هل لديكم طفل يعاني من التوحد- خلونا نتجمع

[Emanova]

و اشلون نفسيته عقب ما وقفتي الدايت ؟

انا حمودي ياكل بس بالعقل يعني انا احرمه من اكاكاو بالاسبوع علشان ادري بالزواره راح ياكل[

من وقفت الدايت اهو احسن من قبل الدايت, بالعكس الحين انا عندي متطور اكثر, بس شنو انا مواضبه عالفيتامينات بس الحليب الي يشربه اهو حليب الارز او العيش, واذا عالخرابيط مره بالاسبوع ويوم زوارة بيت عمامه يخوره عادي.. :eh_s(6):

الله يبشرج بالخير

 

[شيخة الغيد]

مشكورة ناني على المعلومات الله يجزاج خير انتي و البنات و يشافي عيالنا امين
ابي رقم دكتورة فاطمة اذا عندج

 

[ناني سيكرتس]

العفو..

 

[wathoo7a]

ناني شمعنى قلاص بو عود؟
أنا عندي بوعود من ماذر كير ينفع؟
وبسألكم يعني عصاير فريسكو مافيها شكر وعصاير كي دي دي فيها؟
ومتى بتييمعون؟
وسنوعة وينج ؟ عسى ماشر ما نشوفج؟
عسى المانع خير

 

[Emanova]

اذا تبون تتيمعون قبل 1/4 بلييييييييييييييييييييز لان بعدين ممنوع علي الطلعه

 

[سنع ومنع]

ناني شمعنى قلاص بو عود؟
أنا عندي بوعود من ماذر كير ينفع؟
وبسألكم يعني عصاير فريسكو مافيها شكر وعصاير كي دي دي فيها؟
ومتى بتييمعون؟
وسنوعة وينج ؟ عسى ماشر ما نشوفج؟
عسى المانع خير

هلا حبيبتي انا موجودة
غاطه هاليومين دوامنا صايرة فيه شويه لويه ...
بالنسبه للعصاير عندج ماركة أوال ممتازة بس أنواع معينه : أناناس - تفاح - برتقال
اهيا بس اللي خاليه من السكر .. والماركة طبيعيه وخاليه من الألوان الصناعيه ومافيها مواد حافظة ..
عندج عصاير يديده من كي دي دي هم نفس الأنواع مو منزلين وايد .. 3 أنواع بس ...
عندج ماركة اسمها Delmond موجودة بس في مركز سلطان .. غاليه شوي ...
عندج بعد ماركة سيزر بس مو كل الأنواع .. شوفي اللي خاليه من السكر ...
اتمنى اني اكون أفدتج يالغاليه ....

 

[eman-77]

حبوبه انتي لازم تلفين على كل الدكاتره ... انا رحت حق عبير و عطتني الدايت و سويت التحليل حق ولدي طلع الدايت لا يفيد و لا يضر ... و آخر شيء قالت لي اكيد نقص اكسجين اثناء الولاده ( يعني شلل دماغي )

و انا قلت لها الشلل الدماغي ما يتحرك و ياكل ويلعب مثل ولدي و انتي ما سويتي له اشعه علشان تفتين ... عصبت و قالت لي هذا اللي عندي


رحت فيه عياده الاعصاب في مبارك و ترجيت الدكتور علشان يسوي لي اشعه مغناطيسيه ام آر آي علشان اشوف هالشلل الدماغي ... و حطييت ولدي تحت تخدير كامل و سوينا الاشعه طلع المخ طبيعي


التحاليل اللي اطلبوها الطب التطوري كلها طبيعي ما فيها شيء .... فتاكدت ان ولدي صفات توحد و ما ينفع فيه الدايت

علشان المتابعه رحت للدكتوره فاطمه العوضي و احلى ما فيها انها تنزل مستواها لمستوى الياهل و تلعب وياه و تحاول تطلع منه

و في ناس نفع معاهم الدايت لان جسمهم متأثر من الاكل ... فانتي سوي تحليل حق ولدج و شوفي اذا يمشي معاه دايت و لا لأ

و من هالنقطه تقدرين تتحركين تروحين حق عبير او غيرها

هلا ايمان

مشكوره سميتي على ردج

انا لاحظت ان الدايت نافع مع بنتي بجيها وايد خف وتركيزها شوي صار احسن ونومها صار احسن

ومره من المرات بغيت اشوف اذا الدايت له تاثير ولا لا عطيت بنتي كاكاو وصج ردت تصرفاتها مثل قبل لا ابتدي الدايت!
قامت تبجي وتبي تقعد بالظلمه وماصارت تنام, فنظام الدايت معاها ماشي

بس انا سؤالي هل عبير تستاهل ولا نظامها تجاري؟ لانها واااااااايد عطتني فيتامينات ودايت وحتى ماكان واضح ورحت لطبيب تغذيه وصرت اسوي سيرج بالنت لين فهمته

 

[Emanova]

مثل ما قلت لج يمشي مع ناس و ما يمشي مع ناس

و الحمدالله مشى مع بنتج ...اهي اللي يبط الجبد فيها ان ما تعطيج كل شيء من اول مره يعني بالاقساط ... هالزياره دايت و فيتامين ... الوياره اللي وراها تحليل ... و انتي ماشيه

 

[ام^صالح]

بنات اللي تعرف مدرس نطق وتعديل سلوك يجي البيت ياليت تفيدني وشاكره لكم

 

[Emanova]

اشوفلج يا ام صالح

بس عندج التربيه النموذجيه العصر فيها مدرسين تتفقين وياهم و تودين ولدج اهناك ياخذ الجلسه ...

راح اسألج و ان شاء الله افيدج

انتي ولدج باي مدرسه؟

 

[wathoo7a]

سنوعة مشكورة
بس أي كي دي دي؟
أنا آخذ العادي الانجا والكوكتيل في غيرهم بدون شكر؟

 

[Emanova]

وضوحه : 1 2 3 هذا الضغير بدون سكر

انتي اي شسء قبل لا تشترينه اقري المكونات

 

[سنع ومنع]

وضوحه .. مثل ما قالت لج ايمان 123 الصغار ...
توهم نازلين و سوو عليهم اعلانات وااااايد .. انهم بدون مواد حافظة وبدون سكر ..
انا اشوفهم ممتازين ان يشرب الياهل عصير صغير مو كبير .. احسن من ان يشرب لي نصه وينقط الباجي ..
وكل شي اقري مكوناته قبل .. وبالتوفيق

 

[العبدة أم كشة]

emanova
بما ان ولدج فى التربية النموذجيه أكبد تعرفين استاذ تعديل سلوك ممتاز
أستاذ أحمد البرماوي شلون تعامله مع ولدج
أمهات البرماوي تلفونه66018956

 

[wathoo7a]

أمونة وسنوعة ما تقصرون حبيايبي تعبتكم بأسإلتي
إلا شلون عيالكم وبعرف شلون تعلقبونهم إذا ما سمعو كلامكم؟
يعني إذا منعتيه من شي يحبه كعقاب وبعدين قام يبجي ويحذف إل أكو والماكو شنو الحل ؟

 

[Emanova]

في مكان بالصاله حاطه فيه كرسي صغير مال حمودي

العقاب ماله اني اخليه يقعد عليه .... يعني حمودي حركي و اقوله اقعد يموت فقير

و انا كنت اقعده على حسب عمره ... يعني 6 سنوات 6 دقايق .... و كل دقيق يقوم و انا ازفه و يرجع يقعد

المهم آخر شيء يمل و يقعد و بعدين اقوله خلاص قوم

 

[Emanova]

السلام عليكم بنوتات

الحرب شغاله عندي بالبيت لان دشيت السابع و حمودي مو متقبل فكره وجود احد غيره في البيت ... بس يقول حمودي جوود بوي و بيبي خايس

حتى حق المدرس في المدرسه يقول نفس الكلام ....

ما اقول الا الله يعيني فيدوني بتجاربكم

 

[الصابرة المحتسبة]

ممنوع وضع ايميلات بالمنتدى

 

[الصابرة المحتسبة]

أختي لولو : عيدي كتابة مشاركتج بدون وضع الإيميل وشكرا لج

 

[أم سلومي]

السلام عليكم
أنا إممشيه ولدي على نظام الدكتوره عبير عوض، بما ان أكله لازم يكون خالي من مشتقات الحلبيب و القمح و المواد الحافظة و الشكر... حبيت أعرف اذا عندكم وصفات تنفع حق غدا أو عشا " ممكن تجميدها و إعادة تسخينها وقت الحاجة"؟؟
سليماني عمره سنتين و 8 أشهر ، انشاءالله تفيدوني
الله يشافي عيالنا يارب