هل يمكن تحصيل وظائف بشهادة دار القرآن ..

[وجــــد]

السلام عليكم ورحمة الله وبركاته ..


يعطيكم العافية ..

بغيت أسأل الله يعافيكم بخصوص اللي يدرس في دار القرآن بعد ما يتخرج من الثانوي
هل فيه مجال للتوظيف في هالشهادة والا انها ما تفرق عن الثانوي ..

أتمنى أحد يفيدني جزاكم الله خير ..

ومشكورين مقدما ..​

 

[عزتي مالها حد]

رد : هل يمكن تحصيل وظائف بشهادة دار القرآن ..

انا لو مكانج اروح استفسر بديوان الخدمة الخدمة المدنية يكون افضل

وعسى ربي يوفقج ان شالله

انا سمعت انها ممكن تكون محفظة بالاترجة
وممكن تتوظفين فيها ادارية بالمسجد الكبير

بس لو تروحين لديوان الخدمة المدنية تسألين يكون احسن

 

[قذلة نملة]

تتوظفين وانتي مغمضه والله العظيم اعرف وحده قدمت شهادة دار القران شهر سبعه

ونزل اسمها مع الاسماء الي امس بوزارة الاوقاف
والشهاده هذي مرغوبه عند الاوقاف ويعينونج مدرسه قران وتجويد بدار القران او الاترجه

 

[وجــــد]

رد : هل يمكن تحصيل وظائف بشهادة دار القرآن ..

عزتي مالها حد & قذلة نملة ​

ربي يعطيكم العافية ياالغاليات على الإفادة وماقصرتوا ..​

ربي يوفقكم ويجزاكم خير ..​

ألف شكر لكم ..​

 

[shmoo5 2ntha]

رد : هل يمكن تحصيل وظائف بشهادة دار القرآن ..

مادري والله والله يوفقج ياارب

 

[وجــــد]

رد : هل يمكن تحصيل وظائف بشهادة دار القرآن ..

شموخ أنثى ..

مشكورة حبيبتي على المرور
ربي يوفقج ويبارك فيج ..

 

[&شوارفسكيه&]

انا اختي درست فيه بعد الثانويه وقولو بعد كورسين تتعيين بالسكرتاريه وبعد 4 كورسات تتعيينين محفضه او شي جذيه بالاوقاف
والتعيين ما تنظرين الوزاره تعينج على طول
وهم انا دخت فتره وطلعت ونفس الحجي قالوه لي
بس ما كملت لوووووووول

 

[وجــــد]

رد : هل يمكن تحصيل وظائف بشهادة دار القرآن ..

&شوارفسكيه&

مشكورة على الإفادة حبيبتي ..
الله يعطيج العافية ..

دعواتي لج بالتوفيق ..

 

[وجــــد]

رد : هل يمكن تحصيل وظائف بشهادة دار القرآن ..

.

.طيب بغيت أسألكم يا بنات ..هل الوظيفة اللي تحصلها خريجة دار القرآن تكون معادلة
في درجتها وراتبها لخريجي الثانويه يعني تتوظف على الدرجة السابعة وراتبها يكون
ضعيف ..نوروني الله ينور عليكم دنيا وآخرة ..

 

[وجــــد]

رد : هل يمكن تحصيل وظائف بشهادة دار القرآن ..

.

للرفع ..

أتمنى أحد يفيدني بارك الله فيكم ..
ما عندي غيركم بعد الله أستشيره
وين أهل الخبرة ..

 

[** محبوبه**]

أب أب

 

[@عطر@]

نفس السؤال أنا أدرس بدار القرآن سمعت إنها توظف
ويقولون فيه مقابلة إذا نجحت يقبلونك والكلام كثييييييييييييييييييييييير كل وحدة تقول لي كلام وألحين أنا محتارة