هل شغلي يأثر على حملي ؟

[english muffin]

مرحبا بنات
طبعا بعضكم يدري انا قاعدة احاول احمل والحين ايام التبويض عندي و زوجي بيسافر باجر لمدة شهر (يشتغل بره) فماعندي الا الحين احمل او انطر بعد شهر وشوي حق احاول
انا جربت كلشي و الحين الباجي على الله بس عندي سؤال
انا اشتغل كل يوم من 7 الصبح الى 5:30 المغرب وساعات 6
شغلتي وايد تاخذ من وقتي واتحرك فيها
هل هالشي راح يعوق محاولتي للحمل ؟ وممكن يأثر سلبا على حمالي ااذا حملت اول اسابيع وانا مادري ؟

 

[ابتسمامه]

ما اعتقد راح ياثر على محاولت الحمال واذا حملتي بمشيئة الله قللي ساعات العمل اكيد لازم راحه
والله يرزقج من اوسع ابوابه

 

[الريشة]

أول ما تحملين ان شاءالله اخذي إجازة شهر

 

[english muffin]

مااقدر اخذ اجازة
اجازتي شهر 12
انا خايفة احمل اول اسابيع وانا مادري واجهض
وايد افكار تييني
يارب ابي احممممممل

 

[الريشة]

لا توسوسين ترى مو زين
شيلي من مخك هالأفكار
إذا مكتوب لك تحملين و يثبت راح يثبت حتى لو تحوسين و تداومين.
و إذا يبي يطيح راح يطيح حتى و انتي نايمة بالفراش أعوذ بالله.
شوفي أختي كانت حامل و شالت الماي مال البرادة (شوفي شلون ثقيل) و ما طاح سبحان الله.
و مرة أختي الثانية توها حامل و ما تدري و شالت الغاز مال الفرن و حست بدوخة و بعدها حللت و طلعت حامل و ما صار فيها شيء.... سبحان الله
يعني لا تحاتين ......................

 

[سمووورة]

الله يرزقك المهم تخففين ساعاات العمل يعني لا تشدين علي نفسج

 

[aya faid]

لا توسوسين ترى مو زين
شيلي من مخك هالأفكار
إذا مكتوب لك تحملين و يثبت راح يثبت حتى لو تحوسين و تداومين.
و إذا يبي يطيح راح يطيح حتى و انتي نايمة بالفراش أعوذ بالله.
شوفي أختي كانت حامل و شالت الماي مال البرادة (شوفي شلون ثقيل) و ما طاح سبحان الله.
و مرة أختي الثانية توها حامل و ما تدري و شالت الغاز مال الفرن و حست بدوخة و بعدها حللت و طلعت حامل و ما صار فيها شيء.... سبحان الله
يعني لا تحاتين ......................

:eh_s(15):

 

[english muffin]

ان شاء الله خير

يعني اذا انا وايد اتحرك وجذي ماراح يأثر ؟ عادي؟

 

[AVE.NJ]

حبيبتي اذا الله ارد كن فيكون
ماله شغل التعب والمجهود كله بايد رب العالمين

 

[خلود العامر]

الله يرزقج الذريه الصالحه

 

[بتبوتااا]

الله يرزقج حياتي الذريه الصالحه وماله شغل الدوام اذا ان شاء الله حللتي وطلعتي حامل لا تسوين مجهود وارتاحي كثر ما تقدرين ياقلبي والله يعينج ..

 

[a7la-elbanat]

عادي حبوبه شيدخل الحمل بالشغل

بالعكس الحركه زينه في الحمل وعشان مايزيد وزنج وايد

الله يتمم عليج ويوفقج ويرزقج بالذريه الصالحه

 

[كويتيه مذهله 87]

اذا حللتي وطلعتي حامل خلي المجهود اقل ماله شغل ساعات العمل بالاجهاض اسملا عليج