هل لديكم طفل يعاني من التوحد- خلونا نتجمع

[ام ((صلوح))]

السلام عليكم
انا بنتي اكتشفت ان عندها سمات توحد والحمد الله لقيت العلاج بعد الله عند باحثه سوريه اسمها هيفاء كيالي والحمد الله 80% من الاعراض اختفت وفي اطفال تعالجو على ايدها

 

[حوري2004]

السلام عليكم
انا بنتي اكتشفت ان عندها سمات توحد والحمد الله لقيت العلاج بعد الله عند باحثه سوريه اسمها هيفاء كيالي والحمد الله 80% من الاعراض اختفت وفي اطفال تعالجو على ايدها

ممكن اعرف وين مكانها هالدكتوره (هيفاء الكيلاني )واكون شاكرترج
وبالانسبه للاخت الانيقه
انا اكتشفت التوحد عند اولدي وبيني وبينج مرات اقول بيني وبين نفسي لا ما فيه شيء (مو راضيه استوعب او اصدق )بتاريخ 4\8\2009 يعني ماصارلي شهر وسحبان الله والله كنت ما انام ومتعومسه وريحوني البنات حييييييييييييييييييل الله يجزاهم الجنه وهالمنتدى اللي التفت لهالفئه اللي ما تدرين شلون تتعاملين معاهم انا الدكتوره قالتلي ولدج معاه توحد وبس ولا قالتلي شنو اسوي معاه وخلتني على عمياني مع هالمرض الله يسامحها ( الدكتوره اللي بمستشفى الوطني ) وجيت عند البنات وريحوني لي موعد الدكتوره الخاصه فاطمه العوضي والحمد لله ريحتني نوعا ما
وطبعا انا وديته للطبيب لانه ما يتجاوب معاي لما اناديه شكيت بالسمع عنده ولا تكلم فديته وعمره 2 وتسع شهور يعني قريب الثلالث وعنيد ويعصب بسرعه ولا يحب احد يلعب معاه

 

[& الذاهبه &]

اختي ام صلووح ياليت تكتبين تجربتج بالتفصيل الممل

نبي معلومات عن حالة بنتج قبل وبعد وشنو نوع العلاج ؟

عشان نستفيد من علاج هالدكتورة

 

[خشوشه المشوشه]

ممكن اعرف وين مكانها هالدكتوره (هيفاء الكيلاني )واكون شاكرترج
وبالانسبه للاخت الانيقه
انا اكتشفت التوحد عند اولدي وبيني وبينج مرات اقول بيني وبين نفسي لا ما فيه شيء (مو راضيه استوعب او اصدق )بتاريخ 4\8\2009 يعني ماصارلي شهر وسحبان الله والله كنت ما انام ومتعومسه وريحوني البنات حييييييييييييييييييل الله يجزاهم الجنه وهالمنتدى اللي التفت لهالفئه اللي ما تدرين شلون تتعاملين معاهم انا الدكتوره قالتلي ولدج معاه توحد وبس ولا قالتلي شنو اسوي معاه وخلتني على عمياني مع هالمرض الله يسامحها ( الدكتوره اللي بمستشفى الوطني ) وجيت عند البنات وريحوني لي موعد الدكتوره الخاصه فاطمه العوضي والحمد لله ريحتني نوعا ما
وطبعا انا وديته للطبيب لانه ما يتجاوب معاي لما اناديه شكيت بالسمع عنده ولا تكلم فديته وعمره 2 وتسع شهور يعني قريب الثلالث وعنيد ويعصب بسرعه ولا يحب احد يلعب معاه

الله يشقي ابنك اختي البطله بقيت أسالك الدكتوره الي في الطب التطوري في مستشفي البنك الوطني اسمها دعاء ( مصرية ) اذا اهي ادعي ان الله يغفر لها لانها فعلا اعفست الناس تقول انه فيه توحد وخلاص والناس يربط لسانهم من الصدمه ما يصير جذي يا ناس والله زين ما يصير فينا سكته قلبية مهما صار احنا بشر وأملازم يجون خطوه خطوه اختي سؤال ثاني سوتله اختارات او بس مجرد نظر علمينا لان انا حدي مضايقه شلون يشخصون من غير اختبارات بس نظر شنو هذا الله كريم

 

[خشوشه المشوشه]

اللهم امييييييييييييين ...

حبيباتي الامهات ياريت كل وحده تخبرنا عن تصرفات ولدها اليوميه وكيف حاولت تغيير فيها الى الافضل علشان الكل يستفيد من التجارب ... وشاكره لكم مشاركاتكم القيمه التي استفدت منها حقيقا ...

وحبيت اسال الامهات اللي سوو التحاليل الدم عند الدكتور واخبرهم انه فيه توحد على اي اساس خبروج انه فيه توحد هل من الدم اتضح او شنو ...؟؟؟؟

وانتي اول زياره لج حق الطبيب رحتي على اي اساس مثلا علشان انه متاخر في النطق او على اساس تصرفات معينه او شنو ؟؟؟؟


اشكر مقدما من ترد على استفساراتي وشكرا ...

انا من تأخر النطق وضعف التواصل البصري حسيت ان الولد غير عن الباقي الله كريم ك

 

[الأنيقهـ]

حبيت استفسر التحاليل الدم توضح اذا كان الطفل يعاني من التوحد او لا ؟؟؟؟

في بعض الامهات يقولون انه بين في تحليل الدم نسبه من المعادن الثقيله واهو السبب واتبعوا حميه فهل هذا الشي يدل على التوحد او لا ؟؟؟

اشكر مقدما كل الامهات اللي راح يردون على تسائلاتي ...

 

[ام ((صلوح))]

السلام عليكم آسفه ياخواتي على التأخير بس انا مودايما شابكه لاي استفسار يريت بالخاص عشان اشوفه
بالنسبه لبنتي كنت حاسه ان فيها شي من انولدت لانها كانت بعكس اليهال اول ماينولدون كله فارده راحة ايدها
لما كبرت شوي حسيت انها ماتتجاوب معانا وكله بروحها بعدين اكتشفت ان عندها التهاب بالاذن مأثرعلى السمع وبعد رحله لمدة سنه مع العلاج تشافت أذنها ولكنها تمت بحاله انعزاليه -- وتقط روحها بالارض وتصرخ غير انها مانطقت ابد ولا حتى بابا او ماما لي عمر السنتين ولاااااا اي حرف
وطبعا بديت اراجع فيها الطب التطوري وعيادة دكتوره فاطمه العوضي بعد ولكن اجلو التشخيص المضبوط لي عمر ثلاث سنين ونص او اربع
بس ان مبدئيا سمات توحد
في الفترة هذي تميت ادور ليمن قريت عن دكتوره هيفاء كيالي شلون عالجت بنتها بنفسها واتصلت عليها ومشتني على حميه القمح والحليب
وبالمقابل اعطيها قرع وجوز وتمر
بعدين صرت آخذ منها اعشاب --- وصار لي معاها تقريبا 8 شهور والله والله والله ان 80% من الاعراض اختفت وصارت تنطق بعدة كلمات واهم شي تناديني ماما

 

[مشاعل الشمري]

انا ولدي كان التوحد عنده خفيف بس كانت عنده كل اعرااااض بروشر التوحد الا انه يلمني بس ولله الحمد الحين صارت صفات توحد وبطئ تعلم ممكن تفيدينا عن عنوان الدكتوره

 

[ام ((صلوح))]

هذي ارقام الدكتوره هيفاء كيالي00963944527961
00963116663871

 

[مشاعل الشمري]

يعطيييييييييييييييييييييييج العافيه

 

[الأنيقهـ]

يعني في احد منكم سوى تحليل الدم وطلع التوحد وله من تصرفاته عرفتوا ...

 

[مشاعل الشمري]

انا شخصيا التحاليل مابينت شي
بس من التصرفات بين معاه

 

[Emanova]

حتى انا التحاليل ما فيها شيء بس التصرفات و تشخيص الدكاتره و استعملت معاه الحميه مالت الحليب و القمح ماكو فايده و عطيته فيتامينات صار حركي زياده

 

[حوري2004]

انا ما سوولنا تحاليل ولا هم يحزنون على طول شخصة الحاله وقالت توحد
وبعد ما طلعنا منها قالت روحو سوو تحليل دم ورحنا وسوينا التحليل وبعدها بسبوعين دقو علينا قالو تعالو عيدو التحليل لانه نسبه انزيم العظم مرتفع وهذا يكافي الشر ممكن يسبب للطفل كساح وسوينا التحليل مره ثانيه وليما الحين ما ردولنا خبر باجر ان الله كنتب بدق على الدكتوره واشوف شنو صار على التحليل

ودي اسويله تحاليل بنات ما ادري شنو اسويله

 

[خشوشه المشوشه]

السلام عليكم اختي ايمانوف ممكن تعلمينا شنو كان تصرفات ولدك التي اهي علي الاساس شخص بتوحد ومنكم نستفيد ولا الدكاتره الله بالخير مشكورة حبيبتي

 

[مشاعل الشمري]

بالنسبه ليويو
كان مايطالع بالعين-ما يلعب مع احد-مايدرك الخطر-ماعنده احساس حتى اذااحترق بالشاي ما يتألم-ما يرد علي لمن اناديه-دايما يدور حوالين نفسه-ما يتكلم الا بحروف غير مفهومه-يصف السيارات يم بعض ويرفض تحريكها
مغرم بتوم وجيري وبالتلفزيون عموما-ما يلعب مع احد-يمسك ايديني اذا يبي شي ويأشر-كل هذا من السنه ونص الين الثلاث سنين

 

[مشاعل الشمري]

الله يشافي وليدج ويطور انشاء الله

 

[ريمه الكويت]

الله يشفي كل مريض يارب
بسالكم شلون دربتو عيالكم عل دخول الحمام تكرمون هذي مشكلتي الوحيده اللحين بيدخل 5 سنوات ومايبي الحمام يصرخ ومايرضى يقعد بالحمام سويت المستحيل ماكو فايده موعارفه شسوي .,.,

 

[Emanova]

ريمه : الله يسلمج كنت ما اشربه ماي وايد و لا سوائل و عقب الاكل ادخله الحمام و اخذ اللعبه اللي يحبها و اقعده على البيديه الله يعزكم

و العبه و اتعصر وياه

و كل 5 دقايق حمام و اذا ما بغى يبول افتح الحنفيه اشويه علشان اصوت يخليه ينزلها قعدت وياه 3 شهور و تعلم يقطها بالنهار

و بليل كنت البسه اللي على صروال علشان مرات اخاف اني انام و ما اقوم اوديه و اهو بعديم قام يتضايق منها و يفضخها بروحه

 

[مشاعل الشمري]

انا هالشغله تعلمه بسرعه ولله الحمد حتى بالحفاظ ما لعوزني