هل انتِ شخصيه غير متسامحه ؟

[اسيرة الأحزان50]

السلام عليكم ورحمة الله وبركاته ..​

راح ادخل في الموضوع على طول ابي اعرف ليش الناس صاروا غير متسامحين ​

إذا مسكوا عليك الغلطه خلاص أنتِ في القائمه السوداء ومهما تأسفتي وأعتذرتي لهم ​

ولا كأنك قايله شيء أذن من طين وأذن من عجين ، والمشكله يكذبون عليك ويقولون خلاص ​

حصل خير وسامحناك وفي الأخير يطلعون يضحكون عليك تلاحظين تعاملهم معاك متغير ​

360 درجه ويعاملونك بكل قسوه وجفاء ويحقدون عليك ولاينسون الموقف اللي حصل ​

مع أن الموقف تافه جدا ومايستاهل كل هالزعل ، بس بجد استغرب أن فيه ناس ​

أبدا ماتسامح وقاسييييييييييييييييييييييه لأبعد الحدود وأن اعتذارك أبدا ماله قيمه عندهم ​

وأنه أنتِ خلاص صرتي نسيا منسيا بالنسبه لهم ، فين الصفح ، فين العفو ، فين الحب ​

فين التسامح ؟ .​

ربنا يتجاوز عن المسيء إذا ندم واحنا البشر لانتجاوز عن بعضنا البعض سبحان الله!!!! .​

ليش مو قادرين نفهم إن هذا اللي اخطأ بشر يصيب ويخطأ وفيه ايجابيات وسلبيات ​

وأنه مو من المعقول تتوقف علاقتي مع شخص بناء على موقف واحد حصل وتم الإعتذار ​

من هذا الموقف ، ليش البعض يصر إنك مذنبه إلى قيام الساعه حتى لو اعتذرتي ​

للأسف هل هذه اخلاق المسلمين ؟:eh_s(2): إذا أحنا المسلمين كذا أجل وش خلينا حق غير المسلمين ؟​

هل تعاملتي مع شخص شخصيته غير متسامحه ؟ وهل حدث بينكما موقف معين ؟ .​

 

[عظيمة الشان]

هلا يا قلبي

يعتمد على حسب الموقف

مثلا موقف صغير وتافهه بالنسبالي جدا عادي

امشي السالفه حتى لو كان خطأ كبير

يكفي كلمة انا اسف من الشخص نفسه

بدون لا اطلبها تساوي الدنيا ومافيها

والاعتذار يدل على قوة الشخصيه

البعض يقول ضعف الشخصيه لا

ياما ناس ماتعتذر بس في نيتها

تدري انها غلطانة مو لازم تقول اسف

حسسني انك غلطان وبس

ومدام انتي اعتذرتي دليل على انج قويه ومتسامحه

وماعليج من الي يبييعج على موقف وتافه بعد

مايعزج ولايحبج وشخصيه ممكن حقودة

وممكن تبيين لج جي بس من داخلها شي ثاني

من داخلها طيب ورقه بس تبييج تتعلمين يا قلبي

وان شا الله خير بس انتي صح

خير الناس من بدأ بالسلام

تحياتي​

 

[ޢޢޢإيمانޢޢޢะۣۨ>]

حبيبتي الناس قدرات
في نوع يشيلون بقلبهم ويتصيدون الزلات ويسيؤون الظن فما يكون عنهم قدرة على التسامح
وفي نوع ينسى كل شي صار بسهوله ويرجع العلاقه مثل ماكانت وأحسن ويقبل يسامح
والنوع الأخير يسامح بس ما يقدر ينسى وهذا مو معناه إنه حاقد!
يمكن يكون إنسان حساس ويتأثر حيل بالمواقف
ويمكن يكون تعرض لضرر كبير من الشخص اللي غلط بحقه
كل إنسان عاقل لازم يقدر حجم الغلط ويتغاضى عن الأخطاء البسيطه ويحاول يكون متسامح
بس الإنسان اللي يتعرض لغدر وخيانة شلون يقدر يسامح ! ولو سامح بيقدر ينسى ؟؟
مشكورة على الموضوع
ويعطيج العافية ​

 

[أم توتو]

اختي في ناس سبحان الله ينطرون منج الزله عشان مايصدقون يزعلون ويسوونها سالفه بس انا عن نفسي سبحان الله من يجي يراضيني انسى كل اللي صار بينا واله كريم

 

[الغلا كله لبوي]

انا عن نفسي اذ الموقف حيل قوي اسامحها بس اخذ احتايطي منها يعني اكون حذره في تعامل معها
واذا الموقف عادي اطنشها كان ماكو شي صار
تقبلي مروري

 

[* ليــــدي *]

انا ما اسامح كلش
ولو قدرت وسامحت تلقيني ما انسى واتم حذره مع الشخص واكون بعيد عنه حيل
ماقدر انجرح من شخص واسامحه وانسى
لا تلقيني اقطع علاقتي فيه او اسامح بس اتم حذره وحاطه حدووود
وقليل اسامح لان الناس الحين تجرح واهيا متعمده واغلبهم انانيين ومنافقين عشان جذي ماقدر اسامح

 

[D a m a s]

إذآ الخطأ بسيط ومو متعمد أكيد إني بقبل الاعتذآر وبسآمح

أما إذا الخطأ كبير وجآرح ممكن أسآمح بس رآح تتأثر العلآقة لأن بيكون في نوع من الحذر والخوف

 

[.،:"$الـعـوبــــة$":،.]

مدري والله مادققت لهدرجه ،
لأني عن نفسي مااكرر اعتذاري ،
واذا لاحظت انهم تغيروا علي اتغير عليهم عادي ،
لأني انا مااسامح بسهولة بالذات الناس اللي اتبلاني وتقولني شي ماقلته ،
هذولي عاد خلااااااااااااااااااااااااااااااااااااااااااااااص ،
اعتبرهم من اسفل السفله .
فانتي قبل لاتظنين ان غلطتك بسيطه ، حطي نفسك مكانهم وسووا فيك اللي سويتيه فيهم ،​

 

[اسيرة الأحزان50]

هلا يا قلبي​

يعتمد على حسب الموقف​

مثلا موقف صغير وتافهه بالنسبالي جدا عادي​

امشي السالفه حتى لو كان خطأ كبير​

يكفي كلمة انا اسف من الشخص نفسه​

بدون لا اطلبها تساوي الدنيا ومافيها​

والاعتذار يدل على قوة الشخصيه​

البعض يقول ضعف الشخصيه لا​

ياما ناس ماتعتذر بس في نيتها​

تدري انها غلطانة مو لازم تقول اسف​

حسسني انك غلطان وبس​

ومدام انتي اعتذرتي دليل على انج قويه ومتسامحه​

وماعليج من الي يبييعج على موقف وتافه بعد​

مايعزج ولايحبج وشخصيه ممكن حقودة​

وممكن تبيين لج جي بس من داخلها شي ثاني​

من داخلها طيب ورقه بس تبييج تتعلمين يا قلبي​

وان شا الله خير بس انتي صح​

خير الناس من بدأ بالسلام​

تحياتي​

تسلمين حبيبتي على مرورك الرائع أنا أتفق معاك في الرأي ​

نورتي عيوني :eh_s(17):​

 

[اسيرة الأحزان50]

حبيبتي الناس قدرات​

في نوع يشيلون بقلبهم ويتصيدون الزلات ويسيؤون الظن فما يكون عنهم قدرة على التسامح
وفي نوع ينسى كل شي صار بسهوله ويرجع العلاقه مثل ماكانت وأحسن ويقبل يسامح
والنوع الأخير يسامح بس ما يقدر ينسى وهذا مو معناه إنه حاقد!
يمكن يكون إنسان حساس ويتأثر حيل بالمواقف
ويمكن يكون تعرض لضرر كبير من الشخص اللي غلط بحقه
كل إنسان عاقل لازم يقدر حجم الغلط ويتغاضى عن الأخطاء البسيطه ويحاول يكون متسامح
بس الإنسان اللي يتعرض لغدر وخيانة شلون يقدر يسامح ! ولو سامح بيقدر ينسى ؟؟
مشكورة على الموضوع

ويعطيج العافية ​

فعلا صدقتي اغلب الناس لاحظت أنهم من الصنف الأول والأخير اللي ذكرتيهم


وأتفق معك إن الإنسان اللي يتعرض لغدر وخيانه صعب عليه يسامح وحتى لو سامح



مستحيل ينسى ..


مشكوره على مرورك ياعسل :eh_s(17):​

 

[اسيرة الأحزان50]

اختي في ناس سبحان الله ينطرون منج الزله عشان مايصدقون يزعلون ويسوونها سالفه بس انا عن نفسي سبحان الله من يجي يراضيني انسى كل اللي صار بينا واله كريم

صدقتي أختي فيه ناس تزعل من لاشيء الله يهديهم


نورتي حبيبتي :eh_s(17):​

 

[اسيرة الأحزان50]

انا عن نفسي اذ الموقف حيل قوي اسامحها بس اخذ احتايطي منها يعني اكون حذره في تعامل معها
واذا الموقف عادي اطنشها كان ماكو شي صار
تقبلي مروري

اشكرك على مرورك الجميل :eh_s(17):​

 

[نور مغليها]

‘
أنا حيل حيل حييل متسامححه وبسررعه انسى واعتبر ولااا جن شي صَآر
بس مو قف وآحد صارلي (( ان في شخص قذفني بشرفي )) وقتله مو مسآمحتك ليوووم الدين
المشكله مااعرفه ولا يعرفني لـيش قال جذي مادري !؟

 

[منو انت]

انا مو حقوده بس شي يقهر لما الغلط يطلع من ناس قريبه منج يعني على كثر ماانتي تحبينهم وتكونين واثقه فيهم بيوم وليله تحسين هالشي ولاشي بالنسبه لهم يعني وين كان معزتي وغلاي يوم صار هالشي ( الموقف اللي بينا ) يعني شنو الشي اللي يخليج تسوينه فيني طيب ماانا زينه معاج وحبوبه وماقصرت معاج بشي هذا جزاتي هذا اللي ربي قدرج عليه تسوين فيني جذي ؟ بعد احنا بشر نحس ونزعل ونندم اننا كنا طيبين انا طيبه بس اهم يشوفونا اغبياء لان جد الحيين صار الطيب غبي وعلى نياته

 

[نهى الأحمد]

الحمدالله انا شخصية متسامحة وما اشيل بقلبي


تسلم ايدج على الموضوع

 

[سعـــــودية]

انا انسااااااااااااانه جدا متسااااااااااامحه لدرجه

حسيت ان الناس ينظرون لي باستغفال


وبعد صدمتي الاخيره


اصبحت انسانه غير

لدرجة ان اللي حولي يقولو يازينك اول


اقول لهم الاول تحول




ولكل انسان ظروفه

 

[فلنتينو]

حسب الموقف اللي يصير معاي
في نااس مااقدر اسامحهم من فعايلهم

 

[لبيه يا شووجي]

بصـــــرآآآحـــه انا اذا كان الشخص مخــطي عـــلي وجا يتسامح مني >>والله اذا كان قبل طيوب وحبوب ليش لا اسامحه
بســ موخلاص سامحتك خلاص لا اوول شيــ اعطيــه درس جآآآمد عشان مايكرر الغلــــط
اما بالنسبه انا اذا غلطـت فااذا كان الشخص عزيز عليا اروح واتعذر منو بســ مره وحده رضى شي حلو مارضى والله بكيفه
انــأ ماحب اعيــد وازيــد ورجع واتسامح مرتين ثلاث لاا مره وحده تكفي وبســـــــــ
تقبلــــــــــــــي مروري
{لبيــــه يآآشـــوجــي}