هل اللي تثير ريلها يحبها ويحقق لها طلباتها ؟؟؟؟؟؟

[اميره_vip]

هلا حبوبات


ياكثر ماسمعت
انه اللي تثير ريلها بالفراش
يحبها ويلبي طلباتها ؟؟؟؟؟

صج هالسالفه
يعني وحده تقول انه تبي تسوي اثاث يديد
وهو رافض تسويله هالشي من باجر يوافق !!!!!!!
صج احس فيها مبالغه نوعا ما

لهدرجه مهم للريال هالشي يحسسوني انهم استغفر الله تفكير الرييايل حق مرته ماادري شلون
!!!!



اعرف وحده كل شي تسويه حقه
بس مو ملبي رغباتها وتتشكى من تقصيره


والا انا بحياتي مو منتبهه
فتحتو عيني على هالسالفه وتعجبت منها صار المصباح السحري عيل
ههههههههههههه

 

[Dancing^Queen]

اهلا اختي اميره


لكل ريال مفتاح خاص فيه
في ريال مفتاح التعامل معاه اهو الفراش
وفي ريال مفتاح التعامل معاه اهو كرشته الموقره
وفي ريال الكلام الحلو
وفي ريال التجاهل


انتي دوري مفتاح ريلج شنووووو وطقيه سلف وانا اختج

ماعليج من كلام الحريم كل وحده تقول رايها من تجربتها

 

[رنيم الروح]

لا حبيبتي موصحيح واذا فيه نسب قليله وياكثر حريم تثيره بالفراش ويستانس وتاخذ من الوعود ويحسسها ملاك بس يحصل الي يبيه يرجع عن الكلام الي قاله هذا اذا مايطقها ويبهذلها والبعض مايسوي لها الي تبيه مثل ماقالت الاخت الي قبلي كل رجال له مفتاح

 

[دلع انثه]

اهلا اختي اميره


لكل ريال مفتاح خاص فيه
في ريال مفتاح التعامل معاه اهو الفراش
وفي ريال مفتاح التعامل معاه اهو كرشته الموقره
وفي ريال الكلام الحلو
وفي ريال التجاهل


انتي دوري مفتاح ريلج شنووووو وطقيه سلف وانا اختج

ماعليج من كلام الحريم كل وحده تقول رايها من تجربتها

:eh_s(15):
انا نفس كلامها معاها بلضبط

 

[Na6o3a]

حده ماله شغل... كل واحد و مفتاحه... بس الفراش له تآثير اكيد

 

[الهام 2009]

اهلا اختي اميره


لكل ريال مفتاح خاص فيه
في ريال مفتاح التعامل معاه اهو الفراش
وفي ريال مفتاح التعامل معاه اهو كرشته الموقره
وفي ريال الكلام الحلو
وفي ريال التجاهل


انتي دوري مفتاح ريلج شنووووو وطقيه سلف وانا اختج



ماعليج من كلام الحريم كل وحده تقول رايها من تجربتها

كلامك صح امية بالمية مشكورة

 

[Gifts&Occaions]

ماله شغل

 

[فوفو22]

الحكايه باختصار

شنو الحب؟؟؟؟

الحب ان الطرف الاول يسوي شي هو ما يحبه كرمال عين الطرف الثاني

اشلون؟؟؟؟

اذا احب الزوج زوجته يحاول يسعدها بتحقيق طلباتها

متى يحقق لها الطلبات؟؟؟

لما يحبها

اشلون يحبها ؟؟؟

مع العشره والسنين والعيال ....مع اعجابه بشخصيتها ....

ركزوا على كلمه شخصيه

فوفو

 

[ناتشوو]

بالنسبة للمثال اللي ذكرتيه
اتوقع طلبت منه طلبها في وقت غير مناسب فقال لا
فقالت له بيوم ثاني
مروقين وعايشين لحظات حميمة حلوة فماردها مو مسألة اثارة او فراش وبس
والاكيد انه في نوع من الاقتناع او الاحساس ان الاثات محتاج تغيير

 

[ام سعود ديكسون]

لا لا حجي حريم و مبالغة

السالفة و ما فيها ان أهي تعرف شنو مفاتيح ريلها
و تعرف تتعامل معاه الله يتمم عليها

بس مو شرط اللي ينطبق عليها راح ينطبق عليج
كل حالة زواج حالة فردية بحالها مالها شغل بغيرها
ف بنات لا تقارنون رياييلكم بأزواج رفيجاتكم او زميلاتكم او حتي خواتكم

هذا خرااااب البيوت >>> المقارنة

شوفي ريلج شنو مفاتيحه و طقيه سلف نفس ما قالت دانسنغ كوين

 

[انثى عاشقة]

رجال عن رجال يفرق
حتى اذا صار هواش في رجال يعتمد الجنس وسيلة للصلح !!
في رجال يجيب هدية !!
في رجال يعتذر بالكلام
وفي رجال جلف شين وقوي عين خخخخخ
عاد انتي قيسي هالشي بالنسبة للمحبة وتلبية الطلبات ..
في الي يجي بالفراش
وفي الي يجي بالكلام الحلو
بالطاعة
في الي كريم من الله =\
​

 

[WAAAW]

اوهو اكيد الاثاره لها تأثير 90% بس بشرط ان الزوج لازم ما يحس ان الاثاره لازم يكون وراها مقابل

لان ماراح تشوفين منه الا غبرة نعاله ههههههههههههههههههههههههههههههههههه وبيعرف السر

 

[بولندية]

البنات كفو وفو

البنات ترى يبالغون لدرجة وحدة قالت لي انها مو اقل 5 مرات باليوم !!!

و اللي تيي تقولج ريلها يقعدها من النوم علشان .. بس توري الناس ان ريلها يحبهاااا شدعوة

 

[قمة^الانوووثة]

لا لكن البنت الحارة لها تاثير على زوجها مو تجربة شخصية بس الحارة تجيب راس زوجها
بس مو كل شي الجنس طبعا ارجع و اقول سيكولوجيا يعني نفسيا الزوج من اولوياته الجنس

على حسب كل رجال بس يظل الجنس من اهم الامور الرجال ليش متزوجج؟
اهله يغسلون ملابسه و يطبخون له و ينظفون غرفته
شنو ناقصه؟؟؟ ناقصه فراش
جابج بيته عشان هالشي
و اول يوم شو يصير غالبا؟؟؟
ليش انتي لا شعوريا تلبسين وتتعمدين تغرينه و قصير و مزلط و حركات و عطورات ؟؟؟
ترى شي ما يزعل لما نقول الجنس من الاولويات و يصير موضوع حساس!!

 

[ثريا الكون]

انا مع الي قالت لكل ريال مفتاح ​

 

[قمة^الانوووثة]

نسيت اقول شغلة حيل مهمة
ماراح اقول النظافة و التكشخ و الاتيكيت كلنا الحمدلله نعرف هالامور لكن...
الكلام ثم الكلام ثم الكلام
يعني لسانج ثم لسانج ثم لسانج
تدرون ان الكلام له تاثير و مخدر و برمجة للمخ؟؟؟؟؟؟؟

شي خطير معجزة الرسول كانت كلام و كلام الله عز وجل
الكلام يا ناس له تاثير موطبيعي

الزبدة في امور انسي انج تجيبين طارريها و راح اقول ليش


انسي تقولين رفيجتي تهاوشت و الا اختي متضايقة و الا فلانة محتاجة شي و الا اهلي تهاوشو اخوي انطرد و الا والا والا

يعني شغل نكد و سوالف هم و غم انسيها انسيها فوووورقيت ات
في مسلسل شوية امل بثينة الرئيسي اللي زوجها يعني كان يموت فيها كانت تشكي له و يعرف عن بلاوي اهلها لماتزوج رفيجتها عرف الفرق و قال لها انتي و اهلج كله نكد بنكد اختج المتدينة تحررت و اختج طايحة في بلوى و ابوج فجاة طلع ...

يعني مهما كان يحبج راح يكرهج اذا دخلتي مشاكل اي شخص داخل و تناقشتي فيه لان الرجال ما يحب يسمع الشكوى

و لا تجيبين طاري فلانة و علانة حلوة و الا محلوة و الا شمسوية بعمرها صايرة مليكان
يحط في باله و يمكن يدور و يخطط عليها


و بالعربي خلي كلامج عنه و عنج و بسسسسسس و عن عيالكم و الامور الfunny
والله يطفر الرجال
انا عقب ما تخرجت زوجي قام يقعد معاي و يطلعني اكثر من قبل
لان قبل كل ما طل بخشتي قلت امتحان و دكتور غثيث و تعبت و مليت
قالي زوجي ترى في كلمات مااحب اسمعها منج تعطيني طاقة سلبية
كلمة مالي خلق و تعبانة و هذا يعوربي و راسي مصدع و زهقانة


يعني خليكم ايجابيات حبايبي انسو الهم و لي سكرتو الباب عليكم انسو كل شي برا

 

[ويذون]

شوفي حبيبتي الكلام الي سمعتيه صحيح حق الريايل الي مفتاحهم الجنس والي همهم في الحياه ممارسة الجنس يعني جنسيين اما الريال البارد جنسيا ولايهمه الجنس ولا لو تكون زوجته اجمل واحسن واكثر زوجه جنسيه بالعالم ماراح تحرك فيه شعره وحده من تجربه
ونرجع ونقول لكل ريال مفتاح بس اتصدقون عجزت ادور على مفتاح حق زوجي ماعنده مفتاح مثل باجي الريايل جنني

 

[مريم القلاف]

حسب الريال ومزاجه بس عادي أصير​

 

[ناتشوو]

بس الزوجين مايوصلون للراحة بالفراش الا اذا اساسا مرتاحين برة الفراش ومتفاهمين وبينهم
توافق كبير
ومستحيل يوصلون الى التفاهم برة الفراش والارتياح اذا علاقتهم مو مريحة فيه
يعني لا تفصلون الجنس بين الزوجين عن بقية جوانب حياتهم

 

[دهورتني يازين]

اب اب اب