هل يساعدج زوجج بالبيت ؟؟

[Patcholli]

مساء الخير ..
.. حبيت اطرح هالموضوع لكسر الروتين والابتعاد عن المشاكل بعض الشيء ..

سؤال :

هل يشاركج زوجج في الاعمال المنزليه ..؟؟

شنو اكثر عمل منزلي يتقنه زوجج ويحرص على المشاركه فيه دايما ؟؟

وهل يتغلب عليج فيه ؟؟ وهل تعلمتي منه بعض الامور ؟؟



مثال :

زوجي يعشق دخول المطبخ .. ويحب يشاركني في التقطيع واضافة البهارات والنكهات على الاكل ..
والاومليت اللي يسويه الذ اومليت ذقته في حياتي .. حاولت اقلده بس ماقدرت

+

يكوي الملابس ويصفطهم بطريقه احترافيه .. استحي اقول اني تعلمت منه هالشي

بانتظار مشاركاتكم الجميله

 

[*E.B.D.A.3*]

حياتي الله يخليكم لبعض :**

انا وزوجي نحب غسيل المواعين ... تشوفين كله مسوين زحمه عند الحنفية
لووول
تعودنا بمجرد ان نخلص، نلم المواعين ونتجه للمطبخ

اما الطباخ كله علي لان وايد غشيم بهالسوالف
ومره خليته يسوي بيض عيون .. صار بيض امعاء!!
اول مره اشوف بيض عامودي !! ؟؟
كااك
فلاعت جبدي وقلتله تكفه وخر !!

اما تنظيف البيت فهو مشترك بينا
خصوصا الاثاث ماقدر احركه او ادز .. فيساعدني فيهم
واهوه عنده عقدة قراطيس، يمشي ويلملم فيهم
ويشووف اصغر قرطاسه متكوكسه تحت اخر الكبت!!!!!
ليدرجة اني اشك انه اذا هذرا ، بيهذري على القراطيس!!
لوووول

وسلامتج حبيبيتي
:**

 

[كربون امها]

لا مايساعدني مو معقوله دوام وشغل في البيت بعد
شسالفه قلنا الزواج مشاركه بس مو لهدرجه احس حرام اتعبه

 

[شادن33]

ابداع ماشالله عليج انا اكره شي غسال المواعين
وبالنسبه لريلي ما يساعدني كلش انا والخدامه

 

[[[ عيون جابر ]]]

يحب يصف العصيرات واغراض الثلاجه فديته هوايته هذي والحمدلله يساعدني بكل شي مايقصر

 

[سمسمة كويتية]

اي والله ما يقصر يساعدني بالطباخ و غسيل المواعين و التنظيف و الكوي و غسيل الهدوم
باختصار كل شي
الله يخليه لي

 

[Pippa]

’

اي جذي الموآضيع بسكم هــم

وبلييييييييييز المتشآئمة وإلا ريلهآ مايساعدها وداشة تحلطم بسج بسج صدعتي روسنآ مو لازم تردووووووون


حبيبتي يعطيج ألف عآفية على هيك موضوع :***

 

[يآسمينه]

^
^
ههههههههههههه

 

[ElN00R]

هههههههه اي عن التشاؤم فكونا

 

[ام كوثر2007]

لا والله ما يساعد لانه شغل البيت مو من تخصص الريال ...

الريال يكفي عليه دوامه ولازم يرد البيت عشان يرتاح مو عشان يكرف

عيل ليش احنا حريم ؟ اذا مو قادرين انظف بيوتنا بروحنا ..


مو مشكله اذا بين فتره وفتره اشتها يدش المطبخ بالويك اند عشان يسوي عشا خفيف وتكونين معاه لكن بشكل يومي صراحه ما اشوفها حلوه .

 

[مولاي الفرج]

مابيه يساعدني كافي كلمه يعطيج العافيه تسوى الدنيا

 

[لحضت ضعف]

لااااااااااااااااااااالاااااااااااااااا ماسياعدنىىىىىىىىى باى شى

 

[simone]

انا الحمدلله دووم يغسل الملابس ويروحهن عالحبل ^^
ويحب يغسل المواعين ...
والمشاركة فكل شي مب عيب لو ساعدنا بعض ..
واكيد يوم بيشتغل من طيب خاطره محد جابرنه ^________^ خلكن كول بنات

 

[سمسمة كويتية]

لا والله ما يساعد لانه شغل البيت مو من تخصص الريال ...

الريال يكفي عليه دوامه ولازم يرد البيت عشان يرتاح مو عشان يكرف

عيل ليش احنا حريم ؟ اذا مو قادرين انظف بيوتنا بروحنا ..


مو مشكله اذا بين فتره وفتره اشتها يدش المطبخ بالويك اند عشان يسوي عشا خفيف وتكونين معاه لكن بشكل يومي صراحه ما اشوفها حلوه .

حبيبتي في الاسلام الاعمال المنزلية مو واجبة على الزوجة و لكنها تطوع منها و تعملها حبا في زوجها و رغبة منها في خدمته
و الرسول عليه الصلاة و السلام كان يساعد زوجاته و ما اتوقع انه زوجاته رضي الله عنهم كانو مقصرين حاشا لله

الزوج الي يساعد مرته مو مجبور هذا طيب منه و رغبه منه في مساعدة زوجته خصوصا اذا ما كان عندها خدامه

 

[ام كوثر2007]

حبيبتي في الاسلام الاعمال المنزلية مو واجبة على الزوجة و لكنها تطوع منها و تعملها حبا في زوجها و رغبة منها في خدمته
و الرسول عليه الصلاة و السلام كان يساعد زوجاته و ما اتوقع انه زوجاته رضي الله عنهم كانو مقصرين حاشا لله

الزوج الي يساعد مرته مو مجبور هذا طيب منه و رغبه منه في مساعدة زوجته خصوصا اذا ما كان عندها خدامه

من ياب طاري الدين بكلامي ؟

واذا ما تطوعت الزوجه علي قولتج بتنظيف بيتها . اشلون بالله يخيس البيت حق اللى ما تبي تتطوع ؟ عيل شنو هي واجبات الزوجه كزوجه فتحت بيت وتحملت مسؤوليه ؟

اما سالفه الدين هذى ما احب اخوض فيها ولا كان ردي اساسا له اساس بالدين والرسول وزوجاته انا قاعده اتكلم عن الريال وشغله بالبيت من وجهت نظري

 

[سمسمة كويتية]

من ياب طاري الدين بكلامي ؟

واذا ما تطوعت الزوجه علي قولتج بتنظيف بيتها . اشلون بالله يخيس البيت حق اللى ما تبي تتطوع ؟ عيل شنو هي واجبات الزوجه كزوجه فتحت بيت وتحملت مسؤوليه ؟

اما سالفه الدين هذى ما احب اخوض فيها ولا كان ردي اساسا له اساس بالدين والرسول وزوجاته انا قاعده اتكلم عن الريال وشغله بالبيت من وجهت نظري

حبيبتي ليش اسلوبج هجومي الله يهداج
و الي ما تبي تتطوع تقدر تييب خدامة ليش يخيس البيت ؟؟
بعدين أتوقع الدين أساس الحياة عيل احنا ماشيين على أي اساس
عمومما هذي وجهة نظر و الاختلاف في الرأي لا يفسد للود قضية :eh_s(17)::eh_s(17):
مع تحياتي لج حبيبتي

 

[Patcholli]

حياتي الله يخليكم لبعض :**

انا وزوجي نحب غسيل المواعين ... تشوفين كله مسوين زحمه عند الحنفية
لووول
تعودنا بمجرد ان نخلص، نلم المواعين ونتجه للمطبخ

اما الطباخ كله علي لان وايد غشيم بهالسوالف
ومره خليته يسوي بيض عيون .. صار بيض امعاء!!
اول مره اشوف بيض عامودي !! ؟؟
كااك
فلاعت جبدي وقلتله تكفه وخر !!

اما تنظيف البيت فهو مشترك بينا
خصوصا الاثاث ماقدر احركه او ادز .. فيساعدني فيهم
واهوه عنده عقدة قراطيس، يمشي ويلملم فيهم
ويشووف اصغر قرطاسه متكوكسه تحت اخر الكبت!!!!!
ليدرجة اني اشك انه اذا هذرا ، بيهذري على القراطيس!!
لوووول

وسلامتج حبيبيتي
:**

مت ظحك على كلمتج (( بيض امعاء ))
والصراحه شي جميل ماشاء الله تبارك الرحمن الله يديم هالحال بينكم ..
وصدقيني هالشي فيه متعه وكسر حواجز ويقرب الزوجين من بعض ..
واشوفه نوع من التعبير عن الاحترام والتقدير من الزوج لزوجته ..

 

[Patcholli]

لا مايساعدني مو معقوله دوام وشغل في البيت بعد
شسالفه قلنا الزواج مشاركه بس مو لهدرجه احس حرام اتعبه

عزيزتي انا اقصد المشاركه بين فتره والثانيه وماقصدت بالموضوع توكيل الزوج بمسؤليات المنزل بشكل رسمي والزامي .. اقصد انه لما يشوفج تسوين شغله معينه من كيفه يساعدج لانه يحب يسوي هالشغله .. واكرر مو بشكل يومي ولا الزامي :eh_s(7):

 

[Patcholli]

ابداع ماشالله عليج انا اكره شي غسال المواعين
وبالنسبه لريلي ما يساعدني كلش انا والخدامه

اشكر مرورج عزيزتي شادن :eh_s(7): ..
وصدقيني راح تحسين بمتعه كبيره اذا شاركج بشي بالبيت ..
جربي على يوم وقوليله اشرايك ندش المطبخ مع بعض ونشوف لمساتك السحريه .. اخذيها من باب كسر الروتين مو من باب الالزام والتحلطم .. خليها فصله حتى لو مره بالسنه

 

[Patcholli]

يحب يصف العصيرات واغراض الثلاجه فديته هوايته هذي والحمدلله يساعدني بكل شي مايقصر

مشاركه حلوه ويكفي انه له لمسه حتى لو كانت بسيطه
الله يتمم عليكم عزيزتي :eh_s(7):