هل فيه علاقة بين تأخر الدورة والعقم ؟

[أميرة-]

السلام عليكم



انا من بلغت الدورة مو منتظمه عندي مرات شهرين او اكثر ماتجي وودتني امي الله يرحمها لدكتورة نسا بس الدكتورة الله يسامحها مارضت تسوي لي اي شي حتى تحليل هرمونات ماسوت لي تقول مافيها شي وعادي تأخر الدورة

ليما الحين المشكلة فيني وماني عارفه من شنو لا تقولون لي نفسية ماعندي شي احاتيه او افكر فيه .. تصدقون انه مره سافرت 4 شهور مانزلت علي الدورة مادري ليش نفسيتي صارت زفت يعني شهر شهرين ماعليه بس 4 شهور قوووية وقلت اذا رجعت الكويت بجيك على نفسي

المهم خلصت الدورة مني بتاريخ 2 شهر 7 وشهر 8 ما نزلت علي رحت لدكتورة نسا عطتني ورقة تحليل هرمونات او غدد قالت لي التحليل المفروض ثاني يوم دورة اسويه بس تقول ماراح تعطيني ادوية تنزلها متى ما نزلت اسوي التحليل

صارلي اسبوع وانا اشرب دارسين بس مانزل معاي شي ياربي وبعدين كل مرة يصير معاي جذي اقعد اسبوع او اكثر تكون الدورة متأخره بس احس بتنزل واحس بثقل ببطني بس ماتنزل الا لما اسوي مجهود او امشي فترة طويلة غالبا جذي

ياطووول موضوعي بس بقولكم معاناتي .. خايفه انا توني بنت وجذي شلون اذا تزوجت اخاف يأثر علي .. اشوف رفيجاتي مشالله عليهم دورتهم مثل الساعة اذا تأخرت أيام يتضايقون وانا تتأخر أشهر ترا انا مو نوعي افكر فيها بس اسجل متى نزلت علي عشان جذي عارفه وقتها

 

[Lost]

اب اب والله نفسج احاتي وافكر بنفس السؤااااال

انا تتاخر معاي بعد

بس يقولون عادي طيب لي متى عاااديً؟؟؟


الله يعين

 

[fulla 7elwa]

شوفي انا امي تتشدد معاي بخصوص الدوره لاني ادماااااان بيبسي فوقت دورتي ما تجيبه لانه يوقف الدوره
و تقولي ان اذا ما انتظمت دورتج راح تسبب مشاكل بالحمل يعني تسبب تاخر الحمل و سمعت هـ الكلام من ناس واجد
اما عقم !! مادري
بس ان شاءالله ما فيه لا كل خير و ما تكون الا هرمونات و تعدي على خير
سسوري طولت عليج

 

[للخير نمضي]

أختي مثل حالتج بالضبط اطول 5أشهر بعد وبنت لما سوت تحليل طلعت المشكله من الهرمونات وسوت سونار خارجي لانها بنت قالت مافي تكيسات ولاشي بس المشكله بطانة الرحم سميكه وعطتها الدكتوره حبوب منع الحمل عشان البطانه بس نصيحه لوجه الله نصيحه من كل قلبي لاتأخذين هالحبوب سببت لأختي كيس حجمه كبير وأختي صغيره ولما رحنا لمرأه تعالج طب شعبي قالت ليش حرام تأكلون حبوب تنزل الدوره تزيد التكيسات وماصدقنا كلامها ورحنا لمرأه ثانيه ونفس الكلام نصيحه أول شي سوي تحليل شوفي الهرمونات حتى لو متخلبطة عادي طنشي لما تزوجين يتعدل وبعدين ع رابع يوم من الدوره سوي سونار خارجي لانج بنت كيفج بالخاص أو الحكومي (بس الحبوووب لاتأكلينها) وسلامتج طولت