هل يحق للشاب تفتيش جوال أخته !!!

[fnato0o]

انا ماعندي اخو اكبر مني انا اكبر وحدة

بس مرات امي او ابوي ياخذون فوني عادي مدام انا واثقة من نفسي خلاص الي بيفتش يفتش

وبعدين اذا الاخو فتش معناته خايف على اخته وهامه امرها يعني مو عيب اخته يعني شلون !!!

والله انا اشوفها عادي صج انها خصوصية وجذي بس ميخالف من باب الحرص وبالعكس اذا شاف انه عادي عندج

وانه اوكي شوف فتش راح تكبرين بعينه وراح تزيد ثقته فيج

 

[PinKiSHo]

محد له حق يتعبث بتليفوني لان فيه خصوصياتي صور و نوتس ومسجات بيني وبين رفيجاتي سوالف مو مضطرة امسحهم تا محد يشوفهم لان ساعات اقراهم واضحك وصور انا مع رفيجاتي واكثرهم متحجبات ومصورين بدون حجاب يعني ليش امسحهم تا اخوي ولا ابوي مايشوفونهم !!

الحمدالله ماعندي احد يتعبث بتليفوني وابوي انسان متحضر مايحب ينبش ورى احد لان يمشي عالمثل الي يقول الي بالجدر يطلعه الملاس والي عنده شي خاشه مرده بينكشف

وصراحة الي يتعبث هذا انسان مريض بالشك حتى لو كان من باب الحرص لما البنت تحس ان اهلها واثقين فيها بتكون قد هالثقه وتستحي تسوي شي غلط من وراهم وحتى لو سوت تلقونها بسرعة تحس بتأنيب الضمير عكس الي اهلها كله شاكين فيها لانها بتفقد الامان وبتقول انا لو سويت ولا ماسويت هم بيشكون فيني

 

[shayom al-q]

اوكي ياخذه اذا يبي شي محدد مثلا مسجات نغمات
بس يمسكه ويقعد يقلب فيه على كيفه ما راح ارضى لان شي خاص فيني وفيه صور رفيجاتي واهلي مو من حقه يشوفهم

 

[شوق&حنين]

لا .... مممنوووووووووع:eh_s(14):

 

[توته وااااااااو]

على حسب

 

[علولي]

يسلمووووو جميعا على الردود الطيب
وعلى ارائكم

 

[الصعيريه]

اذ كان يفتش بقصد انه يشوف شغلات عندها وياخذها هذا شي عاادي ...,
اما اذا يفتش برسايلها ولا المكالمات موحلووه بحقهاا جذي بيخليهاا غصب تشك بعمرهاا ...,

وانا عادي زوجي ياخذ تلفوني ويشووف اللي فيه عاادي ماعندي اي مانع لاه ماعندي شي اخشه على زوجي بس هو قليل مايسوي هالشي يعني اذا قاعد فاضي ولقى تلفوني عنده ياخذه يشوف الصور يتعبث شووي ويخليه بس اذا جاني مسج وتلفوني بيده مستحيييييييييييل يبطله ويشوفه


وتسلميين يالغلا (علولي) عالطرح الروووعه مثلج

 

[علولي]

تسلمين حياتي على الرد
والله يخليكم لبعض
عاد انا موتي احد يفتح رسايل واصلتني
ماحب
اذا اخواتي الكبار عادي ما علي لاننا كلنا بنات بس اخواني لا

 

[الصعيريه]

آمييين ياااقلبي ...,


شي اكييد وهذا من حقج...,

تدرين علوولي حيييل تعجبني مواضيعج واحب اتابعهاا

 

[علولي]

واااااااي تسلمي حياتي
احرجتيني
والله العظيم نفس الشي واحب اتابع ردودك يعجبني رايك الصريح

 

[الصعيريه]

تسلميييين يالغلاا

والله هذي الصرااحه وان شاءالله ماتحرمينا من مواضيعج المميزه

 

[علولي]

الله يسلم عمرك ياقلبي

 

[الفراشة الجميلة]

شدني الموضوع

وبصراحة مومن حق احد يفتش بإموري الخاصة مولان في شي تخافين منه بس لانها خصوصية مو مسموح لاحد يتخطاها ، انا من فترة مرينا بالبيت بمشكلة بسبب هالموضوع ، يمكن هو ما كان يستاهل يصير مشكلة بس انفعال للإثنين خلاها مشكلة كبيرة ،
مر وقت على اخوي وهو كل يوم يستعمل لاب توب اختي يعني وقت جريب الإسبوعين وبكل حزة حتي وهي تستعملة يطلبه وبالإمانه ماكانت تردة عنه ، لين مره رفضت وقالتله خلاص يعني لي متي انا محتاجته ولي شغل فيه ، وعينكم ماتشوف إلا النور على اللي صار هيصة وهواش واخذ اللاب بالغصب وسوا سالفة شكبرها (( اخذته العزه شلون تقوله لا )) من حقها شي خاص فيها وانت مصخت السالفة (( مع العلم عندة هو لاب بس كان يشبك على واحد ويشوف افلام على الثاني دلع )) ويالله يالله بعد تدخل امي وابوي انحلت السالفة بس تصرفه بالمره ماكان حلو ولا تقولون شاك وما شاك هو كان يلعب موقصدة يتاكد من شي بس شباب الله يصلحهم ويهديهم ......

 

[علولي]

مشكورة اخت فراشة على المشاركة
وصحيح هم احيان يكبرون السالفة على شي تافهه
ومو كل تفتيش معناه شك
احيان من باب اللقافة واحيان يبغى شي منه
واذا قلتي لا
الله يكون بعونك

 

[دلوعة أبوهآ]

مافي أحد في الدنيا له حق انه يفتش جوال أو جهاز لاب توب غيره
الا الأب والأم ..