هل تقبلين ولا لا

[ملكه بصمتي]

السلام عليكم ورحمة الله وبركاته

==================

الرجل في مجتمعنا .. يتزوج من واحدة .. و أثنتين .. و ثالثة ..

طلما توفرت لدية القدرة المادية و الصحية .. و توفر العدل و المساواة بينهما.

و لم يكن أحد يستنكر عليه ذلك ..

لأن الشرع و الدين و عادتنا و تقاليدنا حلل الزواج من مثنى و ثلاث و رباع.

الآن اصبح الزواج من ثانية .. و كأنها كارثة .. و عار .. و عيب..و فضيحة ..

مع أن الأمر لا يحتاج إلى كل هذا الفزع ..والخوف و العيب..

و اصبحت الزوجة ثانية تتهم بأنها سارقة أزواج .. و تهدم اسرة قائمة ..

و مثيرة للمشاكل و الخلافات بين الأسر ..

لمجرد أنها قبلت بالزواج من رجل متزوج ..

سؤالي .. إلى الأخوات ..

سؤال موجه للبنات وابيكم تجاوبون عليه وتناقشونه بكل صراحه وموضوعيه

هل تقبلين بالزواج من رجل متزوج و لديه أبناء .. ؟..

أم تفضلين العنوسة و البقاء في البيت بدون زواج ؟!!

موضوع مفتوح للنقاش​

 

[ملكه بصمتي]

41 مشاهده

ومافي ردود

وينكم بنات​

 

[مياسه الحساسه]

انا متزوجه بس بقولك رأيي
بس لو فرضا اني مو متزوجه ما اقبل اخذ واحد متزوج لو هو اخر رجال في الدنيا
تقوليلي ليه ؟
لان ما احب احد يشاركني بزوجي وانا من النوع الغيور وما حتحمل انه ينام عندها
وممكن طول ماهو عندها اتخيل انه نفس اللي يسويه معايا يسويه معاها
يعني احساس مرره صعب
ومو كل وحده عندها القدره انها تتحمل تكون زوجه ثانيه او ثالثه او رابعه
ومو كل وحده ترضى زوجها يتزوج عليها ويجبلها شريكه
ممكن كنت اقبل اتزوج مطلق او ارمل لاكن متزوج صعبه !!!

 

[G!RLooNa]

لا ما ارضى اشارك وحده بريلها ولا وحده تشاركني بريلي ابيه حقي بروحي مو مخامط

لا و عنده عيال بعد شسوي فيه :|

بعدين سوري بس صج ويع ما اتخيل استغفر الله تلوع جبدي بس اذكر ان "كان مع وحده ثانيه" الليله اللي قبلي :| *

 

[zaina alotibi]

ما يختلف اثنين ان الزواج الثاني والثالث والرابع حلال شرط توافر العدل والمساواة بينهن ......

بس صعبة حيييييل على الزوجة انها تقبل بزواج زوجها عليها سبحان الله طبيعة الأنثى ماترضى اي شي يشاركها بزوجها فما بالج اذا مرة مثلها .....

اقبل برجل متزوج وعنده ابناء ؟؟؟؟

أمممممممممممممممم بمد خيالي لبعيد .................................

لأ والف لأ ما ابني سعادتي على تعاسة غيري

 

[AL-DMERA]

تعدد الزوجاآت لازم يكون بسبب مو بس جذي هوايه ,,
يعني للضروره القصوى فقط يتزوج على زوجته ,,
مثلاآ مرته عقيم أو ناااشز مثلاآ أو أي سبب آخر قوي جداآ ومافي حل غير الزواج ,,
بالنسبه لي ماأرضى اتزوج متزوج أكيد لآ ,,
واللي يتزوجون متزوج اهم اللي كبرت وماتزوجت مثل العآنس وفاقده الأمل فتاخذ متزوج بس تجيب ذريه لهاآ ,,
يعني الزوااج بالثانيه حل فقط لمشكلات تواجه الزوج او اللي قابله بهالزواج ,,
ث,ـآنكـس ,,

 

[زوجة عزيز]

طبعاا ما افضل واحد متزوج افضل اعنس ولا اخذ متزوج

 

[أسطورة الجمال]

اكيييييييييييد نو وي مستحيل

 

[شهد المحمد]

والله شوفي أنا بعطيك رأي أنا بنت للحين ما تزوجت و أمنيه حياتي أخذ لي رجل غير متززززززوج لأني أعرف نفسي لو أخذت متزوج بتندمر

النفسيه كلها .... بعدين بقولك شغله حبيبتي هالموضوع بالذات قسسسسمه ونصيب .. مثلاً انا رافضه هالشيء لكن قدره الله فوق كل

شيء يمكن أنحد على هالشيء بسبب ضغوط الأهل

الله لا يحدني على هالشيء

 

[غايتي جنتي101]

شوفي تقدملي واحد متزوج وعنده عيال وحلوو وصغير بعد ومدين بس مطلق !!

امي طارت فيه وحاولت باي طريقه تقنعني

بس انا نفسيا ما تقبلت ابدا ابدا حسييت بنفوور وهو مطلق فما بالج متزوج

اذا انتي صغيره ارفضي في فرص جدامج وانا الحين الحمدلله جتني فرصه مناسبه لي

اما اذا الوحده كبيره فوق الثلاثين انصحها تزوج وتنستر ليش تعنس ويضييع عمرها عالاقل تيب لها ولد ولدين يونسوونها بهالدنيا وعمتي سوت جذي والحين مستانسه ولاهيه بعيالها ولا جنها زوجه ثانيه

 

[classicyah]

الصرآحه ، و بشكل شخصي جداً ،

أنآ مآ ارضى لآ بالمطلق و لآ بالمتزوج ،

و أفضل العنوسه على أن أرتبط بمطلق أو متزوج ،

،

حلآل مآ إختلفنـآ

بس شي مآ تقبله نفسيْ ، !

 

[طبعي حلو]

اولا شكرا ع الموضوع

ثانيا

انا مو متزوجه لكن ما اقبل اخذ واحد متزوج وعنده ابناء >>>صعبه

لو انا متزوجه وفيني عيب او مرض بسم الله علي بعيد الشر يروم يتزوج وبعذره بس لو ما في عذر بزعل بصراحه حيل

يا رب ما يتزوج علي ...,,,؟؟؟.//////// توني ما تزوجت ههههههههههههههه

خليتني اوسوس خخخخ لوووووول

المهم قلت لج راي

لو في مانع يتزوج لو ما في سبب ليش يتزوج

وانا ما اوافق ع متزوج الله لا يبلانا

شكرااااااااااااااااااااا

 

[فلنتينو]

بعيدا عن المثاليه

اي ارضئ

والله الدنيا ماتدوم للعانس لام ولا ابو ولا اخوو
مصيرها بتكبر وبتطيح عن حيلها وذيج الساع ماعندها لا ولد ولا سند

:wqedqw: وجهة نظري

 

[أم بتول*]

طيب انا متزوجة بس عندي سؤال للبنات طبعا مو كل البنات بس فئة معينة يلي بيحكو عالنت مع رجال متزوجين وبتعرف انو متزوج وبتاخود وبتعطي بالحكي بغرض التسلاية ولا ما بعرف شو السبب طيب ليش بتحكي مع رجال بتعرفي انو متزوج ويمكن تسببي تعاسة لعيلة بكاملها من ورا تسلايتك

 

[قسوة الزمن]

خخخخخخخخ انا عادي عندي ثانية ثالثة رابعة

 

[مزيونة الخبر]

انا خطبني واحد عمرة ثلاثين شاب ملتزم متزوج وعندة ولد وبنت لكن رفضت مع اني ابي اتزوج حتى الي معي بدوام قالت فكري بوريج صورتة قلت لاتحاولين متزوج ماتزوجة لوايش مطلق ارمل ماعندة عيال او عيالة عند اهلة افكر بس اخذ رجال عندة مرة تشركني فية نوية ولاحرام يقول زوجتي سمرا انا خاطري بيضا شهل المنطق وعاد الملتزم بكرة يحط على راسي ثنتين واجلس بحسرتي عاد انا حساسة ورومانسية ابي رجل بروحي بس امانة ادعولي يارب اتزوج

 

[- BambeNo -]

ما أرضى ..

 

[كراميلا مرة]

انا متزوج نو وي
بس المشكله في النصيب ماتدرين وين

 

[رحيل المرافيء]

اللي يقولون لو فيني عيب يمكن ارضى
اكو وايد بنات ما ايبون عيال وماتبي الزوج يتزوج عليهاا مريضة وماتبيه يتزوج
مثل وحدة هني حاطة مشكلة اختها فيها القلب وماتبي زوجها يتزوج
رفلة ومعفنة وماتبيه يتزوج
مثل نصرة مجرمة الجهرا حرقت خيمة زوجها وهي اللي ميننته
انتو الحريم بكل الاحوال ماتبون رياييلكم يتزوجون حتى لو فيكم عيوب الدنياا
والعدل ايضا المرأة مطالبة بالعدل مو بس الرجل يعني مو تتبلى على شريجتها وتقول الريال مايعدل
ايضا تعين الريال على العدل
وبالنهاية تعدد الزوجات حلال واصل الزواج التعدد والواحدة هو الاستثناء
ربي حلل للرجل 4 عشان المرأة تاخذ حقوقها مو عشان يقيد الرجل
لانه بالاساس الرجل كان حر يتزوج اللي يبي وله حق بجواري
وجاء الاسلام يقنن هالشي لمصلحة المرأة كل وحدة لها ليلتها ومصروفها وحقوقها

 

[عبير-الشرق]

مااقبل لاني مااتحمل واغار