هل هو جهل ام قلت ذرابه مثل قولهم ؟؟؟

[توته ترحال]

بصراحه الموقف ذا حصل لي من اسبوع بالكويت :eh_s(22):
امممممم وانا احترت ايش اسميه
طالع انا للبحر وانا فيني لقافه وشفت وحده حلوه كنها هنديه بحلاها سمره بس حلوه اخر اليل واحنا كنا عائلتين اهلي واهل خالتي ......
في نفس الدرج كذا البنت واقفه عليه
وانا بعد ما تعديتها جاني فضول اسالها سؤال لقافه لا اكثر........
رجعت لها وسالتها انتي هنديه ؟؟؟؟؟؟؟!!!!!!!
كان تقولي : شنو انا هنديه ؟؟
بصراخ طبعا
عاد اختي الصغيره قالت لها يعني جمالك هندي كذا
عاد قالت المطلوب هنديه والا كويتيه ؟؟!!!
وراحت اختي عنها
وانا صديت وتركتها واخوي سمعني وضحك
وبنات خالتي وعيالها تفشلو وهاوشوني وقالو الله ستر ان البنت سكتت وكذا وانها قضيه
...............
المهم قالو لي ذا ما عندك ذوووق ابد ولا ذرااابه
للعلم عندنا بالسعوديه عادي نتكلم مع البنات باي مكان كلنا بنات وروحنا حلوه ورياضيه
عاد انا بصراحه بكيت من القهر انهم قالو كذا .......
:eh_s(17):

 

[هيبة فتاه]

مادري شلون عادي تتكلمون مع البنات على قولتج والبنت زفتج .!!!

 

[توته ترحال]

اختي ما في شي يسوى زفه على قولتك
انا سالت
وهي صرخت
وانا صديت وتركتها
يعني بالسعوديه عادي عندنا نسال بعض
سؤال محترم انا ما سبيتها

 

[قطيووه^_^]

ههههههههه. لا احنا عندنا هندية ان غبية جذي يعني. اذا غثنا واحد نقوله انت هندي ؟؟؟. جذي فهي عبالها انج تستهزاين فيها فاهمة؟؟. بس الصراحة مفروض خلاص مدامج وضحتي سؤالج مفروض تتفهم يعني. هذي شكلهها نفسية. ما عليه اختي امسحيها بوجهي. في ناس عندنا نفسيات مايتحاجون اعوذ بالله