هل لي الحق كطالبة ميداني اطلب نقل

[MISS_PURPL]

بنات بليز ابي مساعدتكم,, والله قاعدة اكتب وانا صاكه فيني الدنيا ،،،

يصير اطلب نقل وودوني مدرسة ثانية او لا ,, بليز بنات جاوبوني ؟؟

 

[PuPa^^SWeeT]

ما اعتقد يصير


ليش شفيج


اصلن الميداني معروفة مدارس التدريب فيهم بكل محافظة مايغيرونها لو شنو


مدرستنا صارت مركز تدريب


ليش شفيج ؟؟؟

 

[أميرة طفولتي]

ما اعتقد حبيبتي
اذكرلمن كنت ميداني قالتلي موجهتي الله يذكرها بالخير
اذا توزعت الاسماء على المدارس ماننقللو شنو!
ومع ذلك في بنات انقلوا


كل شي بيد موجهتج الي بالجامعه
روحي كلميها وشرحيلها الموضوع وان شاء الله تنقلج

 

[Dewdrops]

عادي يصير في بنات انقلوا من عرفوا مدارسهم
وفي بنات ماارتاحو بالمدرسة وطلبوا نقل بس لازم يكون عندج عذر واقعي ومايكون على نهاية الكورس

 

[LA TROO7]

ايه عادي يصير

بس جد ترا مايسوا تضيقين صدرج على موضوع كم شهر وتروحين منهم

 

[Miss Cherry]

يصير بداية الكورس .. كلمي الجهة المسئولة بكليتج

 

[Angel_store]

Up up up

 

[لورا آشلي]

اي يصير

كلمي مكتب التربيه العمليه بالكليه

 

[درة أهل الطولات]

عادي يصير كلمي مشرفة التربية العملية

 

[مارلينq8]

يا بوقته الموضوع حتى انا ميداني وماابي المدرسة الي حطوني فيها

 

[( المـلاك )]

يصير بحالة وحده بس
اذا انتي اول اسبوووووووع مو اكثر
اللي اهو ( اسبوع المشاهده الاول )

انا الكورس اللي طاف نقلت عقب 3 ايام من داومت بالميداني

اول شي من تعرفين المدرسه بنفس الوقت وشفتيها بعيده او ما يازتلج
كلمي الموجهه بمكتب التربيه العمليه وتشوفلج اي مدرسه فيها مجال وراح تنقلج لها

اما اذا داومتي يومين ولا ثلاث او حتى اسبوع
اللي حتى الموجهه بس زارتكم مرة وحده بس
والشغل بعده
وبعدكم مشاهده
يعني عالبدايه
هني بس اللي تقدرين
ولا بعد شوفي
لازم عذر مقبوووول
يعني لي قلتي مو مرتاحه ؟ بتقولج كلها ميداني مو حجي هذا ماراح يعجبها
واذا قلتي القسم مو زين ولا فلانه جذي والناظرة جذي ؟ هم ماراح تلقيج ويه

عاد انتي تعيري قوليلها بعيد وانا ما اسوق والصبح مو هذا طريجي و بودي بنتي الحضانه او اودي اخوي المدرسه
دوريلج ستين عذر عشان توافق
بس مثل ما قلتلج حدج اول اسبوع .

اما اذا قعدتي فيها اكثر و قسموا الجداول و بلشتوا تدريس و راحت وردت الموجهه واسمج تسجل
هني انسي !