هل تفضلين العمل ام الجلوس بالبت

[bambena]

مشاركة: هل تفضلين العمل ام الجلوس بالبت

الدوام وناسه تشوفين الناس وتحتكين فيهم وتتعلمين من المواقف اللي تصيرلج والمعاش ضروري

 

[هيون]

مشاركة: هل تفضلين العمل ام الجلوس بالبت

طبعا العنوان مبين من عنوانه


شنو تفضلون القعده بالبيت ولا تشتغلون

وشنو السبب بالحالتين

بالنسبة لي العمل افضل كونة يحقق لي الاستغلالية المادية واشعرني باهميتي في المجتمع بالاضافة الي اني اشعر اني مازلت علي قيد الحياة ( كوني غير متزوجة )

يرضي حبي للاطلاع علي ماهو جديد في كل نواحي الحيات من خلال الاحتكاك بالناس وابتكار طرق جديدة تسهل علي وعلي من حولي العمل

وانا ارا ان العمل حيات اخري خاصة اذا كان الانسان طموح ووجد الارض المناسبة لزرع الطموح والوصول الي يطمح لة

مع اني اخطط اني اذا رزقني الله بالزوج المناسب ان اتفرغ للمنزل لاعطيه حقة

 

[[]نهاوند[]]

انا للحين ما توظفت بس برايي القعدة بالبيت احسن خصوصا اذا كنتي متزوجة وعندج عيال

انا مو متزوجة وبتوظف ان شاءالله عن قريب لكن اذا تزوجت والله رزقني بعيال على طول استقيل واقعد

انا عن نفسي اكره الوظايف الحكومية افضل العمل الحر بس مشكلتي راس المال لو عندي فلوس والله ما اتوظف لو آخذ بالشهر 10000 دينار

عشان جذيه مفكرة ان شاءالله اشتغل جم سنة ليلما يصير عندي مبلغ عشان اقدر اسوي بيزنس لو شي على قدي ان شاءالله اضمن بقالة والا مصبغة ابرك من الدوام وقومة الصبح وقرف الناس اللي تتعاملين معاهم

انا اشوف اختي لايعة جدبها من الدوام والله خاطرها تستقيل اليوم قبل باجر وصج نفسيتها تعبانة ومتنرفزة على طول ودوامها كله مشاكل ومثل قالوا البنات كله حش وقرض بخلق الله​

 

[Brounzi_girlly]

آنا كنت افضل اقعد بالبيت بس لما جربت الدوام تعودت عليه وحسيت بتغييير بحياتي بأنج تختلطين بالناس ويكون لج كيانج وهم المعاش يعز بنفس الوقت ولو قعدت بالبيت جم يوم يضيق خلقي
مع تحياااااااااااااااااتي..............​

 

[amal6666]

بصراحة افضل القعدة بالبيت بس بوجود راتب اودخل خاص فيني كافي اقعد بالبيت مجابلة بنتي الصغيرة وانتظر زوجي وبنتي الكبيرة لما يرجعون من الدوام والمدرسة وانا فرش كلي نشاط مو راجعة من المدرسة ريجي ناشف من الشرح .

 

[أم جوري]

السلام عليكم ورحمة الله وبركاته

القعدة أولا وأخيرا احلى شي بالدنيا انش تجابلين عيالش وتفتكين من الدوامات وضيقة الخلق

أؤيد وبشدة قعدة المرة في بيتها ....

 

[جارة القمر]

الوظيفة حلوه

علشات الأستقلال المادي


وهم قعدت البيت حلوه


وحبيبتي ليش ما تسويلج مشروع صغير

ولا تدخلين دورة


وموفقه حبيبتي

ومشكووووره علي الموضوع

 

[كوكيتاا]

بالنسبه لي افضل قعدة البيت المعاش حلووو بس من وراء تعب وجهد وصحوة الصبح انا ماأحبها
ماصدقت اخلص جامعتي وتزوجت وقعدة بالبيت زوجي مايمانع بالوظيفه بس انا مالي خلق لعوار الراس

 

[[]نهاوند[]]

اي والله ياحلو قعدة البيت
لما تقومين الصبح وانتي ما وراج دوام تقدري تخلصين شغلج كله
والا التسوق الضحي يهبل انا واختي الكبيره ما نتسوق الا الضحى
حتى الطلعات حلوه الصبح تقدرين تفترين بالمولات على راحتج ما تلقين الاشكال الغلط اللي تلاقينها بالليل

وبما اني محتاجه لدخل خاص فيني فأنا قاعده ادور على مكان دوامه العصر عشان ما اقوم الصبح>>>>> حدي نشيطه​

 

[أم روعة]

انا افضل الشغل طبعا لان قعدة البيت تييب الاكتئاب تحسين انج منقطعه من الدنيا وبعالم ثاني حتى لو كنتي متزوجه وعندج عيال همن تحسين بملل من قعدة البيت.. الشغل تغيير عن جو البيت وتختلطين بالناس والمعاش حلو بعد ..بس لو ان الدومات تخلص مبجر عال 12 حق اللي عندها عيال

 

[شاي اخضر]

استغفر الله من قعدة البيت جربتها كورس بغيت امووووووت قبل لاانقبل بالجامعه وانشاءالله اتوظف بعد التخرج فالبدايه وناسه بعدين تزهقين وتحسين نفسج عاااااااااااااااااااااااااااااااااااااااااااااااااااااالللللللللللللللللللللللللللللللللللللله على غيرج مادري هذا كان احساسي صج الوظيفه تعطي الوحدهيبه ورزه وكيان