هل تقبلين الزواج من شخص مريض ؟؟

[يـاسمين]

السلام عليكم
شلوووونكم بنات ؟؟
بنات طبعا كلكم تدرون لاتخلو عايله تقريبا الا وفيها مريض
سواء مريض بالسكري او السرطان او MS او غيرها من الامراض الي مالها علاج حتي الان
سوالي لكم سواء كنتي متزوجه او مو متزوجه
لو تقدملج واحد مريض
هل تقبلين الزواج او لا مع ذكر السبب : )
والحمدالله في وقتنا هذا المريض عايش حياه طبيعيه حاله حالنا ومافي فرق بينا وبينهم

يلا ناااطرتكم :eh_s(22):

 

[Gifts&Occaions]

لأ مااقبل اتزوج واحد مريض

 

[لمى الهاجري]

اي اقبل لان الطب تطور وكل واحد يعيش حياته

 

[نعوووووومه]

اااب اااب

 

[-فلانة-]

إذا أحبه إي..
إذا ما أحبه لأ.. مو عشان أهوا مريض.. بس عشان إحنا بشر.. و نفوسنا تتقلب..
مابي أوصل لمرحلة إني أمل منه و من مرضه..اليوم أقول إي ميخالف..بس باجر لي تزوجنا وصارت ضغوط بكره الزواج بكبره..
خصوصا لما يصير في عيال و الطلبات تزيد..
الوحدة منا تاخذ صاحي و تتعب..فما بالج إذا كان إنسان مريض و عاجز عن أداء واجباته الأسرية!!
هذا رايي بصراحة..​

 

[Vous jamais]

الله يشافي جميع مرضى المسلمين

على حسب المرض

و الظروف

 

[عصفورة شمر]

اب
اب

 

[صفاءء]

عل حسب المرض

مانقيس السكري بالسرطان

 

[ديانا سبنسر]

مرض جايد ماقبل سكري مومشكلة

 

[مزيونه الحربي]

حبيبتي اكوناس مريضين امراض مهي بعضوية نفسية ومتزوجين ومغربلين حريمهن ومعدودين ناس طبيعين

الله يرزق كل انسان سواء مريض او سليم نصيبه مكتوب قبل لا ينخلق مسجلن في الصحف

بالنسبة لي اشوف الموضوع صعبن اني اتقبله لانسان ما اعرفه اما اذا كان انسان اعرفه وابيه في قرارة نفسي لاني احبه

بوقف معاه ترا الحب يصنع المعجزات

في ناس ممكن تتاقلم مع اي ظرف وحتى لو بالاساس ماتبيه وهذي شجاعه نادرة وهي اكيد تبي الاجر

لكن ايدز وامراض معدية لا ما يجوز فيه ظلم للطرف الثاني

 

[G!RLooNa]

على حسب المرض شنو يعني ضغط ولا سكر مو مشكله جايده بس ام اس الله يكافينا الشر لا بعد لو وحده ماخذه واحد و عقب الله بلاه ب هالمرض لا حول و لا قوه بس ليش اقط روحي بيد ريال بدال لا يشيلني انا بتعب وياه

 

[Patcholli]

ادا مرض جايد اكيد لا
ليش اظلم نفسي واظلم العيال الي بيبهم معاي
ةطبعا لا تصير الطامه الكبري ويطلع مريض نفسي اهني شيلمهن

 

[قمرية الفيس]

انتي شنو تبين توصليلة بالضبط. شنو الغاية من موضوعج

 

[المرتاحة]

شوفي انا ما احب أتكلم وايد عن حياتي الشخصية بس سؤالج هذا جنج عارفه الموضوع اللي امر فيه بالوقت الحالي وصار لي ايام افكر

انا متقدم لي ريال و نعم من عايله معروفه واصلهم معروف بس فيه مرض الام اس و بصراحه انا وايد متردده وخصوصا اهو خوش انسان من دين وأخلاق وفوق هذا شاريني




بس والله محتاره واحس أني راح ارفضه


انتوا اشرايكم بنات؟؟

 

[أجمل إنسـآنـه ~]

الله يكفينا الششر,~<!؛

اذا ضغط,~ سكر,’~ اوككـ~,>@< أما الامراض سرطان وجذي لأوالله الله يشفيه ماقبل,~><!

 

[Sa7rt al9looop]

اذا مرض جايد لا طبعا الحمد لله عالعافيه والصحة. بس الزواج تكوين اسره مؤ يوم وليله

أنا بأجر الي راح اتغربل ،،،،،


لو عكسنا السؤال هل يرضى الرجل الارتباط بامراه مريضه ؟


الاجابه واضحه ما يبيلها ......لاااااااااااااااا لانه ما يبي يتغربل معاها

يعني أهي اتغربل عادي واهو لاااااااا
الرياييل أنانيين

حبوبه اذا متقدم لج واحد مريض مرض جايد لا توافقين انتي مؤ مضطره توافقين واستخيري

اذا في حب هذا موضوع ثاني

 

[Sa7rt al9looop]

شوفي انا ما احب أتكلم وايد عن حياتي الشخصية بس سؤالج هذا جنج عارفه الموضوع اللي امر فيه بالوقت الحالي وصار لي ايام افكر

انا متقدم لي ريال و نعم من عايله معروفه واصلهم معروف بس فيه مرض الام اس و بصراحه انا وايد متردده وخصوصا اهو خوش انسان من دين وأخلاق وفوق هذا شاريني




بس والله محتاره واحس أني راح ارفضه


انتوا اشرايكم بنات؟؟

حبوبه أستخيري اولا

هالمرض مؤ سهل كبش اذا شريفه مسلسل ساهر الليل ويضلون مرام كانت متغربله مع ريلها ترى هذا واقع فكري مليون مره والله يكتب لج الخير

 

[اميره1980]

على حسب المرض
بس كل الامراض اللي انتي ذكرتيها ما اقبل فيها
انا ارملة و لو يتقدم لي انسان مريض بهالامراض ما اقبل
ما ابي اترمل مره ثانية كافي اللي انا فيه

 

[pusy cat]

ليش لأ

آخذ اجر فيه يمكن يكون السبب اللي يدخلني الجنه بعد رحمة الله طبعا

 

[ام زهقانه]

صراحه اذا سكري فاكثر الناس فيهم اماغيره
ما مرض جليد لا والله ما أخذه
الله يشفيه
بنت جيرانه قبلت واخذت واحد مريض بسرطان لما دخل عليها من اول اليله ارفض وكشته منه
الله يشافي مرضي المسلمين