هيه انتو سمعوا..اقصد لوسمحتم

[معابر الذكرى]

السلام عليكم ورحمة الله وبركاته


دامج دخلتي يعني المزاج مفول وعلى طريف..

خواتي والله العظيم ياني مقهوره وانا اشوف كل وحده صارت نشبه في حلج اقرب وحده على غير مذهبها

ياناس تتوقعون ان السب بينا وبين بعض وتشيين النفوس يرضي الله ورسوله..قبل اي وحده تعلق على موضوع استفزها تتعوذ من الشيطان ليييييييش لانه بيحط من وسوسته الكثير من الي يشعل الفتنه..خواتي من بدت الخليقه والمراه على ضعفها الا انها اشعلت الماسي والحروب..ولعل اشهرها البسوس..المراه قوتها بلسانها.
ياسر الحبيب لن يترك سدى فالله يرى ويمهل لكنه لايهمل..والرجل طالب شهره ومو بعيد موظف لغايه معينه..لان المصيبه في هذا الزمن ان الشي مستحيل يكون بالبساطه الي تبين لنا.

ارجع لموضوع الاستفزاز خواتنا الي عالمذهب الشيعي هل يعبدون غير الله هل يقراون غير القران هل يؤمنون بنبي بعد الرسول..الاكييييييييييييييييييد لا..اما نقاط الاختلاف مهما اتسعت ليس سوى القول اللهم اهدنا واياهم فيمن هديت.

الحين اذا شتمنا بعض فالمذاهب نكون اصلحنا !!!!!؟؟؟

فتحوا صدوركم لبعض تخييييلوا لو هالدنيا خلت ومابقى غير المشركين وانتي واختج الي على غير مذهبج لو حسيتي انج بتخسرينها وتصفين بهالعالم الي ما فيه من يذكر الله ساعتها والله ماتهون عليج وتدفعين الغالي قبل الرخيص عشان تبقالج..انا اطرح الصوره بابسط من البساطه واخاطب الفطره فينا ..تذكرين بالروضه بالابتدائي بسنين العمر الاولى كنت تلعبين فالساحات مع خواتج ما همج منو يكونون ..

نحب الصحابه وال البيت ..اما من شتم ولمز ..فكما للبيت رب يحميه لعرض النبي واصحابه الميامين ربا سيكفيهم شر الالسن..
اما النصيحه والارشاد فلا تكون بالنرفزه والشده فالنهايه كلنا خوات ووالله مايهون علي ظفر كويتيه وحده..انصحي وضحي وارشدي باسلوب الاخت المحبة فعلا..وتذكري معنى الحديث ليس منا الطعان ولا اللعان افهميه ولا تكتفين بقرايته.



واختم يا بنات بان العاقل هو من تكفيه ريحة الدخان عشان يتلاحق الحريق باوله..مو الي لازم يشوف سعير اللهب عشان يقتنع في وقت يكون قد فات الفوت...اقصد ترى البلد ما خلت من مندسين وجهال..من الي يطيب لهم الرقص على خرايبها..

اللــــــــــــــــــــــــــــــــــــه يحفـــــــــــــــــــــــــــــــــظ بــــــــــــــــــــــــــــلادنا وكــــــــــــــــــل المسلميــــــــــــــــن​