هل تهتمين بنفسج قبل الفطور ؟؟

[ريمـا]

مرحبااا

سؤالي
واضح
هل تهتمين بنفسج قبل الفطور يعني
تاخذين شور واتمكيجين
والا تخلين كل شيء بعد الفطوور

خل اشوف تفاعلكم

 

[بتبوتااا]

قبل الفطور تسريحه عاديه بس مكياج لا بالله احط مكياج وافتن الريال فيه وبعدين يتفطر على حسابي

احسن شي ورا الفطورالواحد ياخذ راحته بالعطور والمكياج واللبس :>

 

[barbie_girl]

والله انا بعد الفطور واحيانا اذا خلصت طبخ بدري قبل الفطور بس ناااادر

بس غالبا بعد وغير كذا انا وزوجي لحالنا طبخ قد نفرين ومو من كثر الاطباق والاصناف وغالبا نفطر عند اهلنا اريح هههههه بس اشوفه عادي لانه وقت فطور وبعدين صلاة مو وقت زبرقه لاحقين بعد الصلاة اتروش واتبخر

 

[RoSe PeRFuM]

مرحبااا

سؤالي
واضح
هل تهتمين بنفسج قبل الفطور يعني
تاخذين شور واتمكيجين
والا تخلين كل شيء بعد الفطوور

خل اشوف تفاعلكم

إي من أقعد من النوم البس واكشخ :balo:

والمكياج بعد الفطور :eh_s(21):

 

[جنون زوجي]

والله ام اليهال ماتقدر تسوي شيء وقتي ضيج مامداي اسلم من صلاتي
المغرب الا وزوجي جاي مافيه وقت

 

[كرز حالي.]

رد : هل تهتمين بنفسج قبل الفطور ؟؟

حلاة الوحده تخلص فطورها قبل الاذان بساعه الا ربع وبعدين تروح تتسبح
واذا قرب الفطور بس تسخنه وتنجب

 

[chanel N22]

عادي البس بجامه وشعري المه لاني اطبخ وعقب الفطور اتسبح وابخر واكشخ

 

[بندوله مصدعه]

على حسب المزاج

 

[ام زاكي]

ااااااااه ضربتيني على الوتر الحساس

اكره وقت قبل الفطور والله اني اكره نفسي الي عندي يحرقوني حراق

ولا يبون الاكل يحرق لاهاتهم مايبون شي اسخنه يبون كل شي حامي حامي
مااطلع من المطبخ الا ولايعه جبدي من روحي ودي اروح اتسبح بس مايحصل

وبس اخلص فطور اتفرغ حق عمري

 

[فوفو22]

رد : هل تهتمين بنفسج قبل الفطور ؟؟

قولوا ماشاء الله

اول 15 يوم من رمضان ماعندي خدامه

كنت اسوي شغل البيت كله ه ةالطبخ واحاول اخلص قبل الساعه 4

اخذ شاور والبس لبس حلو

مع فاونديشن ماركه بنفت الطبيعي وشويه ماسكرا

ما اقدر انسى نفسي واناقتي حتى لو بروحي

لاني احبني حيل

فوفو

 

[ريماا]

رد : رد: هل تهتمين بنفسج قبل الفطور ؟؟

هلا بسميتى
اكيد اكشخ قبل الفطور
انا زوجى من النوع للى يعزم فأخلص كل شى مبجر من حمسات ومرق وغيرة وبس انقع عيشى اصعد اتسبح واتعطر واحط مكياج خفيف واستشور شعرى خفيف بس هوا وارفعة والبس لو بجامة بس لبس مافى ريحة طبخ وانزل اكمل ادخل صوانى الفرق واكب عيشى وازهب اطباقى عشاان ارتاح نفسيا

 

[عيني عليه]

انا شاايفه هالرجل برمضاااان ؟؟

ااااااه ياقلبي ... خلوني سااكته لانه فيني غصه

 

[خوووش بنيه]

رد : هل تهتمين بنفسج قبل الفطور ؟؟

لازم اتسبح قبل الفطور عقب حوسة الطباخ

 

[ديانا سبنسر]

والله من هل رمضان قل اهتمامي بروحي

اتسبح واتعطر والبس شي ناعم بس عكس قبل رمضان كان اهتمامي زايد

 

[‏إنگِسَارْ آلشَـوْق ..!]

رد : رد: هل تهتمين بنفسج قبل الفطور ؟؟

قبل الفطور بس اكون مرتبه شعري والبس بجامه وبعد الفطور حمره وكحله وماسكرا وكاافي

 

[ورد]

لا مستحييل اقعد عـ الفطور وانا ريحتي طباخ
لازم اخلص لو قبل نص ساعة عشان يمديني اخذ شاور وكريم مرطب وشوية بلاشر وماسكرا
لاني اصلا بعد الفطور ادووووخ وما فيه امل اقوم الا بعد ساعة او ساعتين
عاد تخيلو ريحتي لو ما اخذت شاور ،، كاني بصلة محروقة

 

[شووقة]

اكيد لازم اكون مهتمة قبل الفطور لأني قاعدة عند حمولتي البس بدلة حلوة و احط بس مرطب و كحل ومسكرة واتعطر
وبعد الفطور احط حمرة

 

[ياوحشة غيابك]

هلا حبيبتي

أنا ماأطبخ بس اسوي خفايف سلطات شغلات التوست بس مهما كان لازم اخلصها مبجر واروح آروح أخذلي شور عشان

انتعش شوي:23_asmilies-com: وشوية ماسكرا وبلاشر وبعد الفطور البخور والمكياج السنع

 

[حرم راشد الماجد]

من خذيت ريلي لي اليوم عمره ما دش البيت لقاني مو كاشخه وعلى سنقة عشره والبيت يلق ومبخر ومبخرتله بجامته بعد :wqedqw:

مع ان ما عندي خدامه وبنتي عنونه وحنانه بنفس الوقت

 

[روحي تحبه غصب]

انا بعد مانجب فطورنا ويكون ريلي قاعد بالصاله

انا اطلع من المطبخ عالحمام وانتوا بكرامه اغسل واتجدد وادخل غرفتي

ابدل ملابسي كلها وارتب شعري والبس تراجيي (شي ضروري عندي مااستغني عنهم)هاهاهاها

وبس سلامتج