هل القاضي في المحكمه يفرق بين المذاهب لقضيه العضل ؟

[pinkeya88]

دعوى العضل اهيا اللي ترفعها البنت ضد ابوها اللي ما يبي يزوجها و يكون هذا حقها شرعيا و قانونيا و هذا الرفض يرجع لاسباب اجتماعيه طائفيه و غيرها ..
السؤال اذا كان الريال معاش ووظيفه و اخلاق و شاري البنت و خظبها اكثر من مره لكن الابو يرفض مع ان البنت و الاهل كلهم راضيين و بعدها البنت اتقدم شكوى للمحكه بالعضل عشان القاضي يزوجها اذا كان الريال كفؤ لها بالشهاده و المعاش و الاخلاق و ما عنده قضايا هل القاضي يمنع او يفرق بين المذهب اذا كان مختلف و لا ماله شغل و البنت فوق السن القانوني فوق ال21 ؟


و اللي له تجارب ايقول لان هذي مشكله رفيجتي و كاسره خاطري و شكرا..

 

[dяέἆᶆ qûếếἦ]

ومن ضمن الشروط رفع القضية الي قريته مالقيت شي بخصوص المذاهب يعني مو متأكده بس اعتقد والله اعلم عااادي

ااهم شي يكون الشخص مناسب وكفؤ يعني والكفاءة تتمثل بالدين والحرية والمال وجميع النواحي الاجتماعية والثقافية إلخ


هذا نقلته لج يعني اهم شي دينه مو مذهبه ..والعمر اهم شي تكون عاقلة بالغه مدركة لحقيقة امرها
وقال رسول الله صلى الله عليه وسلم: «لا فضل لعربي على عجمي إلا بالتقوى ))

انا تقريبا متأكدة ان المذهب ماله علاقة بس خل تدق ع محامي احسن تاخذ منه جوابه شافي ووافي لكل تسؤلاتها

ولا تستعجل ان ترفع ع ابوها خل تحاول مره ومرتين وثلاث تجيله باسلوب اهو يحبه يعني خل تفكر قبل ماتتخذ هالشي ادري هالشي حلال بس مو سهل
والله يوفقها ويعينها ويسهل امرها خل تكثر من الاستغفار ..

 

[فراقك نكاده]

شوفي ماعتقد المذاهب لها شغل بس اتوقع انهم بالاول يتأكدون اذا البنت متبليه ع ابوها او شي جذي واذا سبب الوالد اقنع القاضي مافي زواج

 

[pinkeya88]

ومن ضمن الشروط رفع القضية الي قريته مالقيت شي بخصوص المذاهب يعني مو متأكده بس اعتقد والله اعلم عااادي

ااهم شي يكون الشخص مناسب وكفؤ يعني والكفاءة تتمثل بالدين والحرية والمال وجميع النواحي الاجتماعية والثقافية إلخ


هذا نقلته لج يعني اهم شي دينه مو مذهبه ..والعمر اهم شي تكون عاقلة بالغه مدركة لحقيقة امرها
وقال رسول الله صلى الله عليه وسلم: «لا فضل لعربي على عجمي إلا بالتقوى ))

انا تقريبا متأكدة ان المذهب ماله علاقة بس خل تدق ع محامي احسن تاخذ منه جوابه شافي ووافي لكل تسؤلاتها

ولا تستعجل ان ترفع ع ابوها خل تحاول مره ومرتين وثلاث تجيله باسلوب اهو يحبه يعني خل تفكر قبل ماتتخذ هالشي ادري هالشي حلال بس مو سهل
والله يوفقها ويعينها ويسهل امرها خل تكثر من الاستغفار ..

مشكوره حياتي الحمد لله اهما متفاهمين من هالناحيه بس ابوها الله يسلمج صعب وايد و ما يحشم لا كبير و لا صغير و اوصلت السالفه ان مد ايده عليها .. و تخيلي لما قابله الصبي قاله انت خوش واحد و انت و انت و انت بس ما اعطيك بنتي و ابي واحد نفسك بس مو انت تخيلي قاعد يحرق قلب الولد عالبنت مسكين ... المهم ان الله يسهل طريجهم و يفكهم من ظلم هالابو المغرور ..

 

[pinkeya88]

شوفي ماعتقد المذاهب لها شغل بس اتوقع انهم بالاول يتأكدون اذا البنت متبليه ع ابوها او شي جذي واذا سبب الوالد اقنع القاضي مافي زواج

مشكوره حياتي .. بس شكو متبليه اصلا القاضي اينادي الابو و يساله ليش واذا بس على شي واحد و شايف الريال زين و كذا ما ياخذ ابكلامه و يزوجهم عادي لان القاضي ايصير ولي من لا ولي له لما تسقط ولايه ابوها عليها .. اهيا حاولت صارلها وايد بس مو راضي و هذا الحل الوحيد اللي راضيين فيه غصبن عليهم مو كيفهم ..الله يسهل زواجهم انشالله ..

 

[نظم المعلومات]

نصيحه مني لج لا تخلينها تخسر ابوها والريال يتعوض بمليون ريال لكن الاب ما يتعوض
وبعدين الزواج بالمهذب السني لا يحتاج الى موافقه ولي الامر اذا كانت فوق 21
اما المذهب الجعفري فشرط واواجب موافقه ولي الامر
اذا كانت سنيه تتزوجه بالمحكمه احسن من ترفع قضيه ضد ابوها

 

[pinkeya88]

نصيحه مني لج لا تخلينها تخسر ابوها والريال يتعوض بمليون ريال لكن الاب ما يتعوض
وبعدين الزواج بالمهذب السني لا يحتاج الى موافقه ولي الامر اذا كانت فوق 21
اما المذهب الجعفري فشرط واواجب موافقه ولي الامر
اذا كانت سنيه تتزوجه بالمحكمه احسن من ترفع قضيه ضد ابوها

اهيا اساسا مو ساكنه عند ابوها و ظروفها غير .. لكن بقولج شغله ترى ما يصير تتزوج بالمذهب السني او الشيعي بدون ولي لكن القاضي يشوف القضيه و اذا الابو معاند و ما عنده سبب ظاهرالقاضي ياخذ الولايه و يزوجهم الدنيا مو فوضه و لا جان كل واحد تزوج بالمحكمه و فك عمره .. و المرا ما تزوج روحها و لا تزوج غيرها لازم من شروط الزواج الصحيح ان وجود ولي للبنت و عند امتناع الاب يكون القاضي محل الاب بطلب شهاده راتب و حسن سير و سلوك للولد و اثنين شهود ان اهووا ما عليه قضايا و اي شي ..مشكوره عالمشاركه حبوبه و انشالله اكون وضحتلج شي كان في سوء فهم ..

 

[متي أركد]

أرجع وأقول لاتخسر أبها عشان ريل تحاول فيه حتي لو كان بعيد عنها بس حرام عقب هالعمر ترفع قضايا علي أبوها وتصبرأن الله مع الصابرين

 

[الغاليه نونو]

سمعي يمه سالفة المذاهب ماياخذ فيها القاضي الا بالاحوال الشخصيه اللي تخص الطلاق والنفقات الي مالا نهايه

لكن دعوي العضل دام البنت بالغه سن الرشد وابوها موراضي يزوجها يصير ترفعها علي ابوها ومعاها شهود ومعاها المعرس وبحضور الابو طبعا
اذا تأكد القاضي ان المعرس خوش ريال والابو معاند مايبي يزوج بنته يدش بعين الابو ويعرف الاسباب اذا الاسباب قويه وفيها أدله ان المغرس مايصلح للزواج بهالحاله راح يرفض القاضي الدعوه واذا العكس راح يطلب القاضي من البنت انها توكله ويصير وليها بهالحاله يزوجها من المعرس والابو ماله حق يعترض

فهمتي يمه والا لاء

 

[G!RLooNa]

مادري والله بس حرام تخسر ابوها على ريال اذا اهوا يرفض كل ريال اييهم خل تشتكي لانه موقف نصيبها بس اذا اهوا محنج على هالريال مادري يعني يا يحاولون يقنعونه و يكلمون احد يقنعه ولا تشوف نصيبها ويا واحد ثاني ابوها راضي عنه.. الرياييل يتعوضون بس الاهل ما يتعوضون وانا اشوف انه ماكو ريال يستاهل اني ارفع قضيه على ابوي عشانه :/

 

[اميره1980]

لا تسلك طريج المحاكم من اول الطريج و من اول المحاولات
خلتكلم عمامها او اي شخص ابوها يسمع كلامه
بس ما انصحها بجذي الريال مكانه الف بس الاهل لا سواء كان الاب او الام
عندي وحدة صديقتي كانت تبي تموت و تتزوج حبيبها اللي مو من مذهبها مع ان ابوها مطوع بس عقب قصة حب 7 سنوات تزوجته غصب و ابوها قالها انا اللي علي اروح معاج الملاج و اوقع العقد و بس بعدين مالي شغل فيج و الحين تزوجو و عندهم 3 اعيال بس تحسفت انها عصت اهلها لان الريال علي اي سبب يتهاوشون فيه يعايرها ان بدته على اهلها و ان ما فيها خير بأهلها

 

[pinkeya88]

مشكورين حبايبي على ردودكم و راح اوصلها كلامكم

 

[Hope Soon]

بنات الله يخليكم انا سنية وعمري 23 سنة ... هل يصير اتزوج بالمحكة بدون موافقة ابوي ؟؟

اتمنى الرد في اسرع وقت لو سمحتو يا بنات

 

[M!SS.LOBY]

القاضي أكيد عادل
بس أبوج يمكن خايف عليج شايف شي أنتي ما تشوفينه

 

[عادت ذكرياتي]

الله ييسرلها أمرها ...


أب

 

[Patcholli]

تكفين الي بياخذها شنو بتكون نظرته لها ..؟؟ حتى لو الحين يقولها اي وعفيه وزين تسوين
باجر بيظل يعايرها
انتي رفعتي قضيه على ابوج عشاني .. باجر ترفعين علي قضيه عشان غيري ..
هالكلام يجرح حيل وصدقيني نصيحه لج ولاي وحده بتتزوج لاتورين ريلج ان انتي مالج عزوه ومالج ظهر
حتى لو اهلج مو زينين هالشي كتمي عليه لاتنشرينه خصوصا حق زوجج والله وايد بنات اعرفهم جذي
رياييلهم صارو مايحطونلهم اعتبار ولا حشيمه ويعاملها نفس الحيوانيه والخدامه بذل واهانه
لان ماعندها ظهر ولا اهلها اوادم عشان يدافعون عنها من جذي امرمطها وذالها .. ويجعمها لان واثق ماكو ريال بيوقفه عند حده
صدقيني اهي تشوفه الحين زين بس ماتدري الزمن شنو خاشلها لاتأمن على انسان غريب حتى لو تموت فيه وواثقه من حبه
الدنيا غداره ..

انا ما اقول ابوها صح بالعكس الي فهمته ان ابوها شايل ايده ومايدري عنهم وعايش حياته وحارمهم من حقوقهم
بس ماتوصل للقضايا واتشرشح ابوها واتدخل محاكم حرام
اذا في مجال تتزوجه بدون قضايا خل تتزوجه
بس لاتبهذل ابوها حتى لو كان موزين لازم تطيعه وتحترمه
هالشي امر من الله مو كلامي انا ..
ترى اللي تأذي ابوها وامها ماتتوفق حتى لو كانو مشركين لازم طاعته بمايرضى الله

 

[بريئه]

الي اذكره بالي درسته بالحقوق هالجزئيه ان البنت تكون فوق ٢٥تقدر تزوج عمرها من غير وليها اذا كان الريال كفء

 

[روجَ آحمرَ ..×]

لا مالها دخل المذاهب بزواج