هل ترضى ان يصارحك الاخرون بعيوبك ؟؟؟

[ريموه]

لكل انسان مهما كان عيوب واخطاء،واناا لااقصد طبعا العيوب في البنيه الجسديه انما في الطباع والتصرفات




مثلا لديك صديق به من الصفات الجيده الكثير ولكنه (كذاب ،نمام ،مغتاب،....)الخ فهل ستواجهه؟؟؟


واذا كانت هذه الصفات فيك هل ترضى ان يواجهك فيهاا ؟؟؟


هل ستعتبرهاا هدية؟؟


ام اهاااااانة وتدخل فيما لايعنيني ؟؟؟


فكر قبل ان تجاوب ...


هل تعرف عيوبك بشكل جلي ؟؟ وايهم اوضح حسناتك او عيوبك ؟؟؟

 

[NoWay2know]

اعرف عيوبي واعرف ميزاتي

يعطيج العافية

 

[shwaga]

عادي و ابصراحه ما اعرف كل عيوبي و عشان اتعلم و اصحح هالعيوب لازم اسمع و ما راح يصير فيني شي اتقبل

 

[marshmallow]

ee bs ila ligrab mineee

 

[مطيرية قمر]

اتقبل اي انتقاد او تلميح
بلاتجريح
وعموما
آنا اعرف عيوبي
واعرف مميزاتي
وثقتي بنفسي عاليه
واعرف اعطيها حقها

 

[صعب مزاجي]

مي تو اتقبل اذا كان بإسلوب حلوووو .. بعدين حلو الواحد يعرف شو عيوبه عشان يغيرها
تسلمين عالموضوع خيتوو

 

[ريموه]

يسلمووووووو ع المرور .. (صعب مزاجي ) الله يعاافيك ونورتي المنتدى عاااااااااامه والموضوع خااااااااااااااصه

 

[ودي أتغير!!]

اي بس اذا كان بغرض النصيحة والنية صافية اتقبل واستااانس لاني احب اتغير للاحسن

اما ذكر العيوب بهدف التجريح لا مااقبل

 

[ملاك بوظبي]

اتقبل سماع عيوبي من الاخرين بشرط ان لايكون من باب التجريح وان يكون الموضوع بيني وبينها مب تجرحني جدام الكل واتقول عيوبي

 

[afesa]

عادي اتقبل وبنفس حلوه بس بشرط يكون الاسلوب والطريقه معقوله وبدون اهانه او تجريح ...بس صعب اني اقول حق احد عن عيوبه ما ادري احسها صعبه خصوصا اللي نحبهم حيل ...والله كان عندي صديقتي حيل من عمر تكذب علي بامور تافهه بس للحين ما قدرت اقولها وما فكرت اني اقولها .....بس احيانا الواحد يزعل او يتضايق اذا عرف سلبياته .......

 

[oranGe~Girl]

اي لا بالعكس اتقبل

عشان انتبه ع العيووووب يمكن فيني شي اشوفه اوكي بس يضايق الناااس

 

[M!sS*bdLiyat]

عـادي اقلها عيوبها وبطريقه حلوة عشان تتقبلهاا ,,

هم انا عادي اتقبل انها تقول عيوبي بس بطريقة حلوة


مشكورة حبيبي عالموضوع العسل ​

 

[eva beach]

انا اعرف عيوبي ومميزاتي

ومستحيييييييييييييييييل اني اصارح احد بعيوبه الا اذا طلبوا رايي عاادي اقول بس باسلوب حلو عشان ما اجرحهم

وانا طبعي حييييييييل حساسه فما اتقبل ان اي احد ينتقدني وحتى لو باسلوب حلو اكيييد رااح تحز بخاطري

 

[أخت مشعل]

أحب اعرف شنو عيووبي علشان اغيرها واغير من شخصيتي للأحسن

داايم أحب اسأل اللي حوولي عن اي تصرفه سوويته وماعجبهم علشان اغيره

ويعطيك العافيه

 

[soseta]

ممممم
انا اعرف عيوبي بس اكيد فيه عيوب يمكن انا ماالاحظها بنفسي , واذا كان الانسان اللي جدامي قريب مني اي اتقبل يقولي عيوبي خاصه اذا اهوا كان خالي من العيوب اللي فيني ..

يعني لو كنت مثلا جذابه واللي جدامي يبي يقولي ان عيبي اني جذابه لازم اهوا مايكون جذاب عشان انا اتقبل , لكن اذا كان جذاب ويقولي انتي جذابه ماراح اتقبل وماراح ارضى ..


واذا شخص قريب مني وفيه عيب ومضايقني احاول ابينله هالعيب ..
بس للاسف الناس ماتتقبل , يعني محد يتقبل اني اروح اقوله هالشي اللي فيك يضايقني , جربتها جم مره وشفت رده الفعل ماتسر ..

فصرت اسوي هالطريقه ..
اعرف وحده حيل قريبه علي وفيها عيوب , من العيوب اللي اتذكرها انها تقاطع بالكلام واااااايد مو شويه , وهالشي حيل يضايقني , ماتعرف تسمع بس تحب تتكلم ..

طبعا ماقدرت اقولها ولو قلتلها ماراح تفهم شعوري لما تقاطعني ..
فكنت احيانا اقط نغزات او تلميحات تخليها تفهم ان هالشي مو حلو , واحيانا اذا صارتلي فرصه احاول اسوي فيها نفس الشي , يعني اقاطعها , ومن سويت هالاشياء وانا ملاحظتها صارت كلش ماتقاطع وتعلمت اشلون تسمع ولما اللي يتكلم يخلص كلامه تقول اهيا اللي عندها ..

 

[ريحانة الوادي]

مبدئي في حياتي المقولة المشهوره لعمر بن الخطاب رضي الله عنه

رحم الله امرئ أهدى إلي عيوبي

 

[نونيا]

ماحب احد يذكر عيوبي لاني اعرفها و ما اقدر اغيرها وما اقدر اصارح احد بعيوبه كل واحد فيه الزين و الشين سو ليش اعور راسي

 

[جوك احلى جو]

اذا كان الشخص قريب مني جدا اوافق اني اسمع النصيحه اذا الشخص قريب مني ويقدم النصيحه موجدام العالم لانها راحتتحول نقد غير بناء لكن ما ارضي شخص مني والطريج يقول رايه فيني بطريقه سلبيه ولا جدام العالم ماله اي حق لانها تعتبر قلة ادب