هوس التبييض عند البنات .. امبيه وين ثقتج بنفسج !!!

[مراام]

قوووووووووووووووووه



بنات انتو ملاحظين هوس التبييض هالايام !!وااى شي مو طبيعي كل مادش قسم العنايه بالبشره والجسم اشوف اغلب المواضيع عن التبييض والبنات حالتهم متأزمه اللى تبجي واللى تقول تكفون ساعدوني انا بأزمه واللي واللي .. وين ثقتج بنفسج وين اعتزازج بشكلج ولونج .. ليش البنات معترضات على خلقه ربهم .. والله مرات يكسرون خاطري


اتذكر بنيه ايام الدراسه تموت وتصير بيضه وان بطلت موضوع عن التبييض تقعد تتحلطم وتقول انا منو بتزوجني وانا منو بطل بويهي مع العلم انه لونها برونزي يهبل واحلى من البياض وايد <<< ترا احبكم يالبيض _03BA: ..


والله يابنات ترا هذه حاله مو طبيعيه حتى بالحفلات اشوف اغلب البنات تارسين ويوههم ميك اب جنه كاتين بويههم طحين ابيض اشكالهم تخرع حيييييل ويقولون هذا الجمال .. شهالحجي الفاضي من متى الجمال يتحدد على لون البشره وين ملامح الويهه وين الطول والجسم وين الاناقه والاخلاق هذا كله بالنسبه لج مو جمال !!!!بعدين الجمال ماله مقاييس ومايعرف بيضه ولا سمره .. ياما شفنا بنات بيض جياكر وشفنا بنات حنطاويات وسمر وجمالهم مو طبيعي .. حتى الرياييل كل واحد وله ذوق والناس اذواق يابنات ليش جذي ماكو قناعه بالنعمه اللى عندج و ترا ماكو بنيه جيكره .. قناعتى تقول اكو بنات مايعرفون يبرزون الجاذبيه اللى فيهم


مادري صراحه احس انى موعارفه اعبر عندى حجي يقرقع بقلبي :eh_s(1): بس حابه اشوف ارائكم بالنسبه لهالموضوع

 

[بنت الاحلام]

معاج حق اختي والوحده مستعده تاكل دوا وتودي نفسها للتهلكه عشان بس تصير بيضه الحمد لله
والله السمر والحنطيه والمملوحه شنو فيها كلها حلا وزين

 

[اتعبني غروري 7]

صحححح كلامج ..
انا حنطاويه واموت بلوني
بس المشكله (( الخرايط الي بجسمي ))

يعني هم النفسيه تتعب اذا الجسم اسم الله عليه ما زعل لون من الالوان

البياض حلو والسمار حلو .. بس اذا كان صبه وحده .. مو اشكال والوان بجسم واحد

هذا الي البنات يبونه .. لانه مافي وحده غبيه فجأه بخلطه وحده بتصير كلينكسه
عالاقل لوون واااحد ..

مادري خل نشوف البنات شقولون وارد مره ثانيه عشانج .. اذا ممكن يعني اتابع موضوعج

 

[ĎєνiL.ĞιRL]

❤❤

❤❤


انا كذوقي الشخصي ..

كلش ما احب لون البشره الابيض ..

واصلا الاجانب كلهم تعالي شوفيهم كله سوالف تان وميتين يصيرون برونزيين ..

احلى لون اللون البرونز ماكو عليه .. ناطره تصير العطله علشان اجابل البحر ..

واصير منهم لوووووول !

 

[A7la-SmiLe]

هلا و غلا ب مرام

انا الوحيدة بين اهلي الحنطاوية واهلي كلهم بيض عاد مرات يتطنزون علي (والله لوني حلو)
------- حاصلهم بس
ومن تزوجت امي ماخلت كريم تبييض الا ويابته لي
بيني وبينج كنت اتظاايق يعني انا لوني جذي سوالف تبيض وسوالف خلطات ومادري شنو ليش ؟ اخر شي زعلت وسويت اللي ابيه
تدرين مع اني حنطااويه السبت اللي طاااف رحت البحر وصبغت
هاذي خلقة ربي ومثل ماقلتي مافي بنت موحلوه

يعطيج العافيه​

 

[زيـنـه]

انا وياج بكلامج .. و كله و لا اللي مغطسين بفاونديشن ابيض .. تشوفينهم بالحفلات ملطخين كل شي .. كل مكان بجسمهم .. و حتى بدلاتهم تبقع من اللون .. على منو ؟ منو بيقصون عليه ؟
البياض الطبيعي مبين .. والكريمات تبين .

افتح المناطق الغامجه بالجسم باستخدام ادويه طبيه و باستشارة دكتور اوكي .. بس التلطخ بالاساس و اقول انا بيضه والشكل تقولين شبح ..ما اايد هاشي .

كل شي طبيعي على خلقة رب العالمين حلو .

 

[flower._.girl]

ملكه جمال ايران برونزيه عجييييييييييبه ماشاء الله اهم شي توحيد اللون
اتوقع هذا اللي يبونه البنات ومو قادرين يعبرون​

 

[BaTTy]

صاجين البنات اهم شي توحيد اللون مو تبيض
و انا لاحظت هالشي يا صاحبة الموضوع
ابر تبييض حبوب تبييض كريمات تدش فيهم بريعصي مجفف عشان يبيض @@
سوالف غريبه عجيبه
عادي على يوم تلقين موضوع بالاستفسارات الجماليه مايكل بأي عياده غير لونه لوول الحمدالله و الشكر
انا سمره بس يعني فاتحه و اعتز بلوني جدا و وايد ناس الحمدالله يمدحونلي لوني يعني مادري شفيهم البنات كاني سمره و ما حسيت بأحساس بصير بيضه
كل شي و له جماله السمر لهم سحر خاص و البيض هم لهم جاذبيه خاصه حتى الوان العيون سبحان الله كل لون و له جاذبيه و حلاة غير عن الثاني

 

[dr.elzain]

صح كلام اللي قبلي اهم شي توحيد اللون !
مو مهمه الدرجه كثر اهمية توحيد اللون والبرونزاج اصلان ستايل وراقي

 

[ابيار علي]

انا اشوف انه البياض احلى على البنت
واكثر الرياييل يحبون البيضه
عشان جذي كل البنات يدورون البياض

و لف شرطان الذهب فووق المتون

 

[مراام]

انا اشوف انه البياض احلى على البنت
واكثر الرياييل يحبون البيضه
عشان جذي كل البنات يدورون البياض

و لف شرطان الذهب فووق المتون

على أي اساس حكمتى انه البياض احلى على البنيه !!!! ومن متى مقاييس الجمال والحلى مرتبطه باللون هذا تفكير رجعي حبوبه .. الجمال متواجد بكل الوانه بس الشاطره تعرف شلون تبرزه وبعدين شفايده البنت اللى تكون بيضه بس لا ذوق ولا سنع ولا ملامح جذابه لووووول

 

[ابيار علي]

واشيااب سالفه الذوق والسنع بالموضوع انتي سألتي عن اللون مو عن الذوق
وبعدين انا قلت رايي يعني وجهة نظري انا

 

[مراام]

انا عارفه انج قلتي رايج .. والموضوع طرحته على اساسا اعرف ليش هالفكره معششه براس اغلب البنات وردج لفت نظري وانج تقولين اكثر الرياييل يحبون البيضه من وين لج هالحجي مسويه احصائيه اختى .. ورايج اكن له كل الاحترام

 

[روح مغليهآ]

اهم شي اللون المتوحد والملامح الجذابه مو شرط جميله في بنات عادين بس ملامحمهم كيوت وجاذبيه والبنت بطبعها واخلاقها تحلي كل شي
ولاتزعلون(سمرة وبيضه حلوين)

 

[نيــلــوفــر]

اوكي قلنا البياض حلو
بس مو معناته كل البنات لازم لازم يصيرون بيض !!
كل بنت و لها لونها و سحرها و جمالها
ويا حلات السمرا ولا الحنطاوية المملوحة
وصح كلامج

 

[ابيار علي]

وبعدين اذا صاير هوس عند البنات فاا اعتقد كيفهم كل وحده اتدور الشي اللي يبرز جمالها سواء بالتبيض او التسمير
يعني ماله شغل بسالفه عدم الثقه بالنفس
يعني الحين اللي اتحط مكياج ماعندها ثقه بالنفس

 

[ابيار علي]

انا عارفه انج قلتي رايج .. والموضوع طرحته على اساسا اعرف ليش هالفكره معششه براس اغلب البنات وردج لفت نظري وانج تقولين اكثر الرياييل يحبون البيضه من وين لج هالحجي مسويه احصائيه اختى .. ورايج اكن له كل الاحترام

اي امسويه احصائيه اشرايج انتي

 

[CUTE ENGINEER]

آنا أعتقد البنات يقصدون توحيد اللون يعني الإيد الركب الكيعان المناطق الغامجة يوحدون لونها مع باقي الجسم
بس صراحة موشرط البشرة البيضة تكون لايقة عالكل أما حبوب التبييض اللي ياخذونها فأعتقد إنها مبالغة
وشعور بالنقصكل درجة لون ولها حلاتها

 

[violet*q8]

صح كلامج
وفي بنات تلقينهم بييض بس هوسهم موو بالتبييض يمكن بالرشاقة والعكس
وهم في مبالغة في طرح الموضوع يمكن مو مهم لهالدرجة بس تبي حل سريع مستعيلة :ada:
انا لمن اشوف مواضيع البنات عن التبييض لا اراديا اطبقهم واساسا ماني مهتمة بالتبييض ولا افكر بس انجذب حق هالنوع من المواضيع لوووووووول
وشكراااا

 

[مراام]

اى سالفه توحيد اللون شي ثاني انا بعد دايما ادور على خلطات توحيد اللون بس التبييض غير واللى تحاول تبييض روحها جنها تحاول توصل رساله لغيرها انى مو مقتنعه بشكلي ومو حابه لوني او مفتشله منه وهذا دليل على ضعف ثقتها بنفسها


up up

انتظر اراء البنات