هل انتي من اياااااااهم؟؟؟؟؟!!!!!!!

[الكويت&الكويت]

قوه بنات
شلونكم وشنو اخباركم
انا بطرح موضوعي بسرعه
بس كل اللي ابيه
مابي تحليلات
وكلام لايودي ولا يجيب
ابي تجاربكم
لان انا اعاني من هالموضوع صارلي ثلاث سنين
ناس تقول انه عيب كبير في زوجي
وناس تقول شي عادي ومنتشر بين الشباب
السؤااااااااال(ادري طولت عليكم):
هل زوجج من النوع اللي يسافر بروحه او نع ربعه اقصد يعني ما ياخذج معاه؟؟؟؟
وهل لما تقولين له ودي خاطري اروح وياك يتعذر باعذار واهيه ويقولج انشالله الجايات اكثر؟؟؟
وعقبها يسحب عليج السيفون؟؟؟
بنات عفيه ابي تجاربكم صدقوني بتفيدوني واااايد لان حاولت امنع وايد بس هالمساله عنده اثبات وجود
وشاكره لكم الاهتمام
واتمني تفاعلكم

 

[الكويت&الكويت]

بنات الله يخليكم ابي تفيدوني بتجاربكم
مو معقوله ولا وحده مرت بهالموقف!!؟؟
ابي ردت فعلج عشان اعرف انا صح ولا غلط
واتخذ قرار

 

[om MaRyooM]

اغلب اللي اعرفهم رياييلهم جذي
يسافرون مع ربعهم ومايسفرون حريمهم

وللاسف اقولج ان هالرياييل معروفين بخراااابهم .. بل بقمة خرابهم


بس بالنسبة لي الحمدلله ماصارت معاي
لأن من اول ماتزوجنا اتفقنا ريلي على ريله
لاسفر بروحه ولا هم يحزنوووون

 

[كليـ دلعـ]

ماعندي علم

البنات يفيدونج

 

[Tom ♥ Jerry]

,

سافر مرة وحدة ويا رفيجه
كان رفيجه عنده شغل بدبي و راح وياه يومين
لا الحمد لله ريلي مو راعي سفرات مع ربعه ..

 

[ناني ام عبودي]

مافيها شي عااااااااااادي

فيه كثير رجالهم يسافرون روحهم او مع اصحابهم صح ان كثرة السفر شي مو طبيعي

بس عادي اذا مرة او مرتين في السنة

بس لازاد وبدون سبب من حقك تخافي

والافضل انتي تصارحيه بإنزعاجك من كثرة سفراته وانه لازم يحطلها حد


الله يسخراك فيه اتجهي لله بالدعاء وان الله يحفظها من الحرام ومن الحريم وربك كريم

 

[حرم_الغلا]

، صـارلي ثلاث سنـوات متـزوجه عمـره مـاسافر|| الا مـره راح لولد عمـه بالاردن || وسافر الخميس الفجر ورد السـبت المغـرب<< وبسـياره بعد كل الوقت مششي||مـايحب يـسااافر كلـشش لا مع ربعه ولا معاي|| من تزوجت سافرت ٤ مرات للعمـره مرتيـن والخبر والدمـام مرتين بسسسس||زوج بنت خالتي مـدمن سفر لدرجه يشحن سيـارته لـديره اللـي بيسافر لها ويقعـد حول الشهـرين|| وأغلـب سفرات الشبااب خـرااابييييط<<مـو الكـل طبعـآ بس الاغلبيــه العظـمى|| وعلى حسب الديره اللي رايح لهاواللــه يبعـد عن أخوانا ورياجيلنـاا طريــق الحرام والمعصـيه قولـو آآميـييـن

 

[الكويت&الكويت]

مشكورين حبايبي اللي متفاعلين
وابي تفاعل وردود اكثر
انا من بدايه زواجنا وانا اتهاوش معاه علي هالسالفه اقوله مايسافر بروحه غير الخربان بس ماكو فايده وزعلت مره ورحت بيت اهلي قعدت شهر مافاد يقولي انا لو ابي اخربط جان خربطت بالديره مو اسافر بره والله يشهد يابنات اهوه ملتزم من ناحيه الصلوات وماعنده خرابيط ودايم بيتوتي حتي بالاسواق ما يحب يقعد يقولي اللي بالاسواق كلهم متسكعين ماعنده غير دوانيه بيتنا بس انا هالشغله مضايقتني لان تعرفون لما الوحده تقعد بيت اهلها ويقولونلها غريبه يافلانه وين ريلج ؟ اقول مسافر تصير علامات استفهام وااايد ومرات اجذب اقولهم رايح دبي او السعوديه وبصراحه يكون رايح تايلند او شرم الشيخ بس اهوه حده مره بالسنه عشان لا اظلمه

 

[الكويت&الكويت]

نسيت لاقولكم اول زواجنا كان دايم يجذب علي ويقول دوره وصارت وياي كذا مره اني اطيح علجذبته وازعل ويصير هواش بس الحين عااااااادي يقولي اشكره انا رايح تايلند او مصر وما يهمه ازعل او بطقاق ولا رجع يبيني استقبله بالاحضان وصارت هوشات واجد علي هالموضوع وتعبت لدرجه لما يقول بسافر بس اساله سوالين:
متي بتروح؟
متي بترجع؟؟
ادري اني سلبيه بس والله تعبت هذا الشي مراح يتركه يقول لازم افج مره بالسنه تعبت كله مجابل البيت!!!
اليوم طحت علي اوراق شكله بيسافر ديره جديده مع ان قبل فتره قلتله بسافر نفس الديره انا وياه عيا قال غاليه وكلها اظطرابات
انصحوني يابنات
الله يخليلها بيتها وعيالها اللي ترد
وحتي اللي ماترد

 

[إبتسامهـ]

حبيبتي شي طبيعي في ناس تهوى السفر احنا مانحط بذمتنا انه رايح يخربط لن الي براسه شي يسويه لو بديرته ...
بس يمكن اهو يحب جمعة الشباب نفس ما انتي تحبين تقعدين ويا رفيجاتج ..........
بس اتوقع انه مع الوقت راح يتغير حاولي انج تغيرينه مو شرط تروحين وياه بس حاولي انه يقعد
صدقيني اذا ياج يهال اكثر راح تزيد مسؤولياته ويترك السفر بدون داعي

بالتوفيق

 

[إبتسامهـ]

نسسيت اقولج شي يفيدج .... ترا الرجال تجي له حاله يحب فيها يكون حر نفسه وهالشي مثبت علميا .. يعني بعضهم تجيهم كل شهر او كل سنه المهم يحس انه تعب من المسؤوليات فيحب يرجع لعزوبيته .. فيروح برا وبعضهم يفضل يعتزل بالبيت من غير مااحد يكلمه .. وبعضهم تصير نفسيته زفت لنه كره المسؤوليه ع حسب شخصيته .. ودام انه يصلي ومايخربط ان شاءالله ماعليه خوف وماعليج من كلام الناس اذا قالو وين ريلج قولي بمهمه او عمل مو شرط لازم يعرفون

 

[أشبـاهـ المطـر]

كل العالم تسافر استودعيه الله
فاهمه شعورج ..
الرجـل يحب يختلي بنفسه
والسفر هوايه عند رجال منذو الازل
مثلها مثل اي هوايه يمارسونها ..

قوليله يا زوجي الحياة مشاركه
عشميه خير انج بتساهمين بالسفره
وانج رايحه عشان تغيرين جوو ماتبين
مصررف ولا تسوق من هالحجي

وعقب لا طرتوا اكسري الكي نت
خليه يدفع واهو خوش زوج محترم يسافر مع زوجته !
​

 

[دلوعة صلوح]

ماعندى شئ اقولة بس الله يهدى لج .. والبنات ماراح يقصرون ويااااااج.

 

[فوفو22]

انا من نوع زوجج

احب السفر للخلوه مع نفسي

ارتب اموري

ارتب افكاري

اخذ راحه من الروتين اليومي

ارجع الكويت وكلي شوق للكل

بالنسبه لزووجج

اعرف كثير رجال يحبون يسافرون بروحهم

هربا من البيت مش كرها فيه <<<ركزي على هالجمله

لانه صاحب المسئوليات يتعب ويجتهد وايد ويحتاج راحه

بدون

يا فلان نبي اغراض الجمعيه

يا فلان نبي تودينا مكان

يا فلان عيالك امك خواتك اهلي ...............

يحب يفّصل من هالاجواء

انا حاسه فيه لانه نفس احساسي

فوفو

 

[حلوه بكيفي]

انا زوجي تقريبا شوي و يصير ابن بطوطه اسم الله عليه
ويسافر مع ربعه بس انا عادي عندي صج اني بتضايق لاني راح اشتاق له بس انا ابيه يروح ويستانس وغير جو مع ربعه علشان يرجع مشتاق لي بعد لازم تكون في فتره نفج شوي عن بعض علشان ما نمل
واهو اصلا مستغرب لاني عكس حريم ربعه

بس سفره لي وسفره لربعه

 

[لمى...]

هالسالفة مجرد اسمع عنها تقهرني لأنها منتشرة بطريقة غريبة

واخاف احد يأثر على ريلي من ربعه ..........

انا مستحيل اتقبل هالشي انقهر واخاف...........


الله يسخر لنا أزواجنا

 

[اانثى ولاكن]

والله ياقلبي عن نفسي مايعدي شبرر برا البيت الا ماخذ مني اذن ومايسافر الا لضرووره بس كل رجل عن رجل يفرق
انا كلمتج عن نفسي وثاانكس

 

[الكويت&الكويت]

مشكورين كل اللي ردو
تجياتي لكم
وبالنسبه للاخت فوفو هالمره خانتج الحكمه بالعكس زوجي لا مسوليات ولا يحزنون حتي دوامي مايوديني معتمد علي سايق بيت اخوه ودايم كلمته لي دبري حالج يتافف لا اطلب منه اي شي واساسا تعودت ما اطلبه شي وبالنسبه للاخت اللي تقول شاركيه ياكثر ماعرضت عليه ادفع جميع(ركزي علي جميع)تكاليف السفره بس رجولته تنقح عليه
انا ما انكر انا سافرت معاه جم سفره يعني البحرين دبي الديار القريبه بس سوالف مصر لبنان تايلند انسي!!!
ودايم علي اهبه الاستعداد اذا واحد قاله :ها بو فلان تخاويني؟؟
طيح الله حظهم من ربع

 

[little kitten]

حبيبتي أنا اتفاقي مع زوجي كالآتي:

اذا يبي يسافر مع ربعه ويخلي العيال عندي

مب يعوضني بسفر

لاااااااااااا

الاتفاق اني انا بعدها اسافر مع أهلي بروحي وبدون اليهال

مثل ماسافر وخلاهم عندي خلههو يتعبل فيهم اذا سافرت

وهذا وجهي اذا سافر بروحه وعادها

 

[little kitten]

رجعت قريت ردودج اللي فصلتي فيها

شوفي انا زوجي السابق ماكان يسافر مع ربعه ابداااااااا بس خرابيطه كلها بالديرة مو مقصر

يعني مب مقياس اذا سافر يخربط

بس زوجج مصخها واااااايد
سفراته وايدة ومالها داعي
والصراحة موضوع انه يكذب عليج هذي ماتتطوف

اسمحي لي بس لما كان يكذب شكله خايف وعامل لج حساب
لكن الحين وهو يعطيج كاش في وجهج
مبين انه بايعها ومش هامه موضوع انج تزعلين

شكلج حبوبة وترضين بسرعة