هموم ويوميات رئيسة قسم

[بنت حمايل 2]

للأمانه إختي رئيسة قسم زكل يوووم تتحلطم وتشتكي من أبلاتها:eh_s(16):
وأنا أقووول زفيهم اشتكي عليهم :rgewrg:
تقول :- لا هذا قسمي ولازم أحتويييه:eh_s(7):
يعني شنو أحتوي؟؟؟؟؟؟؟؟؟؟
عالعموم هذي أول سنه وأبيها تستفيد من خبراتكم:eh_s(10):
جذيييه فتحت الموضع وتحس إنها مو بروحها تعاني ...........
ولكم الأجر :yaaaaaarb:

 

[درة أهل الطولات]

يعني تكسبهم وما تطلع مشاكلهم براا

 

[PuPa^^SWeeT]

لازم اتفرق بين انها تحتويهم و انها اتصيد رئيسة علييهم

لازم اتعلمهم انها تبي منهم كيت كيت كيت من البداية ولا ترا يمصخونها وياها

 

[بنت حمايل 2]

قالتلهم تراوالي بس يفشلونها مرات

 

[كل شيء عادي]

لازم رئيسة القسم تقوم بكل مسؤلياتها كاملة بعدين تطالب أبلاتها يقومون بمسؤلياتهم
يعني إذا كانت رئيسة القسم ملتزمه بحصصها وماتخلي الابلات يشولونها وتروح تستأذن
وتهتم هي بنفسها بسجلاتها وماتشيلهم وحده مسكينه من الابلات
وماتستأذن يوميا وتكتب انها رايحه للمنطقه وتروح تفرفر بالسوق
ولازم رئيسة القسم تهتم بتبديل الحصص والاستأذان لابلاتها مو تقول مالي دخل روحي انتي كلمي الوكيله!!!
وتحاول ترقع لهم دائما عند الاداره وتبين انهم يشتغلون ويتعبون كفايه ان الابله تدرس بذمه وضمير
وتبلغهم بزيارة المديره والموجهه وماتكون نذله تكلم الموجهه الصبح ونسألها بتيجي تقول لا وبعدين فجأه يطبون عليها الحصه
وتتكلم مع الابلات بكل احترام وتقدير حالهم من حالها مو شغالات عندها
هذيك الساعه تمسك الورقه والقلم وتجتمع بأبلاتها وتخليهم يكتبون الاعمال المطلوبه منهم وتوقعهم عليها
وبكذا راح تلاقي ابلاتها ملتزمين وحتى لو طلبت منهم اي شيء إضافي راح يسوونه تقديرا لها

 

[بنت حمايل 2]

واي حيل شايلة يا كل شي عادي
أما بالنسبة للي قلتيه كل هذا ما سوته إختي
ورغم هذا قليلات أدب وياها مولازم الأبلات دايما مظلومات

 

[توتي فروتـي]

...

الله يكون في عونها رئاسة القسم مسؤوليه .,

 

[بنت حمايل 2]

جزاج الله خير فعلا مسئولية وعوار راس