هل يملك الوالدين حق سؤال أبنائهم عن مصروفاتهم المادية ؟

[*مطبخ الذواقة*]

هل يحق للوالدين سؤال بناتهم عن مصروفاتهم ؟
معاشج وين راح ؟؟ وحق منو هالهدايا؟؟
ممكن نسال الشاب عن صرفه الزااااايد ؟ والمعاش اللي يختفي اول ما ينسحب من البنك ؟
وهل ممكن نتغاضى عن صرف الشاب لكن البنت متسحيل ؟؟
خصوصا بعد ما نتشرت قصص في الجرايد عن بنات وشباب كانوا ضحايا لعمليات نصب من ؟؟


وممكن يسمح الشاب / اوالبنت لأهلهم طرح مثل هذا السؤال ؟


ولا ما يصير !!

وماذا يجووووز !!!

ومو من حقهم هالشي !!!!!

وهذة حريتي الشخصية !!!!!!!!!!!

ما اسمح لهم يتدخلوووووون !!!!!!!!!!!!!



شخصيا تنرفزني هذة الجملة : حريتي الشخصية !!

وللأسف انها تصدر دائماً من أشخاص يكونون " عبيدا" لنزواتهم مثل لفت الانتباه ولفت الأنظار
حتى ولو بقلة أدب وعدم احترام لذاتهم اولا و لأهلهم ثانيا

وعدم احترام دينهم بالدرجة الاولى

و اعتقد ان الاخبار اللي قريتوها في الجرايد بالفترة الخيرة تأكد هالشي ...





بانتظار ردود كم الكريمة ......

 

[نهى الأحمد]

هلا حبيبتي

ماشاءالله عليج تعجبني مواضيعج لانها شي يتعلق في حياتنا وحياة الغير


ومن خلال المناقشة في هذه المواضيع رح نفيد الكثير من متابعي المنتدى


بالنسبة لي

اكيد الوالدين لهم الحق في سؤال ابناؤهم عن مصروفهم او معاشهم
صحيح انه الأبناء لهم حرية شخصية لكن بحدود


ونظرا لحرص الوالدين على ابناؤهم ولانه هذا الزمان يخوف اعتقد هذا السؤال لابد ينسأل لكل الابناء سواء بنت او ولد

 

[granted]

انا ماعندي مشكله يسالوني واصلاً قاعد يشوفون ان ماعندي شي اخفيه
ابوي فديته كلش مايسال نهائياً
بس امي لمن اشتري شغلة تسال بجم وماله داعي وهالسوالف ولاتفسفسين فلوسج :/
مع اني اعتبر نفسي اقتصادية بالمصروفات عكس اخواني لكن امي مو شايفة جذي كلش
بس السالفة اذا لا تشترين هالشغله ولا تركي هالخرابيط وشحقه وليش
لا لالالامااحب يتحكم فيني حد وماحب حد يحاسبني !!
يعطيج العافية

 

[*مطبخ الذواقة*]

هلا حبيبتي

ماشاءالله عليج تعجبني مواضيعج لانها شي يتعلق في حياتنا وحياة الغير


ومن خلال المناقشة في هذه المواضيع رح نفيد الكثير من متابعي المنتدى


بالنسبة لي

اكيد الوالدين لهم الحق في سؤال ابناؤهم عن مصروفهم او معاشهم
صحيح انه الأبناء لهم حرية شخصية لكن بحدود


ونظرا لحرص الوالدين على ابناؤهم ولانه هذا الزمان يخوف اعتقد هذا السؤال لابد ينسأل لكل الابناء سواء بنت او ولد

مشكورة يالغاليه هذا من ذوقج فديتج ...

انا ماعندي مشكله يسالوني واصلاً قاعد يشوفون ان ماعندي شي اخفيه

ابوي فديته كلش مايسال نهائياً
بس امي لمن اشتري شغلة تسال بجم وماله داعي وهالسوالف ولاتفسفسين فلوسج :/
مع اني اعتبر نفسي اقتصادية بالمصروفات عكس اخواني لكن امي مو شايفة جذي كلش
بس السالفة اذا لا تشترين هالشغله ولا تركي هالخرابيط وشحقه وليش
لا لالالامااحب يتحكم فيني حد وماحب حد يحاسبني !!
يعطيج العافية

والله حبيبتي اذا كان صرف البنت او الشاب بحدود المعقول اوكي عادي ..

لكن المشكلة لما بنات مثلا يشترون هدايه غااااااااااااااااليه ويهدونها حق الشباب " البوي فرند " مثلا
ومرات توصل الهدايا الى سيارات !!


هذا اللي نقصده .. الصرف اللي يتحول فيه الحلال " الراتب "الى حرام ...
والصح يصير غلط ...

يعني مرتبها عالي والحمد الله تلقينها فريسة حق كل واحد نصااااب ..


اذكر لكم قصة لبنت اهلها ماعرفوا انها ماخذه قرض الا لما تقدم لها شاب يخطبها وسال اشكره " عليها قرض ولا لا "

طبعا الام قالت لا .. لكن البنت قالت : نعم عندي قرض !!!!!!!!!!!!


تخيلواااااا الموقف السخيف اللي حطت فيه اهلها ...


بينوا صج ما يعرفون شي عن بنتهم!!!!


ماراح نظلمها لانها كانت ماخذه القرض كنوع من الصرف الزايد عشان تكون بمستوى رفيجاتها اللي في الدوام وفعلا كانت حاطته وديعة بالبنك !!

بس مااااااااااااااااااااااا يسوى عليها والله ...


فاذا ما كان في رقيب ذاتي بداخل البنت المفروض الرقيب يكون الاهل الام والاب .. وحتى ممكن الاخ ..


ولو ان الحين دور الاخ بدء يختفي في مراقبة سلوك الاخت ..وحنا نركز على البنت لانها تاثر على نفسها وعلى العايلة باكملها ....وبصراحة اكثر ما ودنا بناتنا يكونون ضحايا حق عمليات النصب واللعب بالعواطف

ام يوسف
*مطبخ الذواقة*

 

[*مطبخ الذواقة*]

 

[Miss Cherry]

انا يوم قريت موضوعج كان لي رد بس تغير بعد ماقريت ردج الأخير


اهو صراحة الاستقلال المادي مطلوب .. يعني الواحد معاشه ملكه محد له حق يحاسبه على مصاريفه ومشترواته بحدود المعقول

بعني انتي قلتي لو بنت صرفت على رفيجها .. اهني اقول وين دور أهلها مو بالصرف بعلاقتها وبطلعاتها

أنا وحده أعطي هدايا وأحب إذا عطيت هدية تبيض الوجه بس للي كفو فما أحسها خسارة صج انه صارت أني أهديت بنات مو كفو بس الحمد لله مو متحسفه على شي

يعني أوضح أكثر بنت تصرف على نفسها وعلى لبسها بدون خل نقول سلف وديون أقول عليها بالعافية ومحد له شغل معاشها وهي حره فيه بس تصرف بأمور ثانية ممكن الأهل يتدخلون

 

[miss $_$ semsem]

طبعا اذا عيالهم تقصدين اللي مو متزوجين اكيد مع السؤال بس في اللي يسألون حتى المتزوجين بس اذا تقصدين هم هذول معاهم فأكيد ضد

بس آنا ضد بشغلة
إن يسألون البنت ولا يسألون الولد وهالشي وايد خرب شباب

عالعموم آنا مع السؤال وبالعكس آنا لي كنت مكان هالأم اكيد بسأل بنتي و ولدي الدنيا تخرع وفي أوادم بسرعة تفر الراس

 

[JANAA]

هلا حبيبتي

ماشاءالله عليج تعجبني مواضيعج لانها شي يتعلق في حياتنا وحياة الغير


ومن خلال المناقشة في هذه المواضيع رح نفيد الكثير من متابعي المنتدى


بالنسبة لي

اكيد الوالدين لهم الحق في سؤال ابناؤهم عن مصروفهم او معاشهم
صحيح انه الأبناء لهم حرية شخصية لكن بحدود


ونظرا لحرص الوالدين على ابناؤهم ولانه هذا الزمان يخوف اعتقد هذا السؤال لابد ينسأل لكل الابناء سواء بنت او ولد

انا مع نهوي بالرد لازم نسال عن اعيالنا حتي لو اكبروا ونصحهم ادورنا مش بس لما يكونوا يهال صغار مراقبتهم ونصحهم لا حتي عند الكبر

 

[Perfume]

من حقهم اذا كانوا مسرفييين يصرفون بدون تعقل او من باب النصيحة
بس اذا كان صرفهم بالمعقوول او كانوا متزوجين لا ماله داعي السؤال
اما اللي تصرف على رفيجها هذي مايبيلها سؤال عن المعاش يبيلها رقابة وتربية من اول ويديد

 

[*مطبخ الذواقة*]

شي طبيعي ان تكون للبنت الغير متزوجه حياة اجتماعية سليمة ... تتطلب منها الصرف بمناسبات معينه او حتى بدون مناسبات يعني البنت طبيعي تهتم في نفسها وبمظهرها الخارجي ... احنا ما نقصد هذا النوع من الصرف بالعكس انا مع ان البنت بالذات الغير متزوجه انها تصرف على نفسها بشكل يرضي خاطرها ويحقق لها الشي اللي تبيه مستحيييييييل نطلب منها تكون بخيله على عمرها مثلا بحجة التوفير ...



القصد من طرح الموضوع هو الصرف الغير مبرر على امور محرمة شرعا !!

تذكرون في حلقة من حلقات تو الليل ناقش فيها المحامي خالد عبدالجليل قضايا نصب تعرضوا لها بنات

تحت مسمى الحب والزواج ...واستعرض مشاكلهم بشكل واااافي وصريح ..



و ممكن تكون على قولتكم البنت او الشباب بعد بحاجة الى التربية مرة اخرى ...

بس الى متى ؟؟

متى المفروض يكون عندهم احساس بالمسؤولية تجاه نفسهم اولا واهلهم ثانيا ...


والبنت اللي تتمتع بثقة اهلها لازم تكون كفووووووو لهالشي وقد المسؤولية ..



نفس الشي بالنسبة للشباب

ترى هم بعد في شباب ضحايا لبنات " عشقوا اللعب بالنار "



صرنا في زمن تبتز البنت فيه الشاب وتهدده




نعم ... يمتلك الوالدين حق طرح هذا السؤال ...

لكن هل يملكون الحق بالحصول على الاجابه ...؟؟



وبالنسبة للمتزوجين ..

اعتقد هني يختلف الموضوع لان كل واااحد راح يكون رقيب على الثاني بشكل او باخر ..

فما يحتاج الموضوع بهالحالة تدخل الوالدين ....





الحوار معاكم ممتع ...

 

[بنت النوخذا]

مشكوره يا الغاليه
موضـــــــــــــوع طيب ومميز

اتكلم عن نفسي ..... اكيد لازم يكون هالشئ
لانه السؤال بهذي الامور ..... والحين الوقت يخرع
لابد م الاهل متابعت عيالهم ومراقبتهم من قريب و من بعيد

لازم الابناء يستفيدون من خبره الكبار
سواء صغار بالعمر او شباب او موظفين او حتي متزوجين
لابد انه اهلهم يخافون عليهم وينصــحونهم
يعني دور الام و الاب بس الي عمر 10 سنين مثلا بالطبع لا
لازم بين وقت والثاني يفيدون اولادهم بخبرتهم و خبرتهم غيرهم
يعلمونهم شلون يجمعون القرش الابيض لليوم الاسود
شلون يكونون ثروه بسيطه .. يجمعون يشترون سياره
او يجمع الشاب اذا توظف حتي يفتح بيت و ياسس اسره
يعلمون البن شلون تقتصد و تحافظ علي معاشها وبلا هدايات وشكليات مبااااااااالغ فيها
يعلمون اطفالهم انه عندهم مصروف جيب لكن ما يشتري العاب غاليه و تتكسر وتنرمي


ليش تاخذون النصيحه و المتابعه
علي انها تعدي للحريه الشخصيه
وعلي فكره ترا فهموم الحريه الشخيه الناس فاهمته غلط

بالعكـــــــــــــــــــس
ياااااااابخت من عنده اهــل يخافون عليه و ينصحونه و يتابعونه
و يعطونه من خبراتهم وتجاربهم

لانه الســــــــــــــــــــــــــنين القادمه
مــــــــــــــــا راح تكون مثل هالايام
بتكون ايــــــــــــــــــــــام اكثر شده و صعوبه

الدنـــــيا تغـــــيرت

انتبــــــــهوااااا

 

[*مطبخ الذواقة*]

ليش تاخذون النصيحه و المتابعه
علي انها تعدي للحريه الشخصيه
وعلي فكره ترا فهموم الحريه الشخيه الناس فاهمته غلط



==)) ومنو يقدر يفسر المعنى الحقيقي للحريه الشخصية ...؟؟

اذا صرنا بزمن ينطق فيه الاب وتنطق فيه الام الا لمجرد انهم احتجوا على صرف الفلوس بالامور المشبوهه ؟؟



الاعلام له دور كبير لكن للاسف دوره سلبي !!!

شوفوا اغلب قصص المسلسلات واعمال الدراما ..فيها اغراء كبير للبنات يدفعهم لتكوين هذا النوع من العلاقات ...


يعني اذكر في مسلسل البطل فيه كانت رفيجته طووول الحلقات وهي بس اطرش ورد واطرش هدايا ...!!

ومسلسل ثاني ...يصرف البطل فيه هدايا بخباااااااااال على رفيجته !!



نعم هذا الشي موجود لكن كثرة طرحه تخلي اي شخص يعتقد انه هذا الشي عاااااادي ومسموح !!!

والواقع طبعا عكس ذلك ....



((بالعكـــــــــــــــــــس
ياااااااابخت من عنده اهــل يخافون عليه و ينصحونه و يتابعونه
و يعطونه من خبراتهم وتجاربهم))

معاج حق ... يا كثر اللي اندموا لانهم ماحصلوا احد يسالهم ؟؟

او يتابعهم بحرص وخوف ...



اسعدني مرورج الكريم





​

 

[*مطبخ الذواقة*]

بانتظار مزيد من الاراء ....

 

[رفـاعية]

في حالة ان العيال ليحين يآخذون مصروف من اهلهم فأتوقع من حق الاهل يسألون عيالهم وين راحت لفلوس و يحاججونهم

 

[M!SS.LOBY]

يعطيج العافية يامطبخ ذواقة روووعة موضوعج

 

[*مطبخ الذواقة*]

رفاعيه ..شاكرة تواجدج بالموضوع ..واقصد الأبناء المستقلين ماديا يعني الموظفين أو الموظفات ..


ميس لوبي مشكورة فديتج ....تواجدج الدائم في مواضيعي يسعدني ...ماقصرتي .

 

[manoooram]

ما أشوف فيها شي يصير

 

[*مطبخ الذواقة*]

ياريت يكون الكل له نفس وجهة نظرج ...


شاكرة مرورج الطيب ....