هل تقبلين كفتاة ان يكون لك صديق او اصدقاء شباب

[صاحبة معرض]

السلام عليكم ورحمة الله وبركاته

انت كفتاة كيف تنظرين الى صداقة الشاب بالفتاة الشيء الذي اصبح عادي جدا في كل مكان
السؤال ؟

هل تقبلين كفتاة ان يكون لك صديق او اصدقاء شباب
واذا كنت تقبلين فضولي يدفعني لمعرفة ما هو حد هذه الصداقة
هل تستطيعي البوح عن اسرارك ؟
او مناقشته في اشياء خاصة بك كفتاة؟
هل تجزمين ان مشاعر الصداقة لن تتطور لتصبح حب؟
اتمنى من كل وحده فيكن تجاوب من كل قلبها احب تشاركوني بنات بالموضوع
والله يعطيكم العافيه

 

[جرجيره]

لا ما اقبل.. ديننا حرم هالشي و ما حرمه الا لحكمة ان الريال و المرة مستحييييل يكون بينهم صداقة..

 

[عسل مرت قيمر]

الدين اهوا الي يرد على هلسؤال

مو احنا اكيد

ومدام انه احنا مسلمات اكيد ماراح نقبل هلشي


.
.
.

 

[DRAMA-QWEEN]

طبعااااااا ما اقبل ولا ارضا اشوف وحده قاعده مع شباب الا الزباله اللي اهلها ما ربوها عدل
يعطيج العافيه

 

[*ريما*]

لا مستحيل اقبل
اصلا عندنا بادين حراااااااااااااااام

 

[o-2ansa candy-o]

لا طبعا ما اقبل
ومنو قال ان هالشي صار عادي!!
لا ان شالله ما يصير
ومشكووره

 

[انا والجرح]

لا ومليــــــــــــــــــــون لا ومستحيــــــــــــــــــــــل والديــــــــــــــــــــن حرمـــــــــــــــــــــــه يعني حرام

 

[أم تروفه]

مستحيل

شنو الموضوع هالسخيف وين ديننا والعادات والتقاليد من اى كوكب تفكرين انت

 

[DaSh^_^teYa]

مووضووع حلو وهم جريء بنفس الوقت ,, شوي شوي على البنت حدكم كليتوها اهيه خذت راايكم وحابه تعرف وجهه نظركم
طبعا المبدأ غلط انه البنت يكوون عندها صديق بحكم عاداتنا وتقاليدنا هذا شي ما نختلف عنه
بس لو نشووف بدول الغرب شلون الصداااقه العفيفه الي الشخص يحترم حدود هذي العلاقه مثل ماقالو مسلمين بلا اسلام واهني اللهم يا كافي اسلام بلا مسلمييين
وهذا وااقع بعض من بناتنا الي للاسف ماعندهم رقاابه من اهاليهم ومعطينهم الحريه اكثر من اللازم
ما أقووول الا الله يحفظ بناتنا وشبابنا من كل مكروووه ويكملهم بعقلهم قولو آآمين ))))))))

 

[الزهر الابيض]

هاذا ما يبييله جواب بعد ...!!

اكــــــــــــــــــــــــــــــــــــــــــــيد لا ....

مشكورة حبوبة

 

[بحط قلبي بين إيدينك هدية]

صداقة البنت مع الولد ما ردها بتتغير وتصير شي ثاني في أكثر الحالات, عشان جذي اهيا تحرمت في ديننا. يعني حتى الأجانب اللي يتبعون هالشي سوالف الصداقة والخرابيط هم يطيحون في علاقات غرام وجنس وسوالف بطالية, واهم هالشي عادي عندهم, عشان جذي سوالف الصداقة بين الولد والبنت عادية ومو مشكلة, أما احنا فديننا حرم الميل اللي تميل له مثل هالعلاقات, غير انها تتسبب في عوار القلب وقصص حب وغرام أذاها أكثر من فايدتها عند أغلب الناس. عشان جذي الأحسن ان الواحد يبعد عن الشر ويغنيله

أقول بنات هدوا شوي ترا اهيا طرحت موضوع للنقاش ما كفرت. وبعدين ترا اهني ابلدنا ما بقى شي ما قلدوا فيه الأجانب, فليش الانكار اللي ماله داعي لشي قاعد يصير بالذات في المدارس الأجنبية المختلطة. عشان جذي ماحبها, أحسها وايد تشجع على الانحراف

 

[ترووفه]

اكيد

لااااااااااااااااااااااااااااااااااا


اول شي دينا محرمه

وثاني شي عمري ماسمعت بصداقه بين بنت وولد


وهالعلاقات دااااااايم يكون الشيطااان ثالثهم

 

[Gourges]

بنات لاتنتقدون السؤال لانه واقع مع الاسف


الطالبات بعضهم بالجامعه يفهمون مفهوم الزماله مفهووم ثاني فا مايعرفون الحدود


وبعض الموظفات الي مخالطين الرياييل بشغلهم هم مايعرفون معنى الزماله .. وحدودها


هل اهوا جهل منهم وعدم التفرقه بين الصداقه والزماله امم انها تجاااهل المعنى بين الكلمتين على الرغم من الفرق الشاسع بينهم


<<< اتعب على الفصحى ;d


بس هذا الصج .. انا ارفض الصداقه اين كانت بين المراه والرجل لان الله ماحرمها عبث

 

[بنت قبيلة]

بنات شفيكم هدوا شوي احنا قاعدين نتناقش

انا اقبل زملاء العمل هذا واقع مافيها شي

يعني في الشغل اوك ،واذا يكلمني في الشغل بحدود ،ترى بعد يعتمد على طبيعة شغلج

مافيها شي لكن اقعد افضفض له واسولف لا طبعا

 

[N E M O]

أنا أعتقد الصداااقه ,, الي حيل يعني سوالف ميانه و ان تعتبره مثل البنت.. لأ موو حلوه يعني للبنت نفسها و لا للسلوكها لانها راح تتغير و يتغير طبعها و سوالفها ,, لانها في أكثر الاحيان تنقــلب ,, بس ساعات أنا اشوف الصداقات العلميــة يعني الي يتناقشون في حدود العلم و المعرفه ما فيها شي اذا كانت مبنيه عالادب و الاخلاق و التدين طبعا ,, و هذا اعتقد يعني من وجهة نظري ان عادي ,, بس غير جذي لاااأ و ألف لاااأ بعد ,, و للأسف ,, خاصة هالجيل ,, كاثره عندهم هالسالفه بزوود.. ان عادي و ما عادي ,, و عسى الله يحفظنا ان شا الله

أشكرج على الطرح الراقي



تحياتي ,,

n e m o

:ggdw:

 

[* خياآآله الفزعه *]

حبايبي لاتقولون الزماله صداقه
الوماله بس دوام وبس لاتظلمون البنات اللي متوظفات مع شباب المحترمه محترمه
وكل وحده هي اللي تقرر اذا كان الشخص اللي جدامها يحترمها ولا لا
وبعدين الموضوع ماله داعي
اللهم لاتؤاخذنا بما فعل السفها منا

 

[زهرااا]

لاأ.

 

[صاحبة معرض]

السلام عليكم
حبيباتي فرحتني بردودكن والموضوع

لاتواخذني عليه بس وجهت نظر كل وحده ترد

فديت حبايبي اللي دخلوا على الموضوع واللي ردت عليه واللي راح ترد

 

[• قلبه نصيبي •]

طبعا ما اقبل لان مافييييه صداقه ببين البنت والولد لان مع الوقت راح تتطور هالعلاقه لشي ثاني !

 

[كشمشة]

اذا في العمل
وعلى حسب الشخص يكون تكانه وعنده دين ومتزوج وعينه مو زايغه(طبعا المرة تعرف بو عين زايغه)
ويكون سنه كبير وتدرين انه مو مال خرابيط

ممكن اكلمه في الشغل مثل اخوي عادي
واطلب مساعده او نصيحه او شور

يعتمد على تفاصيل وايد

والف لا لقلة الادب وتجاوز الحدود
وترا في رياييل كفو

على فكره شمعنى امهاتنا كانوا يكلمون الجار ويعتبرونه اخو او ابو
وهو غريب

شالفرق ؟