السلام عليكم
اشلونكم بنات ان شاء الله طيبين
اللي بكتبه لكم مو مشكله ان شاء الله .. بس حابه أفضفض اللي بقلبي
احنا بيتنا هادي وما عندنا ناس داشه وطالعه وما نزور أحد خير شر الا بالمناسبات
مثل عيد الفطر وعيد الأضحى وأول يوم رمضان
هالثلاث مناسبات لازم نتيمع فيهم أول يوم وبس من عقبها محد يشوف الثاني
طوول السنه ماكو يمعات ولا شي الا خالاتي اهما بس اللي نشوفهم على طول يا يزورونا أو نطلع معاهم
أما خوالي وحريمهم وعيالهم ما نشوفهم الا بهالمناسبات .. لا وبعد نشوفهم بو نص ساعه وبس
حريم خوالي نوعهم كل وحده مع أهلها حتى عيالهم كله صوبهم , احتكاكهم سطحي بعمامهم وعماتهم ( اللي اهما خوالي وخالاتي وامي ) ..
طبعاً أهلي من طرف ابوي رحمة الله عليه ما نشوووفهم كلش كلش وانا قلبي متشفق ودي أزورهم
أهل ابوي نوعهم لا شافونا وشافوا أي أحد عموماً يهللون ويرحبون ويضيفون بس انهم يساعدون ويوقفون معانا بالشده لا انسووا .. انا مو هامتني هالشغله محنا بعازة أحد , رب العالمين كريم
بس الأهل يظلون أهل والواحد يحن لأهله ..
أروح السوق أشتري بدله بدلتين واخشهم بالكبت من وييييييين لي وييييييين ألبسهم
حتى الليبل معلق عليهم !
ماكو يمعات ولا أهل نشووفهم
نفس ما قلت لكم بالأعياد أول يوم بس نتيمع ومن يصير العصر خلاص يخلص عيدنا ما نعايد على البعاد ولا شي
ضايق خلقي ودي تصير العلاقات بين الأهل أقوى بس محد يشجع وكل واحد يفضل ناس على ناس !
