافون الله فيج ويستغلونج بس من تجاربج بالحياة انتي عارفه اشلون تصرفين
وفي بنات يزعلون جم مره وتردين تسامحينهم هذي طيبتج انا صارت فيني بس شسوي مااقدر اذا وحده كلتني اردها
بس اهني تلعب علييج عادي عندها تزعلج وترد اتكمج بس انتي تحطين حد لها..وترى شخصيتج لها دور

اسفه عالاطاله وانشاء الله اكون فدتج واي شي تبين من عيوني
ا​

 

[وردجوري]

يالعكس الطيبه مو ضعف صفه حلوه بس للاسف فى زمنا الناس تنظر للطيب ضعيف شخصيه ,,,

 

[still_waiting]

الطيبه حيل حلوة ولاازم الكل يعمل فيها
بس بحدود
وكل شي زاد عن حده ينقلب ضده
وانا بالنسبه لي اساامح واايد لدرجه لا توصف ..ما شاء الله
ههههههههه
بس بهالزمن لاازم انخفف شوي من طيبتنا للي ما يستحقونها ونزيدها للي يستحقوون

 

[البرنسيسة غلا]

حلو ان الانسان يكون بقلبه طيبه ...

بالعكس حلوه الطيبه والانسان الطيب يمتلك قلوب اللي حواليه بسرعه ويحبونه ...

بس مايخلي الناس يضحكون عليه ويستغلون طيبته ...

اكون طيبه بس بحـــــــــــــدود ...

تقبلي مروري يالغلاااا ...

 

[بطاط مهروس]

مشكورة على الكلام الكبير والحلو .......

اى والله الطيبة الزايدة ..... بالزمن هذا تخليج اضحوكة حق الناس

ذابحتنا طيبتنا ..... ما لها حل غير انج فى بعض الاوقات تقولين ما راح اصير طيبة من يوم ورايح ...... وبعد فترة تنسين وتردين

تكونين ( الطيبة المغفلة ) اللى الكل يضحك علينا .... ويتمصلح من ورانا

 

[الإمبراطوره]

المشكله مو بالطيبه ...ولا بالناس الطيبين إللي في وقتنا هذا نادرين...لكن البلى من البشر إللي تستغل هالناس وتجعلهم أضحوكه لغيرهم...
والطيبه تضر صاحبها وتضعف شخصيته إذا وصل للسذاجه أي لحد الغباء (حشاكم) بحيث عارف إن هالشخص يستغله والموقف نلاقيه يتكرر كذا مره وهو يظل على نفس التصرف بحكم طيبته....
فإلي أقدر أقوله إنت يالطيب ويالحبيب خلك بطيبتك وزينك بس دري بالك تهديها لغيرك وتضر نفسك بإيدك....بادل طيبتك وسخرها للي يستحقها ويقدرك...