هل انا مخطئة عندما اريد تربية ابناء ليسوا بابنائي؟؟؟؟؟؟؟؟؟؟؟

[haninoooo]

وعلى فكره بناتها الحين بدراستهم حافظين القران وبالمراكز الاولى بحفظ القران ومسابقات الاوائل ماشالله

 

[صمت وسكون الليل]

حبيبتي انا ما اشوف فيها شي والفكره حلوه لان فعلا كل الاطفال الي يكونون بدون ام محتاجين حنانها

والله يوفقج ويحقق حلمج

 

[+بسبوسة+]

اذا الظروف اضطرتج ليش لا؟؟؟

بس اذا كان اختيارج ان تطلبين الزواج من واحد بهالمواصفات لا

لان تربية عيال الناس صعبة..

واحنا عيالنا بعض المرات نشد عليهم..ونحاتي تصرفنا كان غلط ولا صح؟؟
احيانا نضطر نطق..{اح تقدرين؟؟ راح يأنبج ضميرج


انا رفيجتي متدينة وداعية اخذت واحد عنده عيال صج ربتهم احسن تربية
ويحبونها..بس احيانا اسمعها تعاقب عقاب مستحيل احنا الامهات نسوية
مثل البنت الي بأولى ابتدائي تعاقبها تروح المدرسة بدون ريوق ولامصروف؟؟؟؟؟

.........................

زائد احتمال نجاح الفكرة اكبر لو الي بتربي هالايتام وحدة ماعندها عيال..
لان اذا جابت عيال مستحيل تعدل بينهم...
ومهما حاولت قلبها شوي بيقسي على الايتام
لان ولدها غير..
انا كنت اموت في ولد اختي ابوس التراب الي يمشي عليه
بس من الله رزقني تغيرت..لليحين احبه..بس مومثل اول..

وبس
ويبقى هاليهال امانه ربي بيسألج عليهم..
وهذا اختبار ماتدرين تنجحين فيه او لا..
فالاحسن تتجنبينه الا اذا اضطريتي

وموفقة

 

[Mazyoona]

؛

.

الله يكثر من أمثالج حبيبتي

والله يعطيج على قد نيتج

 

[طموح مفقود]

شكرا لمروركم الكريم
اريد ان اقول لكم ان هذا الموضوع بمحض ارادتي ولست مجبره عليه.
اريد ان اعمل شيء ينفعني دنيا وآخرة لا اريد ان اكون زوجة عادية.
اريد عمل شيء لنفسي وللناس الذين من حولي , وان احول حياة هؤلاء الاطفال الذين فقدوا امهم الى اسعد اطفال على وجه الارض حتى لو اضطررت ان انفق عليهم من مالي الخاص .
لا لشيء فقط اريد ان اعيد اليهم الامل المفقود بعد موت امهم .
تشجيعكم يزيد من عزيمتى ........
​

 

[بناتي سكر نباتي]

الله يرحم امي كانت تقول يامربي بعيال غيرك ياباني بيت مهو ملك لك
وصار ...من تجربة امي ربت بنات زوجها اللي هم خواتي من ابوي لدرجة كانو يقولون لها يمة...
ولما توفت ...............سبحان الله ماوقفوا بعزاها

 

[طموح مفقود]

لا حول ولا قوة الا بالله
هذا اللي ينخاف منه
خير تعمل شر تلقى
بس هذولي مافيهم خير لاباهلهم ولا بانفسهم
لكن ان شاء الله الاقي خير لا ادري ليش ان متحمسة حق الفكرة ​