هونتها... لكنها عيت تهون
لاقلت راح الهم ألاقيه قدام
فيني ألم مامر بقلب مطعون
فيني حزن مامر بعيون أيتام
عاقل ولكن طحت في وقت مجنون
لاخوان في جنبي ولاحولي أعمام
واللي أبي عونه لقيته يبي العون
ولا ودّي أزيده على طعونه آلام
أصحاب أنا والهم أحباب ونمون
ماهي صداقة يوم هي عِشرة أعوام
والهم سجَّاني وأنا فيه مسجون
إن قام حظي طاح وإن طاح ماقام
تقول مافيه إنسان غيري بهالكون
حطمت في همي أنا كل الأرقام
والحزن في عيني له سنين مدفون
تتحقق الأحزان وتخيب الأحلام
بنات والله بحاجة للدعاء بشكل مو طبييييييعي
بموووت من الضيقة من الهم من الاكتئاااااااب اللي فيني
صار لي على هالحالة أكثر من شهر موراضية لاتروح الضيقة ولا تخف إلا جالسة تزيد
مع اني هالفترة أكثرة فترة قريبة من ربي الحمدالله ومحافظة على صلاة القيام واقرأ القرآن كل يوم واستغفر كثييير لعلى وعسى ربي يشرح صدري وينحل موضوووعي عاجلاً غير آجلاً ياربـ وعسى ربي يثبتني
فيه موضوع مسبب لي أزمة من سنين بس مخليته مع الوقت والحياة ماشية عندي الحمدالله
بس هالفترة جايتني ضيقة وهم مو طبييييييييعي بسبب هالموضوع يمكن لانو ابي ينحل هالفترة وبسرعة وادري انو الاستعجال في الشيء مو زين وهذا اللي يأخر الإجابة بس شيء مو في يدي وربي احاول انسى الموضوع بس مايروح من بالي بموووت من الهم الضيقة
إن الأمور إذا استدت مسالكهـا
فالصبر يفتح منها كـل مرتجـا
لا تيأسن وإن طالـت مطالبـة
اذا استعنت بصبر أن ترى فرجا
وربي بنات مابالغ انو مو قادرة اتنفس أحس بصعوبة في التنفس كل ماذكرت هالموضوع وصايرة كل حيااتي تشائم
وعصيبييية وانفجر على أي كل كلمة وصايرة حساسة بشكل مو طبيعي مو معقولة عشان موضوع انقلبت حياتي حجيم
أمس كنت عند أختي نفاااس وجالسة اتناقش أنا وياهااا بموضوع وجت سالفة وحدة وقلت لها الراحة تلعب دور
وما اشوفها إلا وتعصب علي تقولي وش ناقصك عايشة حياتك ومرتاحة ما عندك أي ضغوطاات
وقلت لها وش يعرفك اني مرتاحة الواحد عشانه ساكت يحسبونه مرتاح مايدرون أن الهم والضيقة قالبة حياته , أصلاً خنقتني العبرة ووجهي انقلب وقفلت على الموضوع حتى هي لاحظت وسكتت صايرة حساسة من اتفه الأمور مادري شفيني
بالجامعة كله سرحانه من ادخل المحاضرة لحد ماطلع مادري وش المحاضرة ولا أدري الدكتورة وش قالت
أنا سنة تخرج وأبي ارفع معدلي عشان يقبلوني اكمل الماستر لكن على حالتي هذي لاماستر ولا غيره
حتى صحباتي يقولون صايرة هادية ومؤدبة هالسمستر وش عندك وربي تخنقني العبرة مايدرون من الضيقة والهم اللي فيني
لكن اسكت وابتسم واقول في نفسي ربي بيفرجها علي قريب إن شاء الله
مابي إلا دعوة من قلب صادق بنات ابي موضوعي ينحل ادري إن الصبر مفتاح الفرج لكن صبري نفد ماعاد فيني صبر
وأبي ربي يفرجها علي و موضوعي ينحل بأسرع وقت
بنات ما بي أي كلمة تغث أو تجرح اللي فيني مكفيني بس تكفوووووون مااابي إلا دعوة صادقة وياربـ يفرجهااا علي عاجلاً غير آجلاً ياربـ
وأرجو من الله يلهمني الصبر والتفاؤل في هالدنياااا
يا صاحب الهم إن الهم منفرج
أبشر بخير فإن الفـارج الله
اليأس يقطع أحيانا بصاحبـه
لا تيأسـن فـإن الكافـي الله
الله يحدث بعد العسر ميسـرة
لا تجزعن فـإن القاسـم الله
إذا بليت فثق بالله وارضَ به
إن الذي يكشف البلوى هو الله
والله مالك غير الله من أحـد
فحسبك الله في كـلٍ لـك الله
التعديل الأخير:
