هل توافقين على الزواج من شخص تقدم لاختك بالماضي ؟

[Dreams Of a girL]

بالعكس عادي دام اختج اتزوجت الحين
والريال مافيه شئ ليش لا
وبعدين هاذي قسمه ونصييب
استخيري والله يكتب لج اللي فيه الخيرر

 

[جلاديلياس]

لامستحييييييييييييييل اوافق احسها صعبه السالفه

 

[om_3kash]

مشكورين بنات على التفاعل

ترا الموقف مو صايرلي ولا شي بس جذي خطر على بالي و حبيت نتناقش

 

[AL 3la]

عادي مافيها شي

 

[ام سعود ديكسون]

لا ما اوافق لان اهلي اهم من كل شي وساعات الاخت يحز بقلبها بس ما تقولج كافي لي تناغزوا الخوات المتزوجات علي رياييلهم شوف ريل اختي ش مسوي لها وشوف وين مسفرها وانا ياحسرة وليش انا نصيبي اقشر معاك خخخخخخ ف ما بالج لو كان الشخص المفروض من نصيبها بس ما انكتب لها تاخذه وتشوف اختها ماخذته وتسولفلهم عنه بالزوارات واليمعات وتتخيل لو و لو ولو تفتح عمل الشيطان خخخخخخ_03ba:

 

[عيني عليه]

اهي بتصير حساسيااات شوووي ... بس مو الى درجه اني ارفضه ...

احس البناااات يقولوون مارااح اوافق لاتفه سبب .. بدوون مايقيموون الرجااال ...

طيب ورفضته عشاان هالسبب السخييف .. تضمن بيتقدم لها واحد بمواصفااته او افضل منه ؟؟

 

[انوار87]

انا ما اوافق بصراحه يعني يمكن اهوا طلبني عشان يكون قريب منها
بصراحه مادري شلون

 

[شوشو الشقيه]

تسلمين اختي
بصراحه ما اوافق
اولا طلب اختي وبعدها غير رايه طلبني يدي انا
بصراحه مستحيل
من اختج شوشو الشقيه

 

[الريادة]

اختي , ممكن يكون هالريال يبي من هالعايله بالذات من الطيب و الإستقامه إللي شافها .. و الله أعلم !
بس يظل الموضوع حساس .. الإستخاره افضل

نفس الرأي.

 

[ملاك القلوب]

هل تعتقدين خطبته من اختج بالماضي يأثر على رايج الحين ؟

نعم و جوابي اهو الرفض00 لأني أخاف أجرح مشاعر أختي 00 لأنه للأمانة موقف صعب 00 وااايد 00

تسلمين و يعطيج العافية

 

[noona9-3noona]

صراحة الموقف حده صعب واعتقد راح اخذ استشارة الاهل وبس ماتخيل اكون بهالموقف بس ترى صعبة واحد يخطب ويردونه ويرجع يخطب مرة ثانية لان الاهل غلات بناتهم وحده
اخيرا>>>>كل وحده له ظروفها><<< حدها قوووووووية

 

[كاميه25]

كل شي قسمه ونصيب بس احس هالشي ايسبب حزازيات وسوالف
انا رفيجتي جذي خذت واحد كان خاطب اختها وماصار نصيب بعدين خطبها ووافقه عليه
اهوا ين وياها ماشاالله بس شنو يكره اختها وكله يقولها اختج شايفه نفسها انزين ليش اييب طاري اختها ماله حق
انصيب فوق كل شي بس شنقول اقلوب الرياييل اذا شالوا شالوا خلاص ماكو شي ايطيح إلي براسهم

 

[زري منثور]

صارت معاي بالضبط قبل سنه

خطب اختي اصغر مني ورفضت ورجع خطبني

بس طلع الموضوع فيه لبس هو يبيني وامه غلطت وقالت اسم اختي هو يصير اخو زوج اختي

وزوج اختي قال لاختي سالفة غلط امه

انا رفضته بس يعلم الله مو لهسبب انا استخرت ومارتحت للموضوع

مع ان كويس ومافي شي يعيبه

بس بالنهايه الزواج قسمه ونصيب

وهو خطب الحين الله يوفقه ويسعده

 

[ام _خلودي]

مستحيل احس صعبه

 

[dodowa el7elwa]

اناا عن نفسي مارااح اوافق ....

 

[يابختي]

لا..
موعشان اختي بس... عشاني...

وخصوصا اذا كان خاطبها بالاسم... يعني في بذور اعجاب..بذرة شي ما راح ارتاح لو اعيش معاه...

 

[دلوعة سعد]

مستحيل اوافق لانه بالاول كان معجب فيها والحين معجب فيني مستحيل
يسلمووو ياعسل

 

[junabody1]

السلام عليكم
كل موقف وله ظروفه الخاصه فيه , مثل ما كل بيت وله ظروفه الخاصه فيه
يعني كل وحده أدرى بإختها وليش رافضته , وحسب سبب رفضها تعرف إذا تقدر إهي تاخذه إذا تقدم لها من بعد إختها ولا لأ

فكل إلي أقصده إهو الرجال إلي بهل مواصفات صعب وجوده بهل وقت لأنادر , فليش أخليه يروح على أختي بس لأنه تقدم لي وأنا ما أبيه لأني مو مرتاحه ...--->هذا بحال لو إنقلبت الأدوار
بالعكس
عاااااااااااااااااااااااادي جدا
ومشكوره على الموضوع الحلو

 

[كلي هموم]

ماراح اوافق عليه

لانه بيكون شئ صعب

 

[Strawberry Shortcake]

انا اوافق ..اذا كان زين واخلاقه عاليه ليش لاء !بعدين خو اللي صار بينهم بس خطبه ..لان يمكن يكون قصده ياخذ من البيت نفسه ومو محدد اي بنت يبي
^
^
يوووه على هالقرقه تذكرت ان ما عندي اخت :tomato2: