هل ممكن يصير حمل وزوجي؟؟

[ليلة الزفة]

هلا بنات

مابطول السالفه واتمنى اللي عندهت بيبي وزوجها نفس حالة زوجي تريحني

انا زوجي كان عنده دوالي والحمدلله سوا العمليه

مب هاي المشكله لانه الحمدلله وايد حريم رياييلهم فيهم دوالي ويحملون

المشكله زوجي اثناء الجماع يصير ارتخاء بالعضو هذا قبل العمليه وبعدها بعد بس مش دايما

والدكتور سواله كل الفحوصات والحمدلله قاله كل شي سليم وهالشي ما يخوف وحسسه هالشي طبيعي

بنات انا اشوف زوجي كيف يتضابج وانا بعد اتضايج بس دايما اقوله هالشي عادي

انا خايفه هالشي يأخر الحمل عندي

اتمنى اللي عندها خلفيه تريحني


والله يرزقني ويرزق كل وحده تنتظظر


يالله ياررب ارحم صبرنا وشوقنا لضمة طفل يارب

 

[om_ibrahim]

لا توسوسين دام الدكتور قال كل شي سليم الحمد الله ولا تفكرين خلي كل شي بيد ربج دام اثنينكم سليمين لا تحاتين والله يرزقكم

 

[سيكولوجية]

اختي اهو اهم شي يكون تحاليله سليمه
الحيوانات المنويه يكون تمام من ناحيه العدد والسرعه

هذا اهم شي للحمل وعسى ربي يرزقج ويرزق كل من تبي يارب

 

[ليلة الزفة]

مشكوورين حبايبي على الرررد والحمدلله على كل حال


بس اللي ابغي اعرفه ارتخاء العضو يأخر الحمل او لاء؟؟؟
معقوله محد صادفها هالشي

الله يسامحكم بنات يعني 100 مشاهده وردين

اتمنى تفيدوني اكثثر

 

[qoot]

والله مادري

عسى الله يرزقج

 

[ليلة الزفة]

آمين يارب ويرزق كل محرومه برحمته

للرفع

 

[Katkoota85]

الله يرزقج يارب
ماعندي فكره بس مو مهم العضو
المهم الحيوانات المنويه كم عددها وحركتها
العضو يأثر اذا ماكان يقدر يوصل الحيوانات المنويه للرحم يعني يصير القذف بعيد جداً عن عنق الرحم
وبهالحاله يسوون تلقيح صناعي

بس لمجرد الارتخاء هذه حاله نفسيه يمكن او تعب بالجسم وتزول ان شاءالله

اهم شي تحليل السائل المنوي

والله يرزقكم ماتتمنون يارب

 

[Smchoocha]

ما يمنع الحمل بس لازم تعرفون سبب الارتخاء غيروا الدكتور و خله يفحص هرموناته لانه انخفاض التستسترون يمنع الانتصاب

 

[ماي زهر]

السلام عليكم
الله يرزقج الذرية الصالحه و يرزق كل محروم
و الله ما عندي علم بس آنا أشور عليج سوي تلقيح صناعي إذا كل شي سليم و إنتي سليمه
جربي ... و الله يسهل عليكم يارب
و أأأكثري أستغفار و تفرج بإذن الله

أستغفر الله الذي لا إله إلا هو و أتوب إليه