هل يوجد حل لهذه المشكله الصعبه!

[سنريت سوسو]

السلام عليكم و رحمة الله و بركاته

صراحه انا حابه ابدي بالموضوع على طول

بنات انا عمري 15 سنه
و عندي اخو واحد و اربع خوات
و ابوي متوفي الله يرحمه
انا اصغر وحده
و مشكلتي اهيا امي

امي اخخخخ الله يصبرني عليها
والله يا بنات كل يوم لازم تدعي علي
بس والله العظيم اني ما اقولها شي و محترمتها و احب راسها
و احاول اسوي اي شي عشان بس اسمع تقولي الكلمه الطيبه
تخايلوا يا بنات والله حتى الوايرلس مالنا ما تخليني اشبك منه
و اذا خذيته الله لا يوريكم سب سب و ادعاه مااادري ليش يعني صج شي معقد
اخوي حيل مدلعني و و يحبني عسى الله يخليه لي
و امي تغار مني دايما تقولي طلعي خلي اخوج و تحاول تفرقنا
يعني ما اقدر اصف شنو فيني والله اذا تهاوشت انا و اختي دايماً والله والله
انا الغلط و اختي الصح مافي مره و قتفت معاي
و اتفشيل جدام بنات خالتي جدام اخوي حتى والله جدام السايق و الخدامه
والله اني اكتب الوضوع و ابجي والله انا مو من النوع اللى ما يحترمون امهاتهم انا محترمتها بس والله من كثر السب و الطق بأي شي و ادعاه ادعاه ادعاه اخخ بس لو تسمعونها والله خواتي بعض المرات يقعدون يبجون عيل انا شي صير فيني والله اقعد افكر اقول ليش ليش ليش ابي افهم ليش كل هل حقد ليش ليش كل هل عذاب و على اتفهه الاسباب
والله انها ما تسأل عني ولا تسئلني درستي ولا تغديتي و حتى لمن اصير مريضه
اقولكم كأني مو بنتها
يعني والله عادي لو كل خواتي نفسي بس خواتي غير كله يا عمري و ياقلبي لهم وانا ولا كلمه حلوه لي والله و بهل اذان يأني مو من النوع بنات هل زمن اللى يزفون امهاتهم والله انا غير
بس ليش هل حقد مااادري تكفون بس تعبت والله تعبت افكر بأشي عشان افتك من هل عيشه
و اسفه اذا في بعض الكلمات غلط لأني مو نايمه ثلاث ايام و هل دموع ماراحت من عيني و هل تفكير مواصل بمخي

 

[tt2tt]

الله يعينج

 

[بيان العود]

طيب كل مشكله ولها حل كلمي خالاتج اواخوج والاجدتج اوخواتج يتفاهمون وياها مايصير هالمعامله وانتي الله يهديج تجنبي اي شي يضايفها وحتسبي الاجر ​

 

[يآمقسمني عشآير♥]

هنا حل المشكله

بعيد عن المنتدى


pin:271e5f30

استح على ويهك بنات لحد يضيفه تكفون هذا ريال :eh_s(8):
عنده رد من ردوده اهني كاتب بيداوي اجرح واداوي :eh_s(4):

 

[أعشقه]

الله يعينك يا قلبي هذي امك يعني وش تسوين ..
مالك بد منها ومالها بد منك ..
توك تقولين سويت لها كل شي عشان بس ترضى علي واسمع كلمه زينه منهاا بس بدون فايده ..
يعني وش باقي تسوين .. خليك ع مانتي عليه سوي لها كل شي تبيه وتقربي منها حتى لو حسيتي انها جافيه معك
اذا هي بتحن عليك بتحن .. مافي غير كذا .. ربي يهون عليك وتوك صغيره المفروض الدلع لك ..
اذا كلش بالمره ضاقت فيك الدنيا لا تكتمين تكلمي لا اخوك الي تقولين فاهمك وكبير وراح يصلح الامور بينكم ..
الافضل لا تلجئين لا اي احد من برى وانتبهي لنفسك ياقلبي ..
ربي يعينك ويغير حالك

 

[أغنية البحر]

ياقلبي عليك ,,الله يعينك
أكيد في شيء خلاها تعاملك كذا
شوفي خواتك بايش يتقربوا لها عشان تعاملهم غير عنك..

 

[سنريت سوسو]

للأسف ماعندي الا خاله وحده و مو حيل معاها
و جدتي الله يرحمها
و خواتي مثل ما قلت ماادري ليش غير يمكن عشان شوي اكبار
بس يعني حتى انا كبيره و المفروض تحترمني على الاقل
المشلكه يا بنات الغلط مو مني !! و اللى معقدني اكثر ما اادري ليش ؟
على العموم مشكورين والله يعطيكم العافيه حبايبي
بس تكفون ابيكم تدعولي

 

[سكوتي بذوقي]

ادعي الله

يحنن قلبها عليكِ

يارب تلين قلب ام سنريت سوسو

وتخليها تحب بنتها

 

[رانا ***]

معلش حبيبتى
هيال تحبك اكيد انتى قطعه منها

لكن يمكن لانك الصغير واخواتك كبار تحس انك فطفوطه وماتبى تدلعك
او لاى سبب المهم انها تحبك وكونى متاكدة
عليكى بالدعاء ثم الدعاء
تكلمى معاها قولى لها كل ال بقلبك لكن بأسلوب حلو
كلمى اخوكى واكيد هوا بيوصلها الكلا
ولو ماتغيرت انتبهى لدراستك واطيعيها وبس ولايحمل الله نفس الا وسعها
واتركى الباقى للايام اكيد بتتغير وتقرب منك

 

[هيبة فتاه]

لا انتي صغيرهـ اكيد تنرسم هالاشياء في بالج لما تكبرين راح تتحسن علاااقتج فيهااا
وانتي عاد خليج دؤؤؤوم عند حسن ظنهآآآآ

 

[.. آبيك لي ..]

طيب مآحآولتي تكلمينهآ تقعدين ويآهآ تشوفين ليش تعآملج جذي ؟

دآم سويتي كل ششي خلآص متى مآحن قلبهآ عليج حنن وبتلآحظين فيهآ
خليج عند أخووج آلله يخليه لج ولآ يحرمج من دلعه وحنآآنه
ولآ تقصرين في حق آلوآلد فأي كآن هآذي أمج

وآلله يحنن قلبهآ علييج َ ربب آلعآلمييين

 

[منو انت]

الله يهديها يارب ومافي شي صعب على ربج وكل شي وله حل بس انتي ادعي لها بالهدايه ليل نهار

 

[زينة الجهراء]

حبيبتي انتي لاتقطعين الامل ربج فوووق ماينسى عباااادة اكثري من الاستغفااار ومن الالحاح بالدعااااء
وان شاااءالله اناوالخوااات ماااارااح نقصر بالدعاااوي
اللهم يلين قلب امج عليج
اميييييييييييييييييييييييييييييييييييييييييييييييييييييييييييييييييييييييييييييييييييين