هل ممكن تحليل الحمل نتيجته خطأ

[عشق المطر]

السلام عليكم​

موعارفة يابنات اقولكم باركولي اني حامل او واسوني بس الحمدالله على منه وعطاه
:eh_s(2):​

يابنات اناصارلي 3 شهورمن اجهضت وشهرونص من اخرعملية تنظيف انا سبق وحطيت موضوع هنا عن عمليات التنظيف الي اضطريت اعملها 4 مرات بسبب اجهاضات متكرره بس بأجهاضي الثالث تركولي بقايا من المشيمة اكتشفتها بعدشهرمن العملية الاولى وعمولوها لي مره ثانية يعني عمليتين خلال شهرين وبعدشهرونص من اخرعملية هاذي النتيجة


http://[url=http://www.gulfup.com/show/X37sk4g4velz5] [/URL]

يابنات انا لي يومين من تأخرالدوره وحللت وطلع لي خطين هل ممكن يخطأ التحليل :eh_s(11):


يابنات لاحديفهمني خطأ انا مومعترضه على قسمة ربي بس بداخلي خوف كبيربماانه ماصارلي شيء من تجربتي الأخيره وادري خطأي ماسويت مانع بس لأني هم كنت عايشه في توتر وسواس من الكلام الي جاني ان كثرة العمليات ممكن تقلل فرص الحمل يعني انا متشتته وخايفه في كلا الحالتين سواء حملت اوماحملت وربي يعين


دعواتكم:yaaaaaarb:​

 

[عشق المطر]

وينكم يابنات انتظر ردكم

 

[محتاره بدنيتي]

حبيبتي ممكن تكون خطأ وممكن لأ انا دايما الكاشف كان صح معاي استخدمي كلير بلو ديجيتال مو العادي يعطيج نتيجه مظبوطه بإذن الله
او روحي سوي تحليل هرموني بس ممكن هرموناتج مرتفعه فتسوي جذي وإن شالله الله يكتبلج اللي في الخير

 

[عطر الدوحه]

والله مادري

بس ابدي اقري سوره البقره وارقي نفسج

 

[دلوعة كويتيات]

مبروك حبوبه
واضح حيل حامل
الله يثبته وييكفيج شر الاجهاضات

 

[Vip qatar]

حبيبتي ماشاء الله الخط واضح سوي تحليل دم وتاكدي ونصيحة عليج بسورة البقره والرقية يوميا والنفسية لازم تكون اوكي لانه دكتوري متخصص في الاجهاضات المتكررة قالي اوقات كثيره يكون سبب الاجهاض نفسي لانه الوحدة تكون نفسيتها تعبانه وحاولي تاخذين مثبتات واسبرين وابر سيولة انا اجهضت مرتين وحاسه بشعورج يصير الحمل كابوس بس تبين تولدين وتشوفين ضناج لانه فتره الحمل تكون طول الوقت محاتاه

وان شاء الله يارب تكونين حامل والله يثبته لج ويبلغج فيه بعد ٩ شهور ان شاء الله *

 

[&هند&]

انتي حامل الف مبروووك ريحي ولا تحركين وخلي اكلج صحي واقري سورة البقرا كل يوم والاذكار ،،،،

 

[أأأميرة الورد]

الله يثبت البيبي ويرزقج بالذرية الصالحة

 

[miss.Al-Qattan]

حبيبتي انشالله حامل ولا تفكرين بالشغلات الثانيه

دام ربج أراد انشالله ربج الحافظ
اهوه الي يقول كن فيكون
وانتي ما عليج الا الدعاء وربي مايرد دعوه الحامل انشالله خصوصا الدعوه الي تخص جنينها

واستودعي الي في بطنج عند ربج الي ما تضيع ودائعه
انا كان مو بس كل يوم اقعد من النوم استودع الي في بطني عند ربي
الا كل ما كان يمر علي شي يخوفني على البيبي .. مثل الامراض الي منتشره الحين ولا امر على حادث (بعيد الشر عن الجميع) او اي عوار احس فيه

ماكو على لساني غير هالجمله
وانشالله ياااارب الله يتمم عليج ويثبته لج وتييبينه بصحه وتمام الخلقه يارب
وتبشرينا

 

[rachaaa]

حبيبتي انشالله حامل روحي سوي تحليل هرموني وتاكدي

 

[فلفل اسود]

مبروووك الحمل


احسن شي لاتعلمين احد لين تصيرين حامل بشهر ٣ لانه ممكن معاج تابعه

 

[عيالي ذيابه]

حبيبتي مبرووك والله يثبته
اهم شي اللحين تروحين طبيب خاص بالاجهاض يتابع حالتش

 

[ام ارجوان]

حااااما مبروك والله يتمم لك علىخير

داااومي على زيت وماء مقرري فيه وكل يوم سوره البقره والرقيه الشرعيه

والله يقر عينك بشوفته