هل الكويت ^افيدوني ^ امر عاجل

[adyah]

السلام عليكم ورحمة الله وبركاته


انا يايه الكويت اسبوع الياي

بس اول واخر يوم طبعا م ينحسبون عشان الراحه

عندي مجموعه من الاماكن سياحية في الكويت

ابا اسويلي جدول فيها

امم يعني لو كل مكانين عددال بعض وقراب من بعض فيوم وايد زين او ثلاث اماكن

شو اضيف وشو اكنسل ,,,

ادري صعبه كل بنت تكتب كامل فانا اقترح اذا كل بنية تقترح علي بقتراحين
يكون اخف عليها




الاماكن هي :

1-الابراج
2-جزيرة الخضراء
3- المركز العلمي
360 مول
حديقة الحيوان
مجمع الكوت
سوق المباركية
بيت ديكسون
بيت ديفا -بيت السدو
اكوا بارك
الفنار مول
البستان
برج الحمام
اولمبيا
الافنيوز
سفينة لهاشمي
العربيد للعبي
الفروانية
مجمع الخيمة
الحمرا ممول
الاوقاف



ومشكورين وايد وايد وايد :eh_s(22):
بعد قلبي هل الكويت

 

[ام حنااين]

وزعي حسب المناطق. اذارحتي الفروانية طبعاً فيها العربيد والحمرا مول جنب بعض. والشارع كله اسواق وبضاعة العيد ورمضان بدت تنزل فيه. وحديقة الحيوانات قريبة من الفروانية في العميرية
هناك الترفيه محدود سينما مترو بسيطة وماتعرض افلام مميزة وفي طفل المستقبل للاطفال
فيها مطاعم حلوة وجبات سريعة اوهندي وغيره في قيصر ، مهراني،مغل محل ووايد غيرهم انتي سئلي هناك

الابراج والجزيرة الخضرا والاكوا بارك والمركز العلمي على شارع الخليج لكن تلاحظين زيارتج للاماكن هذي. اقصد اذا رحتي الاكوابارك بعد السباحة والشمس صعب تدخلين المركز العلمي مثلاً ممكن تخلين الاماكن هذي على يومين. والابراج بس فيها مطعم وكافيه فوق او تصعدين فوق تتفرجين على الديرة

ديكسون وديفا والاوقاف بالعاصمة ديفا والاوقاف تسوق بس اما ديكسون فهو بيت قديم من الكويت يعني تراث لتصميم البيت الكويتي القديم


الافنيوز بشويخ طلعته بروحه هذا لانه كبير وفيه ترفيه وسينما وسوق وكل شي وانتي مو مختارة شي بشويخ الا اذا بتخلصين منه بعدين تروحين الفروانية ممكن

الفنار بالسالمية وهناك وايد مجمعات مو بس الفنار اللي هناك احلى منه اذاوصلتيه راح تلاحظين وتتمشين بالسالمية على راحتج لان السوق كبير والمجمعات وايد

 

[ام حنااين]

اسفة اكتب بالتليفون اذا في اشياء ماكلمتج عن مكانها لاني ما انتبهت لها.

وحياج الله بالكويت

 

[bambena]

كنسلي الجزيره الخضرا وبرج الحمام والهاشمي اظن مسكر للتجديد ماني متاكده

انصح بشده بفندق الريجنسي قعداته وايد حلوه وتقدرين تدخلين حمام سباحه مكشوف خاص للنساء

اذا تحبين الدراريع ممكن تروحين لمحل ببونه بالمثنى

العربيد والخيمه والحمرا كلهم بالفروانيه

 

[bambena]

الكوت بالفحيحيل قريب يمه سبونز

سبونز هذا كله مطاعم الافضل الاكل فيه والحلو مثلا يكون بالكوت مع التسوق والسينما

 

[bambena]

عندج الجزيره والمركز العلمي والابراج وبيت ديفا وبيت السدو اكوا بارك و اولمبيا مول هذول كلهم على خط واحد يم بعض