JANAA
New member
- إنضم
- 22 أبريل 2009
- المشاركات
- 3,219
- مستوى التفاعل
- 0
- النقاط
- 0
السلام عليكم ورحمة الله وبركاته ،،
بنات انا حابه اناقش هذه الظاهره بالكويت وكل وحده مرت بهذا الامر اتشارك معنا واتقول شنو ردة فعلها وشلون تصرفت بهذه اللحظه
طبعا هذه الظاهره انتشرت وايد احس بالكويت والحمد لله والشكر لله الكويت ديرة امن وآمن الله يديم يارب بس انا ملاحظه هذه الظاهره وانا تعرضت لها كذا مره وامي هم بعد وصديقاتي انا راح اكتب شنو المواقف الي تعرضت لها وامي وصديقاتي واحب انكم تتفاعلون معايا علشان انشوف الظاهره هذه الي صارت بالكويت وشلون نتصرف وطريقة الحل وجزاها الله خير الي تفيدنا وتتفاعل معنا علشان نحمي خواتنا وبناتنا من هذه الظاهره
الظاهره اهي انك اتكوني بجميعة او سوق او سوق شعبي او اي مكان وتشترين اغراض ويروح يمر واحد رجال يطق ايده باي مكان من جسمك طبعا انتي اتصيبك دهشه قويه طبعا تلتفتين اتشوفين مين يسوي روحه يطالع اي شي بس سبحان الله ربنا يبينهم على طول حسبي الله عليهم شنو استفادوا
تجربتي :
انا كنت بسوق شعبي اشتري اغراض حق المطبخ والشغاله وكنت حامل ببنتي بالشهر السابع ولا يمر من خلفي هندي والله بنات ويطق ايده فيني من الخلف انا هني انصدمت وحسيت كانك قطيتي ماي بارد علي اطالع منو وسبحان الله بين يطالعني من تحت لتحت ويطلع شي ثاني على انو يبي يشتري اغراض لما شافني خزيته وايد طلع من السوق بسرعه بس شنو اسوي دعيت عليه وما قدرت اتكلم حسيت ان لساني اتربط من الصدمه
موقف امي :انا امي كله تلبس عبايه واسعه وكانت بالجمعية مع ابوي الله يرحمه برمضان عند ثلاجة الخضار ومر واحد من خلفها وراح قرصها من الخلف طبعا انا امي انصدمت واحمر وجها حتي ابوي الله يرحمه قالها ايش فيكي ليش صار وجهك احمر فجاه وامي فاتحه عيونها بقوه وتطالع ابوي الله يرحمه بس ما حبت تقوله لأن ابوي وايد عصبي برمضان وكان مسوي عمليه بالقلب فخافت عليه ومرت منجنب الرجال وقالت حسبي الله ونعم الوكيل فيكم وبرمضان الله عليكم ويحيم بناتنا منكم طبعا اهو على راي المصرين حط ديلو بسنانه وقال يا فكيك طبعا ابوي لما درا عصب وليش ما قلتيلي لازم انبلغ الشرطه علشان هذول الاشكال ما يتعرضون حق بنات الناس .
موقف رفيجيتي : هم بعد اهي بالجمعية وجا وقرصها من صدرها وراحت اهي قوية الشخصية عطته ذاك الكف على وجهه الي تجمعوا كل الريايل بالجمعية وكملوا عليه الي ما يخاف ربه
ادري بنات قرقت وايد بس حبيت نتناقش بهذه الظاهره وكل وحده تشارك معنا وتقول اهي او صديقتها او اي تعرفه تعرض لها وشنو سوت
ربنا يحفظنا ويحفظ بنات المسلمين من ضعاف النفوس ويحفظ ديرة الكويت من كل شر
بنات انا حابه اناقش هذه الظاهره بالكويت وكل وحده مرت بهذا الامر اتشارك معنا واتقول شنو ردة فعلها وشلون تصرفت بهذه اللحظه
طبعا هذه الظاهره انتشرت وايد احس بالكويت والحمد لله والشكر لله الكويت ديرة امن وآمن الله يديم يارب بس انا ملاحظه هذه الظاهره وانا تعرضت لها كذا مره وامي هم بعد وصديقاتي انا راح اكتب شنو المواقف الي تعرضت لها وامي وصديقاتي واحب انكم تتفاعلون معايا علشان انشوف الظاهره هذه الي صارت بالكويت وشلون نتصرف وطريقة الحل وجزاها الله خير الي تفيدنا وتتفاعل معنا علشان نحمي خواتنا وبناتنا من هذه الظاهره
الظاهره اهي انك اتكوني بجميعة او سوق او سوق شعبي او اي مكان وتشترين اغراض ويروح يمر واحد رجال يطق ايده باي مكان من جسمك طبعا انتي اتصيبك دهشه قويه طبعا تلتفتين اتشوفين مين يسوي روحه يطالع اي شي بس سبحان الله ربنا يبينهم على طول حسبي الله عليهم شنو استفادوا
تجربتي :
انا كنت بسوق شعبي اشتري اغراض حق المطبخ والشغاله وكنت حامل ببنتي بالشهر السابع ولا يمر من خلفي هندي والله بنات ويطق ايده فيني من الخلف انا هني انصدمت وحسيت كانك قطيتي ماي بارد علي اطالع منو وسبحان الله بين يطالعني من تحت لتحت ويطلع شي ثاني على انو يبي يشتري اغراض لما شافني خزيته وايد طلع من السوق بسرعه بس شنو اسوي دعيت عليه وما قدرت اتكلم حسيت ان لساني اتربط من الصدمه
موقف امي :انا امي كله تلبس عبايه واسعه وكانت بالجمعية مع ابوي الله يرحمه برمضان عند ثلاجة الخضار ومر واحد من خلفها وراح قرصها من الخلف طبعا انا امي انصدمت واحمر وجها حتي ابوي الله يرحمه قالها ايش فيكي ليش صار وجهك احمر فجاه وامي فاتحه عيونها بقوه وتطالع ابوي الله يرحمه بس ما حبت تقوله لأن ابوي وايد عصبي برمضان وكان مسوي عمليه بالقلب فخافت عليه ومرت منجنب الرجال وقالت حسبي الله ونعم الوكيل فيكم وبرمضان الله عليكم ويحيم بناتنا منكم طبعا اهو على راي المصرين حط ديلو بسنانه وقال يا فكيك طبعا ابوي لما درا عصب وليش ما قلتيلي لازم انبلغ الشرطه علشان هذول الاشكال ما يتعرضون حق بنات الناس .
موقف رفيجيتي : هم بعد اهي بالجمعية وجا وقرصها من صدرها وراحت اهي قوية الشخصية عطته ذاك الكف على وجهه الي تجمعوا كل الريايل بالجمعية وكملوا عليه الي ما يخاف ربه
ادري بنات قرقت وايد بس حبيت نتناقش بهذه الظاهره وكل وحده تشارك معنا وتقول اهي او صديقتها او اي تعرفه تعرض لها وشنو سوت
ربنا يحفظنا ويحفظ بنات المسلمين من ضعاف النفوس ويحفظ ديرة الكويت من كل شر
