هل انتي متغافلة .. ام جبريت :) ؟

[قطوووة]

السلام عليكم

العلاقة الزوجية مثلها مثل اي علاقة بالدنيا ، مافي زوجين مستقرين ع طول ..

والحياة جذي طبيعتها .. يوم حلو ويوم مر ،

عزيزتي الزوجة السؤال لج يقول .. لما تصير مشاكل بينج وبين ريلج ،

هل انتي من النوع البارد .. الصابر .. اللي يطنش ويغض النظر .. المتغافل ،، ولا كأنه شي صار

أو

الجبريت .. الحارة .. اللي ماتسكت .. وعلى طول رده فعلها سريعه ؟؟



هل انتي من النوع الاول او الثاني ام خليط بين الاثنين < كيكة مو زوجة :d

وهل على حسب الموقف .. ؟ واذا تكرر الغلط تتغير رده فعلج ؟


لكم المايك كويتيات

 

[ام الدرر]

الحمدلله ع السلامة قطوة
من طول الغيبات

بالنسبة لي كنت جبريت وما فيني صبر
ابغي اناقش الموضوع واحله بنفس الوقت
والله رزقني بواحد عكسي تماما النقيض
بااااارد فريزر
ونفسه طويييييييييل بحل المشاكل
مع السنين خذيت طبعه
وصرت نفسه
السالفة تقعد اسبوع اسبوعين
يالله تنتاقش فيها اذا كانت جايدة
اما اذا تافهه
اطنش واعيش حياتي ولا كان شي صار ​

 

[منيرة@]

انا على حسب المووقف

وهو بعد كذا

بس احيان انا اكون ابي احلهاا الحين وهو يقول خليها لبعدين وتصير مشكله اكبر


الله يعطينا الصبر على ها الرجاللل

 

[قطوووة]

ام الدرر حبيبتي
والله احسن شي شلج بالعصبيه والهواش
وحلو الواحد مع الوقت يتغير طبعه للاحسن

منيرة
اظن شهر واحد قليل توكم متزوجيت لاتحكمون بسرعه هه

حياكم

 

[جذابه بنت ذيابه]

نورتي قطووه من بعد غيبه




انا من النوع الجبريت وما احب اخلي شي بقلبي .. احيانا احاول اصير هاديه وصبور معاه ما اقدر ؛(

 

[((shoOoshoOo))]

مثل ماقالت الاخت على حسب الموقف


في موقف يستدعي انج تصيرين نار مو جبريت عشان الريال يحسبلج حساب( مو اي موقف المواقف الجايده)

وفي موقف حلاته تتغافلين لانج ماراح تستفيدين شي /اصلاااا نص الحياه الزوجيه لازم تغافل /عشان تمشي الحيااااااااهـ

من هالمواقف ( مثلااا : صار تج بينج وبين اخته طنشي ولاتدخلينه بالموضوووع لانج ماراح تستفيدين شي هذي اخته حتى لو غلطانه )

ومن المواقف بعد مثلا اعزمج على العشاااا ودق رفيجه يبيه ضروووري وطلع ريلج اساسا مواعده بس ناسي هم اقولج تغافلي
وخليه يروح لرفيجه المطاعم مو منقطعه ان شا الله اهم شي يحسج مهتمه فيه وراح بعوضج صدقييييني

ودايما قبل رده فعلج سإلي نفسج ( انا شنو راح استفيد لو سويت جذي ) واحسبيها شوفيها تسوى ولا لأأ


لوووووول طبعااا هالشي عرفته واقتنعت فيه مو بيوم وليله يمكن بعد سنه زواج ^_^


والله يوفقج خيتووو

وبالمناسبه احب اشكرج وايد على مواضعيج تبع الدايت

 

[Tom ♥ Jerry]

,

انا باااااارده و و لا عمري عصبت بحياتي كلها سواء قبل الزوآج آو بعده
و الحمد لله آني بارده الاعصاب لوول ..

نعمه آحسد عليها > :$
بس مو معناتها آتغافل و آطنش .. لا بالعكس آحل المشكله بدون هواش و صراخ

 

[عذبة السجآيآ]

انا حاااااره بس عند زوجي لا نهائيا اتعامل واتصرف بعقل وحسن رد

واذا فيه خلاف ما اناقشه بوقتها افضل اني التزم الصمت انا واهو وبعد جم يوم افتح الموضوع معاه بس بصيغه هاديه وحلووة بنفس الوقت مع جم مدة بووز بدلع هههههههه

والحمدلله مامر عليموضوع جاااايد اللي ينسمى جاييد لا كلها اختلاف الطبع اول الزواج لا اكثر ولا اقل الحمدلله ياارب

 

[نكهةالبرتقال]

أنا حارة ، بس غيرت طبعي ، البرود لا بد منه ... و لا ما تمشي الحياة

بس مو برود الأهمال ، لا ، برود التخطيط و الإصلاح ،،، حلو هالتعبير لووووووول

يعني أبرد على السالفة و أحلها بعدين بطريقة ثانية إذا كانت قابلة للحل

و مرات أشياء غير قابلة للحل ، خلاص أسبلها و أوكل أمري لله و أرضى بالأمر الواقع

خصوصا إن ريلي عنيد ، راس يابس

 

[زبــــــــدة]

حد البرووووووووووود انا لوووول ...

بس في مرات اتنرفز بس اتكلم بهدوووء وماعصب جدامه ...

واكتشفت ان هالشي مفعوولة قوي يخليج تسوين كل اللي تبينه على طول ...

 

[غـرامـي أنـت]

والله مرات كذا ومرات كذا

على حسب الموووقف

 

[قطوووة]

مشكورين ععالردود بنات

 

[غلآ نوآف]

مرات اعصب ومرات اكتم غيضي واسكت بس يبان علي بكل الاحوال اني تضايقت او انغضت
ويعتمد ع حسب الموقف او الي صار بيننا
واذا هالشي يتكرر او شي جديد

 

[english muffin]

للاسسسسف جبريت نااار بركان

 

[حبيبي مالكني]

انا وايد متسرعه واخذ قرارت متسرعه
لازم احاول اغير هالطبع فيني
لانه يسبب لي مشاكل وايد

 

[قطوووة]

طيب هل تحسون ان التسرع صح؟

 

[آشوآآآق]

اانا بارده حيييييل احب احل مشاكلي بالنقاش


ومن ناحيه التسرع دايم التسرع يخليج تأخذين قرارات تندمين عليها

 

[انثى عاشقة]

انا كل شي فيني حلوووو
الا اني عصبية من قلب نار وشراااااااااااار
خصوصا الفترة الاخيرة مع التعب ماعدت اتحمل
جتني فترة كنت اتغاظى وامشي
بس ما قدرت اكمل لووووووووووووووول

​

 

[بنوته ستايل]

اذا في ابرد من الثلج اناااااااا..

ومرتاحه بطبعي هذا واحس احسن اسلوب اقدر اتعامل فيه..

وماتصير مشاكل واجد والسبه طبعي ..اقدر اتفاهم بهدوء وحتئ لو صار شد اروح ونرجع بنفس اللحظه مافينا شي.

اتغافل عن الاشياء الي ماتستدعي العصبيه والهواش عشان ما اعور راسي واعكر جوي..

امممم يعني انا من النوع الاول..

 

[غمااازات]

كنت حارة في بداية زواجي وعقب غيرت هالطبع واحل الامور بعقلانية