هل تأخر حملي عادي؟؟

[سعودية شرقاوية]

السلام عليكم ورحمة الله وبركاته

شلونكم بنات؟؟ وش اخباركم؟؟

بنات بدخل بالموضوع على طول

بس مستحية بس مالي احد غيركم حتى خواتي استحي استشيرهم

انا صار لي 9 شهور متزوجة وما اخذت موانع

بس ماشية على المانع الطبيعي اللي هو العد من بعد الدورة الشهرية

والايام الخطرة مثل ما يقولون حتى لو صار شي بسرعه اغتسل اسفه بنات اذا كلامي جرئ

انا من اول الزواج كنت مقررة اني ااجل الحمل

لاني ساكنة بشقة ايجار مؤقت

لاني بسكن مع اهل زوجي والبيت ينبني واللحين في مرحلة التشطيب فقلت صعبه اني احمل

وانا بجهز للشقة ولويه ووقت النقل

بس ابليس يلعب في مخ الواحد

دايما اخاف اني ما احمل او انه يتاخر حملي

فهل عادي انه يمر سنه على الزواج من غير موانع حمل حبوب او غيره؟؟

وهل تنصحوني اني اسوي تحاليل معينة عشان اطمن على صحتي؟؟​

 

[كويتيه مذهله 87]

عادي حبيبتي

انا بكمل الثلاث سنين وتأخيري من الله

 

[bant_alnoor]

هلا اختى سعودية
حبيبتي مدام انتي قاعده تستخدمين طرق طبيعية تمنع الحمل فشي طبيعي ماراح يكون في حمل
الا اذا غلطتو مرة بالحسبة
واذا تبين الحمل اتركي الطريقة الى تستخدمينها وشوفي لمده شهرين اذا ماحملتي روحي افحصي واخذي تحاليل ياقلبي وانشالله مافي الا كل خير لاتحاتين

 

[سعودية شرقاوية]

تسلمون حبيباتي

طمنتوا قلبي الله يطمنكم

ما ادري شفيني هالفترة

مع اني ابي ااجل الحمل بس في نفس الوقت اذا شفت بيبي صغير

اصير حساسه واقعد افكر مع اني قريت بكتب انه تاخر الحمل سنه بعد الزواج طبيعي

وهل طريقة العد الى هالدرجة مضمونة

 

[عروسه 99]

البنات كفوا ووفوا بالاجابه وانشالله الله يرزق كل محرومه انشالله

 

[Swan]

اختي اذا كنتي تستخدمين مانع طبيعي اكيد بيتاخر حملج
بس اذا كنتي ما تستخدمين المانع فالحمل المفروض يكون خلال محاوله لمده سنه كامله
اذا مرت سنه من غير موانع وما حصل حمل فلازم تراجعين الطبيب