هل ندمت على صراحتك مع شخص ما؟؟؟؟؟_موِضوع نقآشي

[q6aiwa]

قوه بنات..................










حياكم ....دخلوا ولا تطلون من بره
:dddds:








قوه بنات منتداي المفضل منتدى كويتيات

الراقي وإللي سمعته وصلت لكل مكان




مابي اطول عليكم

نفس ماقريتوا بالمقدمه.... قريت هالموضوع باحد المنتديات وعجبني
وحبيت انقله لكم ونتشارك فيه انا وخواتي في كويتيات (اللي اهو انتوا):dddds:


واهو.......هل في مره صارحتي شخص بموضوع معين وندمتي على صراحتج معاه ... ورد عليج الموضوع عايدي

:0bee2e8d89:



يالله ابي التشجيع وناطره مشاركاتكم

:gathering:​

 

[أم تنوح]

بصراحه كثير وندمت اكثر

وتصير كثير خاصه اذا كان الواحد بوقت يبي اي يحد يفضفضله

وفجأه يطلع بوجهش شخص مو هو الشخص المناسب اللي

تتكلمين قدامه بس الظروره حدتش ولما يهدأ الواحد ويتذكر

ويعرف حزتها يندم...


تقبلي مروري

اختش

 

[معكرونه أسبكتى يم يم]

من وانا صغيره امى تقول حلات البنت صندوق مغلق وكبرت وهالجمله تطق في قلبي عشان جذيه ماعمرى فتحت قلبي غير لامى وخواتى بس !!

والحمدلله

 

[جاليسا2007]

الصراحه راحه
ولكن لازم التكلم بالصراحه باسلوب يتقبله اللي جدامج
وما يكون الانسان فض وجارح باسم الصراحه

 

[AL.R.A.S.A.M.A]

بييييييه واااااااااايد فتحت قلبي وقلت الصراحه وندمت حيل حيل

والي اكتشفته بعدين انه النااس ماتبي الصراحه .. من تصارحينهم يفهمونج غلط ويزعلون وكل شي

والي ماتمشي سيده ولا تصاارح هذي الي مآشيه بهالزمن

واول كنت صريحه وماشيه ع النيه والله .. بس ألحين لأ تغيرت وايد

ومشكووره حبيبتي على موضوعج الحلو مثلج

 

[الشايعية]

يووووووووووووووووووه فتحت قلبي وياليتني مافتحته مع ناااس مو كفوو ثقه وندمت طبعاً بس ما اخاف :\

 

[shai5at al3arab]

عمري ما كنت صريحة

كله اخاف اللي جدامي ينجرح

احس ما عندي الجرأة اني اواجه انسان بخطئه

 

[(كويتيه عسل)]

يووووووووووووووووووه وااااااااااااااااااااااااااااااايد

 

[q6aiwa]

ام تنوح
جاليسا
رعشة خفوق
شيخة العرب
شـــــــــــــــــــــاكره مروركــــــــــــــــــــــم


معكرونه اسبكتي
اي والله صدقتني حلاة الوحده ماتفتح قلبها الا لامها....يالله تسلم
شاكره مرورج


الرسامه
وايد ناس صاصر فيهم مثلج واعرف جم وحده غيروا من طريقتهم نفس ماقلتي بسبب سوء فهم الطرف الاخر(الشخص الصريح)
وشاكرتلج حبيبتي

 

[SaD FaCe]

ايييي وايد اذا كان قصدج من نوع الفضفضه وايد ندمت لان انا نوعي بسرعه اثق باللي جدامي واقوله كل شي بعدين انصدم منهم واتحسف قد شعر راسي

واذا كان قصدج ان اصارحه بشي فيه اهوه اممم مو دايما ماحب اجرح الي جدامي فـ اسكت احسن او ايبله اياها بطريقه غير مباشره

 

[q6aiwa]

كويتيه عسل

شكلج انقرصتي وكليتيها مثلي
لووووووووووووووووووول

 

[q6aiwa]

اي حبيبتي sad face اقصد الفضفضه

 

[تلفوني رن]

انا من وانا صغيره مااتكلم باللي فيني بس مره وحده بحياتي غلطت وقلت حق وحده صج مو كفو راحت قالت اللي قلته لها ومن يومها

وانا مسكره حلجي هههههههههههههههه هالشي بالنسبه لي بس اذا ابي اصارح اي شخص جدامي بشغله فيه عادي اقول الصراحه وحتى لو

ماعجبه الكلام احاول اوضح بشكل حلو عشان ماتنقلب زعل خخخ ومشكوره عالموضوع

 

[ألماس q8]

وييييييييييييي انا والله العظيم اني صارحت وحده تصيرلي بسر من اسراري<<<< يا ام الاسرار يا انتي

وندمت قد شعر راسي



وانقرصت بنفس الوقت وتووووووووبه ما اصارح احد بشي ولا اقوله عن سر من اسراري الا لبنت عمي او اختي وبس

 

[dr.elzain]

اي صارت وهم صار العكس وحده صارحتني وياريتها ماتحجت لانه بصراحه طاحت من عيني !!
وللأسف كرهتها حسيتها ما تستاهل صداقتي !

وعرفت الصراحه مو بكل شي تنقال !! :050103nbh_prv: :bbbiu:

 

[dr.elzain]

اي صارت وهم صار العكس وحده صارحتني وياريتها ماتحجت لانه بصراحه طاحت من عيني !!
وللأسف كرهتها حسيتها ما تستاهل صداقتي !

وعرفت الصراحه مو بكل شي تنقال !! :050103nbh_prv: :bbbiu:

 

[سنافية مطير]

يـــــووووووه ،،،، واااااااااجـــد !!!!

 

[شوشو الشقيه]

اي بصراحه اي
كنت صريحه فوق ما تصورين
الحين تعلمت الكثير
من النت
اعرف متى اتكلم متى اسكت
مواقف الدنيا علمتني الكثير
الجروح تعلم الي ما يتعلم
من اختج شوشو الشقيه

 

[شوشو الشقيه]

اشكر كل شخص ساهم في تعلمي بصراحه النت
كنت طفله اثق باي شخص في الدنيا
شفتي الطفله على نياتها فوق ما تتصورين تقولين لها تعالي تمشي
ومستانسه ما تفكر انتي يمكن تضرينهااو تسببين لها الالم
تفكر فيج بحسن نيه
كنت على نياتي
بس الحين الحمد الله تعلمت اني ما اكون على نياتي ما اثق في اي احد
النت علمني صفه الصمت
الي ما تعلمتها وانا في حياه
من اختج شوشو الشقيه