هل في أمل؟

[فَـــــرَحْ]

السلام عليكم ...
انا متزوجه صارلي 8 اشهر ..
اعاني من التكيس و خلل في الهرمونات و دورتي مو منتظمه ... وزني زايد + خمول في الغدة


من شهر واحد تقريباً واحنا نحاول نييب عيال .. بس كل مره تنزل دورتي

هل تو الناس على الحكم اذا اقدر اييب عيال او في مشاكل؟ ولا تو الناس؟ مو عارفه ؟؟؟

تبويضي زين لما سويت تحاليل اخر مره .. بس مو عارفه؟ ليش مو قاعده احمل بهالجم شهر اللي حاولنا فيهم ؟

اللي عندها خبره بهالموضوع تعطيني رايها لاني ضايعه ..
انا اعالج عند دكتوره كل اللي تقدر تسويه ان تخرعني بخصوص وزني! لما تحملين راح يصير فيج ضغط و سكر ومادري شنو !! مو قاعده تقولي اذا اقدر احمل مع المشاكل اللي فيني او لا !

شنو رايكم بنات ؟:eh_s(2):

 

[dubai girl]

عالجي التكيس وحاولي تضعفين
والله يرزقج الذريه الصالحه

 

[أم عبووووود]

ربي يرزقج الذرية الصالحه يارب

 

[شنوووفه]

لا طبعا فيه امل توج متزوجه انشالله ماتمر هالسنه الا وانتي حاامل بس حاولي تنزلين وزنج مع اننه طل شي بايد رب العالمين مرت ولد خالي ماشالله وزنها 95 وحاامل بثاني بيبي وفيها تكيس حته اهيه منصدمه اشلوون حملت
ربي يرزقنا انشالله بدون علالاج

 

[غرام الحب]

ربي يرزقج ويرزق كل محرومه ان شاء الله

 

[حآلية الذوق ~]

حبيبتي حاولي تقللين وزنج صحه لج

وانا اعرف وايد متان وحملو ماله شغل

وبعدين تو الناس بس ليش تخرعج مادري

المعدل الطبيعي للحمل لي سنه ونص جنه

عسي الله يرزقج وعالجي التكيس

 

[ماتغير شي]

في آمل ونص بعــد ، كل اللي فيج اشيااااء بسيطه لها حل بس يبي لج صبــر اول شي تسوينهـ تنزلين وزنج وثاني شي تعالجيــن التكيس والغدهـ عند حريم آحسن من الطبيب ، تو الناااااااس حبيبتــي وإذا مستعيله على اليهااال سوي تلقيح صنااعي وإذا فشـل لاتيئسين سوووي ثالث ورابع مرهـ لين تحملين ،، وإنشاءلله تحملين وتبشريناااااا ،، ابسألج شسم دكتووورتج؟؟

 

[برنسيسة2007]

حبيبتي اللي فيج مو مرض عوارض فقط
حاجات بسيطه تزول- ٩٠٪ من النساء فيهم هلموضوع واهم طبيعيات يولدون ويحملون وعلى فكره واااايد عندهم هلمشاكل مع الطفل الاول اما الاطفال الباقين يجون طبيعيين

بس حبيبتي لاتتعلقين بالبشر والدكاتره تعلقي برب العالمين

انتي شكلج صايبه احبااااط
هههههههه
حبيبتي والله مافيج شي اشيا وتزول باذن الله بس ادعي الله*

 

[فرحتي2.2]

اول شي نزلي وزنج وعالجي الغده والاجياس

والاهم من هذا كله عليج بالاستغفار وقيام الليل والدعاء علي طول والصدقات


والله يفرج همج وتبشرينا بالقريب العاجل

 

[cat_women]

حبيبتي في امل ان شاء الله
اول شي المتن ماله شغل بس انتي حاولي تضعفين لنفسج
ثانيا سوي فحوصات شامله انتي و زوجج
و ان شاء الله مافيكم الا العافيه
و اكيد الدكتوره صرفت لج حبوب للتكيسات استمري عليهم
و دورتج بعد لازم تنظمينها يعني لازم تستمرين مع دكتوووره
و خلي املج بالله كبيييرو لا تفكرين واجد بهالموضوع استانسي بحياتج

 

[حظ من عنده انا]

لا تقنطين من رحمة الله


توكلي علي الله

وانتي توج متزوجه ان شاء الله اذا عالجتي الله بيرزقج

 

[فَـــــرَحْ]

عالجي التكيس وحاولي تضعفين
والله يرزقج الذريه الصالحه

آمين يارب .. مشكوره على دعوتج و ردج :eh_s(17):
​

 

[فَـــــرَحْ]

ربي يرزقج الذرية الصالحه يارب

آمين يارب العالمين .. ماتقصرين حبيبتي :eh_s(17):
​

 

[فَـــــرَحْ]

لا طبعا فيه امل توج متزوجه انشالله ماتمر هالسنه الا وانتي حاامل بس حاولي تنزلين وزنج مع اننه طل شي بايد رب العالمين مرت ولد خالي ماشالله وزنها 95 وحاامل بثاني بيبي وفيها تكيس حته اهيه منصدمه اشلوون حملت
ربي يرزقنا انشالله بدون علالاج

ماشاءالله تبارك الرحمن .. الله يهنيها يارب ويرزقها اكثر واكثر .. مشكوره عالتشجيع يالغاليه ..:eh_s(17):

 

[فَـــــرَحْ]

حبيبتي حاولي تقللين وزنج صحه لج

وانا اعرف وايد متان وحملو ماله شغل

وبعدين تو الناس بس ليش تخرعج مادري

المعدل الطبيعي للحمل لي سنه ونص جنه

عسي الله يرزقج وعالجي التكيس

ان شاء الله .. الله يسهل يارب.. مشكووووره حبيبتي:eh_s(17):
​

 

[فَـــــرَحْ]

في آمل ونص بعــد ، كل اللي فيج اشيااااء بسيطه لها حل بس يبي لج صبــر اول شي تسوينهـ تنزلين وزنج وثاني شي تعالجيــن التكيس والغدهـ عند حريم آحسن من الطبيب ، تو الناااااااس حبيبتــي وإذا مستعيله على اليهااال سوي تلقيح صنااعي وإذا فشـل لاتيئسين سوووي ثالث ورابع مرهـ لين تحملين ،، وإنشاءلله تحملين وتبشريناااااا ،، ابسألج شسم دكتووورتج؟؟

مشكووره عالنصايح يالغاليه:eh_s(17): .. دكتورتي ( د. لطيفة الدويسان) بعيادة السالميه كلينك
​

 

[فَـــــرَحْ]

حبيبتي اللي فيج مو مرض عوارض فقط
حاجات بسيطه تزول- ٩٠٪ من النساء فيهم هلموضوع واهم طبيعيات يولدون ويحملون وعلى فكره واااايد عندهم هلمشاكل مع الطفل الاول اما الاطفال الباقين يجون طبيعيين

بس حبيبتي لاتتعلقين بالبشر والدكاتره تعلقي برب العالمين

انتي شكلج صايبه احبااااط
هههههههه
حبيبتي والله مافيج شي اشيا وتزول باذن الله بس ادعي الله*

هههههههههه اي والله حدي تحبطت لان كله احس بحمل بس الله مايكتب و تنزل الدوره .. مشكووره على ردج ... طمنتيني وايد :eh_s(7):
​

 

[فَـــــرَحْ]

حبيبتي في امل ان شاء الله
اول شي المتن ماله شغل بس انتي حاولي تضعفين لنفسج
ثانيا سوي فحوصات شامله انتي و زوجج
و ان شاء الله مافيكم الا العافيه
و اكيد الدكتوره صرفت لج حبوب للتكيسات استمري عليهم
و دورتج بعد لازم تنظمينها يعني لازم تستمرين مع دكتوووره
و خلي املج بالله كبيييرو لا تفكرين واجد بهالموضوع استانسي بحياتج

ان شاءالله .. مشكوره حبيبتي ما تقصرين :eh_s(7):

 

[عسل حدي]

استغفر الله العلي العظيم واتوب اليه
استغفر الله العلي العظيم واتوب اليه
استغفر الله العلي العظيم واتوب اليه

 

[bnt_kwt]

طبعا في امل مافي شي اسمه هل في امل
دام الله موجود الامل اكيد موجود

وسبب انج مو قاعده تحملين زياده وزنج والتكيسات
نزلي وزنج وبتحملين بإذن الله