هوس التبييض عند البنات .. امبيه وين ثقتج بنفسج !!!

[soulmate]

صح كلامج بس انا اتوقع هالهوس مبالغ فيه يعني حلات كل بنت بلونها صراحه البيضا حلوه ببياضها والسمره حلوه بسمارها
مو اغير من لوني عشان اصير احلى

 

[Flower20]

ايي فيه بنات يدورون البياض واهم سمر

ما يصير!! جينات هذي

انا عن نفسي جسمي مرقع وادور توحيد اللون

 

[قلبين وسهم]

معاااااااااااااج حق حبيبتي بس انا مع اللي تهتم برووحها وتوحد لوونها مو تغيره ومادري شنو

بالعكس الثقه بالنفس حلووه واهيا ثلاث ترباع الجمال بس العنايه تعطي البنت رونق خاص << حلووه رونق مادري من وين طلعت ههههههههههه

يسلمووووو عالموضووع وعسى البنات مايتأزمون من هالسوالف والله ماتسوى


يازين خلقت ربي ماكوو احلى منها

بالتوفيـــــــــــج

​

 

[أبتسامه]

الله سبحانه وتعالى عطى كل انسان شكل ولون يقبى عليه (مافي احلى من خلقت الله )
يعني بيضه تبي تخلي روحهاا سمرااا والعكسسس السمره بتخلي روحهااا بيضه ....والنعومه الي ملامحههه تجنن لازم تحرف وتشكل للأضخم ..... يعني جذي احلىى بنسبه لهممم ؟؟؟

حيل احب البشره السمره بس بشرط على صفاوه وبشره نظيفه ووووياما اشوف بنات سمررر يجننون والبيض هم حلوووين

 

[أنستاسيا]

سمرا ولا بيضة المهم بشرتها صااافية و نضيفة

بنت اختي سمرا و هي الوحيدة بالعيلة السمرا لو تشوفو اديه مبسوطين عليها

 

[كريستال ليدي]

بصراحه شخبااااااري البيضه الحين كل الناس صابغين برونز منو يبي يسير ابيض
بس الناس اذواق

وتسلمين على الطرح

نفس رايي

 

[soseta]

صح كلامج , بس اعتقد مواضيع التبييض يمكن القصد فيها تفتيح الاماكن الداكنه ..
يعني ساعات الركب والكوع وهالسوالف يكون لونها غامج والبنات ميتين على هالشي , اذا جذي فانا اشوف هذا شي عادي واسمه اهتمام ويبون جسمهم يكون شكله ولونه حلو ..

بس اذا البنت ماشاءالله بشرتها لونها واحد وميته تبي تصير بيضه فهذي الحمدلله والشكر الله يعينها على نفسها , لان تشوفينها الحين تبي تكون بيضه بعد جم سنه تقول لا ابي اصير سوده , هذي الحمدلله والشكر مريضه ومعقده وماعندها ثقه بنفسها

انا اموت وافتح بعض المناطق الداكنه اللي عندي عشان يصير لونها واحد مع جسمي , بس لوني عادي مافيه شي , حتى بالعروس احط كريم اساس غامج والا نفس لون بشتري , عادي مو عيب

 

[Stylista_Q8]

اهم شي بالموضوع انه وحده من العضوات

تقول لما اشووف البيضة احس انها نظيييفة > والسمر مالهم رب ؟!!

 

[بنت الكويت90]

اي والله عدل كلامج....>>>>>.حنطاويه

 

[$الـــحـــلاوه$]

انا احب البشره السمره اكثرررر

 

[Gap Junior]

اعارضج لمن قلتي ان اللي بتصير بيضة دليل ما عندها ثقة بنفسها !!

ماله شغل كلش =/

انا يتلي فترة بصير بيضة لانه حبيت اغير من لوني بدال لا اصير غامجة بصير فاتحة .. هذا يدل اني مو واثقة من روحي !!

لا حبيبتي مو دليل كلش

نفس الشي ليش البنات يسوون تان الحين و يغيرون لونهم يخلونه برونز !!

هم هذا يدل على انهم مو واثقين من روحهم

 

[sereen]

شوفوا عاد السالفه اللى تمووووووت من الضحك ذاك اليوم عازمه امريكيات عندى فى البيت وعازمه بنات من اهل الخليج وقاعدين طبعا اللى كاشخه واللى لابسه قصيرة والحاله طبعا اللى من اهل الخليج سمران مو بروووونز لا ينقالهم سمر بس مو عبيد يعنى لون الخليجى ! المهم البنت الخليجيه لابسه نفنفووف يهبل يننن وجسمها روووعه قعدت الركب تطلع يات الامريكيه عطتها كوشايه مالت القعدة على اساس تسند ظهرها البنت فيها لان كانت البنت مرتزة بس البنت حطتها على ريلها غطت ركبها المهم انا كنت بالمطبخ ازهب حق الغدا , جان اتقولها الامريكى no its for your back جان اتقولها الخليجيه بضحكه خجوووووله no my knees are black انا طبعا بطيت من الضحك قاعد اقووووول شتقووول هالبنت وى وى هااهاهاههاهاها امبيه هاهاهاهاها الامريكيه شدراها بسوالف البياض والسواد جان اتقولها الامريكيه what ?????? قالت البنت yes i have a problem my kness are balck and i feel embarrassed انا قلت ولييييييييييييييييييييييييييييين يعطيج العافيه بس شالكلام انتى يبا يعنى قولى شى ثانى .
الشاهد ان فعلا الخليجيات عندهم بما فيهم الكويتيات يعنى فى شى اسمه عقدة البياض بس انا اقووول دور على توحيد اللووون لان البياض صعب صيروا مايكل جاااكسوووون احسن ,
بالنسبه لى يوم عرسى انا مانى بيضه شمعه بس ليه انخشيت مثل باجى البشر اصفر اشوى المهم يوم عرسى قبلهها بيومين رحت المسيله عطيت الجسم حمام شمسى قلت اوحد بدال لا يصير مرقع الجسم بصراحه خله يصير طقه وحدة منها اريح للنظر وبدل لا الميك اب للويه يصير ابيض والجسم اسمر لا يبا وووووحد على البرووونز والله للحين اذكر خذيت من بودى شوب carrot tan والله احلى شى يابنات طلعين ذهبيه بس انا اقولكم ترى حسب الجلد نفسه يعنى اللى اصلا دارك ماراح تطلع ذهبى بس اللى فاتحه والبيضه تطلع والله وياكم
وحدوووووووووووووووووووووووووووووووووووووووووووووااااااااا لا الله الا الله

 

[انصاريه قمره]

حبيبتي اختلاف الرأي لا يسفد للود قضيه
شوفي يا روحي مثل ما في بنات ينطرون كل صيفيه يروحون البحر يحطون تان ويتشمسون او يسوون برونزاج بالصالون
عم في بنات يدورون خلطات للتبيض وهذا كلش ماله شغل بالثقه بالنفس يعني مثلا اللي تحط ميك اب وما تطلع طبيعيه بنقول
مو واثقه من نفسها ؟؟ اكيد لا بس اهي تبي تطلع بصوره احلى
كاني انا الحين مع الحمال لوني تغير اسمريت شوي وكلش مو قابله بلوني معنه محد يلاحظ الفرق
بس انا مو متقبله احس شكلي غلط
بالنهايه مشكوره حبيبتي عالطرح المميز فديتج

 

[خربشة قلم]

يمكن يبون يصيرون بيض لان الرجال الشرقي يحب المره بيضه

ويمكن قصدهم بخلطات التبييض


ان يبيضون المناطق المغمقه ويبون جسهم يصير لون واحد

وهذا رايي والسلام

 

[catwiti]

اغلب البنات كان حجيهم صحيح وحلو

كلنا نحب الجمال ونبحث عنه
انا اشوووق الي انخلقت بييضه
حلوووووووو عليها
والي انخلقت سمرا حلو بعد عليها
اصلا انااحب اللون البرونزي الاسمر احس لووون يشوووووق وودي اصبغ بس لان مايصلحلي الا البياض والله خالقني بضيضه وهاذا الي يناسبني
وماله شغل بالثقه بالنفس
وترا في سمار ايي من الاهماااااال فتييج البنت تبي تتزوج بعد جم شهر تعالو بيضوونيييييي وبيضوو كوعي وويهي ومادري شنووو
وفي سمار من الشمس بس تكون البنت بيضه جسمها ابيض فتدور كريمات وخلطات تبيض ويها عادي

واحنا مشكلتنا مافي وحده راضيه عن شكلها كل وحده تشوف غيرها تقول ابي مكثلها يعني السمرا تبي تكون بيضه والبيضه تصبغ برونز عشان تكون سمره هاذا حالنا

 

[miss-winter]

ترا مثل هوس الضعف والسمنه هذا شي قادر عليه الواحد ليش مايسويه بيضه وله سمره اهي تحب جذي تحب تبيض تحب تسمر كل وحده وكيفها يعني :s
اتمنى تقبلين مروري وشكرا :d

 

[واحشنى موت]

انا مع التبييض اللى قصدها من وراه التنظيف وتوحيد اللون لان فى بعض البنات صغار مايعرفون يتسبحون عدل فحرام
تحسينها مسمره ويبيلها شغل ومع الخلطات والتفرك وماقصروا بقسم البشره علموهم يتغير لونها وتفتح وتنظف
وانا طبعا ضد ابر التبييض والكريمات اللى فيها كرتزون وخرابيط لانها تأثر عالبشره وسبحان الله كل واحد مميزه ربه
بلون غير مو كل الناس نفس الشى

 

[DBDOB3 DES]

اهم شي البشره تكون لون واحد

طبعا اهم معايير الجمال اهو جمال الويه تناسق الجسم المعالم الانثويه توحد اللون

لكن بياض او سمار وملامح شيفه شالفايده!!!!

واغلب البنات اللي يتمتعون بجمال ملفت للنظر بالشكل اهم(( الحنطاويات ))

:tek:
فديتج والله

 

[om_7san]

اللحين يعني كل بيضه حلوه شكوو
يعني السمره سمره لو تبي تحط طحين وتصير كاسبر بترد سمره والبيضه بيضه بس الحلات تشوفينه عند الاثنين
انا بيضه بس ياحلات السمر فيهم ملح عجييب
بس مادري البنات ميتين على البياض ليش
حلات الجيم لون واحد سواء اسمر ولا ابيض مو مرقع يمكن اهني تفيد سالفة التبيض بس مو تبيض الجسم كله

 

[مراام]

شكرا على مروركم وعلى ردودكم الروعه