رااااااس الخيمة !!! شوديينا و اهو مو عملية نسويها و نرجع لا قعدة و مدة طوييييييييييييييلة بعد و يالله يبين على الياهل !!!
انزين ماكو استشاريين يجون البيت و يسوون هال aba theraby ?! اهيا جلسات ! يعني جم ساعة باليوم ؟!
يعني هم شي مكلف و مو هين ؟! يا ربي تعيينيا و تشافي عيالنا قولوا ااامين
بس مريم الراشدي تقول انها اهيا بعد كانت تسوي له في البيت !! و ما اتكلت على المدرسة بس !
البنات اللي احضروا ندوتها فيدونا بلييييز !!!
هلا حبيبتي .. انا معاج في اللي قلتيه ..
واليوم لما دقيت على المركز اللي براس الخيمه الصراحة ضاق خلقي .. يحليلهم وااااااااااااااااااااايد متعبين عمرهم تقولي احنا نقعد مع الطفل نص ساعة باليوم one to one لا والله :dddds:
يحليلكم .. السالفة يبيلها من 6-8 ساعات يوميا واهيا تقولي نص ساعه .. يحليلج والله .. وتقولي باجي الوقت يقعد بالصف مع باقي الطلبه وكلهم يدرسون مع بعض .. انزين عيل شيفرق اهني حضانته قاعدة تسوي نفس الشي ..
بس بسألج من قال انه يالله يبين على الياهل ؟؟؟؟ مريم الراشدي توحد ولدها كان شديييييييييييييييييييد وبعد 3 شهور الولد قام يتكلم :ggdw: تخيلي .. حطت لنا الفيديو قبل وبعد .. لا الصراحة وااااايد واااااااااااااااااايد فرق .. إلا بين وبين على ولدها الله يحفظه لها ..
وفعلا اهيا كانت تشتغل مع ولدها بالبيت .. بس لا تنسين انها جريب تاخذ الماجستير في ال ABA .. خلال ما كانت مدخله ولدها هناك ما شاءا لله عليها .. دخلت اهيا وخذت شهادة مدرب معتمد في ال ABA .. عشان جذي حتى لو بتشتغل مع ولدها قاعدة تشتغل معاه صح .. على أساس صحيح ..
احس ان الواحد لااااااازم يبذل قصاااااااااارى جهده مع هاليهال .. ومدام في يهال تشافوا ما أعتقد انهم تشافوا من فراغ .. لا والله تشافوا لأن وراهم أمهات ما خلوا مكان ووسيلة إلا واتبعوها مع عيالهم ..
عسى الله يشافي عيالنا ويقر عينا فيهم ياااااااااااااااااااارب ..
