هل الطيبه هي ضعف في الشخصيه ؟؟

[بدورة القمورة]

لا والله ا لطيب يعني مو ضعيف شخصيه بس بهالزمن صاروا يستغلون طيبة الشخص بدرجة مو طبيعيه!! حلووو الواحد يكون طيب بس مو كل الاشخاص اعطيهم طيبتي

 

[spanish-girl]

انا اقول الطيبه حلوه بس مو بكل وقت مو الطيبه حد السذاجة وستغفلونج ويطعنون بظهرج لا خلي طيبتج بحدود للانسان الي يستحقها بس

 

[المكسيكيه]

طبعا نو .. بس بحدود .. تره محد يستاهل الطيبه بهل الزمن

 

[العود والبخور]

يقولون راعى الطيب مايتحسف
لانة عند اللة مو ضايع
الطيبة قوة فى الشخصية
وقوة الشخصية ليست بقهر الاخرين
ولنا فى رسول اللة والصحابة قدوة حسنة
كانوا مثال فى الطيبة والحب والتعاون
يااختى .. الطيبة طبع وماراح اصير خبيثة
واغير باخلاقى علشان فلانة وعلانة
لكن .. كونى طيبة بحدود ولاتنازلين عن حقوقج
لانها لو زادت صارت خبال وسذاجة وماكو شخصية:33_1185028183:​

:eh_s(8):

 

[العود والبخور]

رفع ... up​

:tek:​

 

[لاتينيـه]

اي بهالوقت الطيب شخصيته مهزوزه
انآ بطيبتي ضيعت علي وآيد اشيآ وتنآزلت عن وآيد اشيآ
خلج طيبه بس بحدود
لان الحين مآ ينفع غير جذي

 

[كيكة دلال]

اي يبا ضعف شخصيه
دوسي على أكبر راس وأنت مرفوعه الراس
جذيه الناس يحسبون لك ألف حساب

 

[sweet dashttya]

يسلمووووووو على الموضوع للأسف بزمانا هذا الطيبه الزايده مو زينه لان الناس راح يستغلونها ونادر تلقين شخص طيب ​

 

[ms.mercedes]

شوفي حبيبتي الطيبة حلوة ...

بالعكس يا بختج ان كنتي طيبة وصافية النية صدقيني والله بتعيشين حياة حلوة وبدون مشاكل بس لازم تعرفين ان بين الطيبة والسذاجة ترى شعره ...

يعني لا تكونين طيبة لدرجة السذاجه ... لا كوني طيبة ومسامحه وصافية النية بس بحدود ...

يعني اذا حسيتي هالانسان ما يستحق طيبتج خلاص حقريه ويولي لان اهوا الي خسران لان بزمنه هذا وين ننحصل انسان طيب القلب ...
بس طبعا انتي مو من اول مره تحكمين على الانسان الي من عدة تجارب ...

وشكرا ....